Það má drepa kónginn.

17.11.2009 | 11:03

Nú er tími jafnréttis og systralags.

Í tilefni af því skora ég á þá lesendur mína sem kunna að tefla, og ég veit að þeir eru þónokkrir, að taka eins og eina öðruvísi skák. Hugsa út fyrir rammann en þó má alls ekki fara útfyrir taflborðið.

Í þessari skák má drepa kónginn en iðrast ber að því loknu, því gjörningurinn er ekki fallegur.

Drottningin skal hins vegar mátuð.

Að öllu leyti er manngangurinn eins og í hefðbundnum skákum.

chess

Með þessari óhefðbundnu tilraun, munuð þið komast að því að gert er frekar lítið úr kónginum á skákborðinu og hann er nánast farlama á meðan drottningin hleypur um víðan völl.

Hvar eru jafnréttissamtökin ?

Flokkur: Spil og leikir | Facebook

Athugasemdir

ónei... ég varla kann mannganginn. Hvað þá að ég gæti telft með nýjum, breyttum (og betri?) reglum.

Hrönn Sigurðardóttir, 17.11.2009 kl. 20:16

Gleymum bara þessari endalausu jafnréttisbaráttu! Á meðan drottningin fer ekki halloka þá er þetta í lagi

Hrönn Sigurðardóttir, 17.11.2009 kl. 20:17

Góður punktur Hrönn. Ekkert jafnréttiskjaftæði á minni síðu. Það er ekki okkur að kenna þótt kóngurinn sé varla gangfær.

Anna Einarsdóttir, 17.11.2009 kl. 20:36

Nefnilega! Hann getur sjálfum sér um kennt - hefði átt að stunda hreyfingu á unga aldri.

Hrönn Sigurðardóttir, 17.11.2009 kl. 20:57

Þetta er dáldið dona 1975, Zigný mín....

Steingrímur Helgason, 18.11.2009 kl. 00:22

Þegar ég tefldi í dentid þá fannst mér ekki mikið gagn í þessum kóngsræfli- þarna stóð hann og gat ekki annað, með heilan her sér til varnar og pilsvarg um allt borð

Ragnheiður , 19.11.2009 kl. 13:25

Ég hef ekki teflt síðan kvöldið góða í Ljósheimunum. Þar var ég mér til skammar, en þakka Drottni að hafa fengið að taka þátt í ævintýrinu.

Guð, blessi kónginn...........

Ingibjörg Friðriksdóttir, 19.11.2009 kl. 18:06

Kóngur er kostur góður
Fremstur meðal karla
Aldrei verður hann móður
Því hann hreyfir sig varla

Brattur, 19.11.2009 kl. 21:19

Alveg er ég heimaskítsmát.

Góða helgi.

Ingibjörg Friðriksdóttir, 20.11.2009 kl. 14:07

já, þeir sem sömdu mannganginn hafa séð kónginn fyrir sér í göngugrind meðan drottningin reið um héruð

Brjánn Guðjónsson, 22.11.2009 kl. 17:24

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.