Tilvist og heimspeki.

 

Mér finnst heimspekileg lífssýn Ólafs Stefánssonar afar falleg.

Hann segir í Fréttablaðinu í dag að hann aðhyllist svokallaða Listaverkakenningu:

"Samkvæmt henni ert þú að mála flott verk sem verður ekki tilbúið fyrr en þú deyrð.  Þá er bara að sletta á það sem flestum litum, sumir eru dökkir, aðrir eru litir sorgarinnar og enn aðrir litir eru frábærir.  Svo er bara að reyna að búa til "harmóníu" úr þessu öllu, vinna eins vel úr hverjum lit og hægt er og gera þetta sem fallegast.  Listaverkasamlíkingin byggir á því að taka óhamingjuna inn sem hluta af verkinu jafnt sem hamingjuna og gera litríkt, fallegt listaverk sem er bara þú".

. 

 

. 

Hér koma svo mínar eigin pælingar; 

Samkvæmt minni trú erum við öll peð í einu stóru tafli og öll skiptum við jafn miklu máli.  Ég hef kynnst sorg og tel að sorgarúrvinnsla sé töluvert auðveldari, nái maður að sjá hlutina í því ljósi að öll séum við ódauðlegar sálir - og að þeir sem farnir eru, séu staðsettir í annarri vídd, mætti jafnvel segja öðru "herbergi" og að við munum hittast þegar þar að kemur.   Hvort sem þessi kenning mín er rétt eða ekki, er ljóst að hún hjálpar mér í þessu lífi.  Ég er samkvæmt þessu, tímabundið aðskilin þeim sem ég hef elskað og eru látnir.  Sú trú hjálpar mér líka til að hræðast ekki dauðann. 

Að tileinka sér trú sem hjálpar manni í gegnum lífið, er ekkert nema gott.  Ef mín tilgáta reynist röng og ekki er líf eftir dauðann,  þá verð ég hvort eð er steindauð þegar það kemur í ljós og hef ekki hugmynd um það.    Þessvegna ætla ég að trúa þessu fram í rauðan dauðann.

 

 

Athugasemdir

[Ragnheiður , 28.8.2008 kl. 18:39]

Svona geturðu skrifað, magnaða hugvekju ....líttu aðeins á hina síðuna mína...tilviljun ?

[Sigrún Óskars, 28.8.2008 kl. 21:03]

Innlitskvitt  og tek undir þessar pælingar þínar

[Dísa Dóra, 28.8.2008 kl. 22:06]

Góð pæling hjá þér og Óla reyndar líka

[alva (IP-tala skráð) 28.8.2008 kl. 22:11]

já, mjög góðar pælingar hjá ykkur Óla, svona" pre death and after deth" pælngar hjá ykkur, þið gætuð orðið gott teem

[Bergljót Hreinsdóttir, 28.8.2008 kl. 22:15]

Flott pæling...samræmist minni lífssýn...ég aðhyllist Mikaelfræðin og trúi því að með því að nýta allar þroskaleiðirnar náum við að lokum að sameinast sem ein heild í ljósinu...sama hvað þetta heitir sem við trúum á...jarðarinnar börn...Guð...Allah...Búdda...Tré...Alheimsorka....skiptir ekki máli hvað það heitir...það verða allir að hafa eitthvað til að trúa á...

Mér finnst málverkslíkingin hans Óla óttalega krúttleg og sé þessa myndrænu túlkun hans ljóslifandi fyrir mér....væri gaman að ímynda sér hvernig manns eigið málverk lítur út...akkúrat núna.....

[Helga Björk (IP-tala skráð) 29.8.2008 kl. 20:34]

Hæ Gull....

Mikið svakalega er ég sammála þessu... eins og talað út úr mínu hjarta. Með því að kynnast Raja jóganu þá fannst mér ég skilja lífið svo miklu betur. Samkvæmt því þá komum við öll til með að hittast aftur annarsstaðar í öðrum hlutverkum...

Mér finnst svo mikið gullkorn í því sem ég heyrði einhverntímann að þegar orka mannkynsins er orðin svona lág eins og er að gerast þá tekur náttúran við... við höfum jú orðið vör við jarðskjálfta og óveður....

En.... hið sanna frelsi er að hafa fullkomið vald yfir eigin huga.

Kíktu í kaffi!

Góða helgi!

H.

[Anna Einarsdóttir, 30.8.2008 kl. 00:00]

Kíki í kaffi vinkona.