It's now or never.

20.3.2007 | 07:44

Ég vaknaði fersk eins og sítróna rétt í þessu. Í dag er nefnilega að renna upp dagurinn sem ég hef verið að bíða eftir....... tækifæri lífs míns. Ég verð í BEINNI Á SÝN ! Nú mun ég pottþétt og handvisst renna út eins og heit lumma

. Mín fyrsta hugsun þegar ég opnaði augun var "í hverju á ég að vera"? Þar sem ég kem til með að sitja mestan hluta af útsendingunni, er í lagi að vera í stuttbuxum, nú eða gallabuxum. Svo ætla ég að vera í gráu peysunni minni með vösunum á hliðunum, þeim hinum sömu og síminn stakk sér úr. Þar fyrir innan verð ég í græna bolnum mínum sem á stendur ÁFRAM BORGARNES. Undirfötin verða leyndarmál að svo stöddu.

Dagurinn fer svo auðvitað í æfingar og bros fyrir framan spegilinn. Mjög líklegt er að ég sitji í annarri sætaröð, aðeins vinstra megin við miðju á leik Skallagríms og Grindavíkur.

Flokkur: Spil og leikir | Facebook

Athugasemdir

ÉG mun sitja límd við skjáinn og fylgjast með hvort þú komir ekki vel út í útsendingunni.

Gillí frænka

Gilli (IP-tala skráð) 20.3.2007 kl. 08:54

Velkomin í bloggheiminn! Hverjum nýjum ættingja sem byrjar að blogga fagna ég eins og sumrinu sjálfu!

Verður flott á Sýn þó ég trúi því ekki að það sé stuttbuxnaveður á Íslandi.

Kær kveðja frá Finnlandi

Þórunn Ella

Þórunn Ella (IP-tala skráð) 20.3.2007 kl. 14:11

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.