Það er púki í púkanum mínum.

Þessi texti hefur verið að bögglast í mér undanfarið:

Er ég kem heim í Búðardal
bíður mín brúðarval
Ó ég veit það verður svaka partý.
Býð ég öllum úr sveitinni
langömmu heillinni   
það mun verða veislunni margt í.

.

Þetta rímar ekki en það er líka erfitt að bjóða langömmu heitinni.. nánast ómögulegt.
Því gúgglaði ég textann og fékk hann allt öðruvísi:

.

Er ég kem heim í Búðardal
bíður mín brúðarval
og ég veit það verður svaka partý
Býð ég öllum úr sveitinni,
langömmu heitinni
myndi þykja veislunni margt í.

.

Langamma var semsagt aldrei boðin í partýið. 

-----------------------------------------------------------------------------------------

Ps.  Púkinn vildi ekki orðið "gúgglaði" og kom með breytingatillögurnar:

gígglaði
gúlglaði
gúmglaði
gúuglaði
kúgglaði
múgglaði
rúgglaði
súgglaði

Getur einhver útskýrt hvað þessi orð þýða ? 

 

Athugasemdir

[Gunnar Helgi Eysteinsson, 23.2.2008 kl. 12:03]

Nei

[Einar Indriðason, 23.2.2008 kl. 12:12]

Þarna er einfaldlega verið að búa til ný orð :-)

Útskýringin á þeim kemur síðar.

[Maddý (IP-tala skráð) 23.2.2008 kl. 12:14]

Minnir mig á spilið Fimbulfamb, ótrúlega gaman að taka það með í sumarbústað og bulla soldið ...

Gígglaði er nýlegt orð yfir þá sem safna miklu magni af gígabætum

Gúlglaði er gamalt orð yfir góðvini lögreglunnar

Gúmglaði var notað til forna þegar var verið að tala um gráðuga

Gúuglaði var mikið notað orð á síðustu öld yfir þá sem glöddust á Góunni 

Kúgglaði var notað áður fyrr yfir fólk sem kúgaðist við minnsta tilefni

Múgglaði er fornt orð yfir pensilín

Rúgglaði var mikið notað í sjónvarpsþættinum Heilsubælið

Súgglaði er gjarnan notað af fólki sem hefur drukkið of mikið áfengi og langar núna í súkkulaði 

[Svanhildur Karlsdóttir, 23.2.2008 kl. 12:17]

Þessi orð finnast ekki í orðabók, svo held að best sé bara að sleppa þessum Púka, hann veit ekkert í sinn haus (allavega er ég löngu hætt að nota hann, læt bara vaða inn).

[Lára Hanna Einarsdóttir, 23.2.2008 kl. 12:29]

Maddý góð... 

[Sæmundur Bjarnason, 23.2.2008 kl. 13:20]

Já, orðaskýringarnar hjá Maddý eru góðar. En Anna hvur segir að dægurlagatextar þurfi að ríma. Rím þarf ekkert að vera fullkomið heldur. Hálfrím og svipaður hljómur getur alveg dugað. Mig minnir að í þessum texta sé skemmtilega rímað á móti Sigöldu.

[Ragnheiður , 23.2.2008 kl. 13:23]

Þetta hefur verið mikil vandræðafærsla Anna mín, ég hef enn ekki notað púkann og veit ekki hvernig maður gerir það svo sem ?

Ég vissi að þeir breyttu textanum þarna aðeins á sínum tíma.

[Anna Einarsdóttir, 23.2.2008 kl. 14:04]

Ég nota púkann næstum aldrei, því oftast er ekki pláss fyrir tvo púka. 

Góðar skýringar Maddý.... sérstaklega var ég hrifin af þeirri síðustu. 

[Lára Hanna Einarsdóttir, 23.2.2008 kl. 14:20]

Rétt hjá Sæmundi. "Er ég kom heim frá Sigöldu, meyjarnar mig völdu..."  Var það ekki þannig? Annars var þessi textahöfundur landsfrægur fyrir þann lélegasta leirburð sem heyrst hafði á íslensku, en gerði þó stöku sinnum vel líka. Ætli nokkur hafi ennþá tekið við hnoðtitlinum af honum ennþá?

[Brattur, 23.2.2008 kl. 14:53]

... eða... (veit ekki hver samdi)...

Ég sá þig snemma dags
um sumar seint í ágúst
saman til sólarlags
við ein sátum á þúst... 

[Anna Einarsdóttir, 23.2.2008 kl. 14:54]

Þetta er líka frekar langt frá því að kallast snilld, hjá honum Hallbirni.   

Eftir gresjunni kemur maður
ríðandi hesti á
Arisona er staður
sem að ég hef miklar mætur á.

[Lára Hanna Einarsdóttir, 23.2.2008 kl. 14:57]

Höfundur "Ég sá þig snemma dags..." vann hjá OR síðast þegar ég vissi.