Aðventu-átak.

 

Þórdís Tinna,  Moggabloggari númer eitt,  er engin venjuleg kona.

Hún er skemmtileg, alltaf að hjálpa öðrum og sér það jákvæða við nánast allar kringumstæður.

Eins og flestir vita, á hún við alvarleg veikindi að stríða. 

Það þarf ekkert að kynna Þórdísi Tinnu, svo þekkt er hún orðin fyrir að vera hún sjálf.

Nú er rétti tíminn til að sýna Þórdísi Tinnu stuðning í verki. 

Sýnum samstöðu og styðjum við hana og dóttur hennar, Kolbrúnu Ragnheiði, svo þær geti notið hátíðanna, lausar við fjárhagsáhyggjur.  Þúsundkall eða Fimmþúsundkall..... allt hjálpar.

 

Bankareikningur

0140-05- 015735.     Kt.101268-4039

 

Ég skora á aðra bloggara að taka þátt og birta samskonar færslu á sinni síðu. 

 

 

Er ég trúður eða grænmeti ?

 

Ég komst að einu í Kaupmannahöfn !

Það sést greinilega langar leiðir hvað ég er undarleg. 

Þegar ég pantaði leigubíl kom þessi sirkusbíll....

.

.

Og það var sko engin tilviljun því þegar ég pantaði næst bíl kom þessi ávaxtakarfa....

.

.

Er ég api eða appelsína ?

.

.

Þrátt fyrir hástemmdar yfirlýsingar mínar um að ég skyldi ekki borða baunasúpu í Danmörku, þá fékk ég svona sveppasúpu.  Sagt og skrifað..... sveppasúpu. 

.

.

Annars varð ég fræg í Danmörku.  Gekk beint inn í beina útsendingu sjónvarpsins. 

Vildi bara svo óheppilega til að ég var að ganga á Istedgade.    

Það er ekki á allt kosið.

.

 

 

Danskur bragarháttur.

 

Í kóngsins hafnar kaupmanna
er kostulegt að fá sér brauð
Smörre skal það heita Anna
Afi minn fór á honum rauð   (passar fínt hérna)

Og geri eitthvað mikið...
fer kannski yfir Strikið...

.

Tja hvar er betra að gera prakkarastrik ?

.

Kona spyr sig !

.

.

Hilsner og pilsner. 

.

Skyldi þessi hafa stundað fjárdrátt ?

.

.

.

.

 

Meiri útrás.

 

Sko barasta !   Bjarni Sæmundsson, æskuvinur minn, orðinn Bahama-meistari í skák.... og getur keppt fyrir Bahama á Ólympíuleikunum.  

Nú álykta ég;  þar sem Bjarni og Þorgeir og ég, unnum fyrirtækjakeppni í skák í hitteðfyrra í Borgarnesi, er þá ekki næsta skref að Þorgeir verði Kasakstan-meistari og ég verði Moldavíu-meistari..... og svo hittumst við öll á Ólympíuleikunum og teflum eins og við gerðum á Vegamótum í gamla daga ?  Færum semsagt Vegamót á alþjóðavettvang.      Tja... kona spyr sig.

Hvergerðingur Bahamameistari í skák

Útrás.

 

Kæru vinir.  

Ég þakka innilega fyrir hugljúfar kveðjur til mín og minna undanfarið. 

.

.

.

.

Sparisjóður grínista og nágrennis fer í útrás í næstu viku.  Sparisjóðsstjórinn og sparigrísinn, jeg altså, skal rejse til Denmark.  Þar ætla ég að gera af mér ýmsar kúnstir eða kundster og eiginlega allt sem mér dettur í hug nema eitt.  Ég ætla ekki að borða Baunasúpu í Danmörku....    Hvað ætli séu margir Baunar í einni súpu ?

.

.

Í útvarpsfréttunum í morgun var verið að fjalla um flóðin í Bangladesh.... sem eru náttúrulega skelfileg.... en þeir komust svo skemmtilega að orði; 

"Þeir létu stormviðvaranir sem vind um eyru þjóta".   

.

.

Svo langar mig að segja ykkur sögu:  Það gengur mikið á hjá byggingafyrirtækjum þessa dagana.  Einn föstudagsmorgun, gaf yfirmaður verkamanni þessi fyrirmæli: 

"Ég er að fara til Reykjavíkur.  Viltu þrífa skúrinn á meðan".

Þegar hann kom til baka var búið að rífa skúrinn.  

.

.

.

.

Bloggin mín verða líklega stutt og stopul á næstunni......

..... en ég kem inn jafnóðum og ég geri einhver prakkarastrik. 

Gillí - kveðja.

 

Elsku Gillí mín.

Ég skrifa þér bréf, vegna þess að við ræddum um líf eftir dauðann, þú og ég, og vorum sammála um að svo hlyti að vera.  Áttum samtal um sálina og ódauðleika hennar.  Að hafa þá trú er hjálparmeðal í andstreymi og áföllum lífsins.   

Mínar fyrstu minningar um þig voru þegar ég heyrði einhvern segja að þú borðaðir flugur þegar þú varst lítil.  Það fannst mér, líklega sex ára gamalli, alveg stórmerkilegt og ég horfði á þig með andukt.  Aðeins síðar á ævinni fékkstu gleraugu.  Þau voru líka tilefni mikilla heilabrota og fannst okkur krökkunum þú verða ögn merkilegri en við, með þennan útbúnað.  Ekki þekkti ég þig svo náið á þessum árum, enda þriggja ára aldursmunur og á meðan þú lékst þér við Þorbjörgu, lék ég við Rósu, Halldór og Þorgeir.  Tíminn leið, við urðum eldri og áttum okkar líf á sitt hvorum staðnum.

Árið 2000 stofnuðu þú og Palli, Þorgeir og fleiri, Golfklúbb Guttorms tudda.  Þar byrjuðum við að endurnýja kynnin Gillí mín.  Við hittumst í keilu og billjard, badminton, félagsvist og á árshátíðum.  Þarna naust þú þín vel enda varstu sérlega góð í hinum ýmsu íþróttagreinum og við hlógum oft að miklu keppnisskapi hvorrar annarrar.  Þú lifðir mjög heilbrigðu lífi og það varst líka langoftast þú sem hampaðir Stássuhorninu, verðlaunum fyrir bestan samanlagðan árangur í íþróttum ársins innan Guttorms.  Þú varst gjaldkeri og skipulagðir árshátíðir og varst ætíð hrókur alls fagnaðar.  Það má segja að í Golfklúbbnum hafi notið sín flestir þínir bestu eiginleikar; dugnaður, kraftur, skipulagshæfileikar, leikni í hinum ýmsu íþróttagreinum, glaðlyndi og gott skopskyn.  Þú varst næstum alltaf brosandi þínu fallega brosi. 

.

.

Mest kynntumst við þetta síðasta ár Gillí, þegar þú leiddir mig inn í heim bloggsins.  Á þeim vettvangi áttum við nánast dagleg samskipti.  Gefandi, skemmtileg samskipti.  Þú hafðir mjög ákveðnar skoðanir á málum og að mínu mati heilbrigðar, varst fljúgandi góður penni og kímnigáfan skein í gegn.  Þú skrifaðir um baráttu þína af þvílíku æðruleysi og svo heiðarlega, hreint og beint, að eftir var tekið.  Þú varst gríðarleg baráttukona Gillí mín og fyrir það áttu aðdáun margra. 

Ferðinni okkar til Barcelona í sumar, gleymi ég aldrei.  Sú ferð verður staðsett með öðrum perlum í minningasjóði okkar samferðamannanna.  Í minningasjóðnum á brúðkaupsdagur ykkar Palla líka heiðurssess, sem og kvöldið sem við sátum, þú og ég, og ræddum um lífið, tilveruna og dauðann. Nú kveð ég þig í bili Gillí mín, með miklum söknuði.  Þú varst einstök í þessu lífi.  Við hittumst svo síðar.

Stórt knús frá lítilli frænku. 

.

Ljós fyrir Gillí.

 

Kæru vinir.

.

Kveikjum ljós fyrir elsku Gillí okkar, sem lést í morgun.

.

Elsku Palli og synir, Elli, Gerða, systkini og fjölskyldur.

Fjölskylda mín sendir innilegustu samúðarkveðjur. 

.

.

 

 

Skilaboðaskjóðan.

 

Öll þurfum við ást og hlýju í lífinu.  Mest þurfum við á því að halda þegar okkur líður illa eða erum veik.  Ég hef verið í sambandi við fjölskyldu Gillíar og talaði síðast við bróður hennar í morgun.  Ástand hennar er að mestu óbreytt síðan á laugardag.  Eins og fram kom á bloggsíðu Gillíar, má gjarnan senda henni kveðjur og kort.  Það er líka hægt að skrifa henni hérna og það verður lesið fyrir hana.  Endilega leggið ykkar af mörkum til að hlýja henni aðeins um hjartað. 

.

 

Væntumþykjupistill.

.

Ég hef oft sagt að systkinin í Dal séu meira eins og systkini mín en frændfólk, enda ekki nema 3 kílómetrar á milli æskuheimila okkar og samgangur nokkuð mikill.

Í Dal bjuggu amma og afi okkar allra.  Afi gaf okkur stundum í nefið (ekkert svo oft en það er bara svo gaman að segja frá því) en amma gaf okkur eitthvað gott að borða, spilaði við okkur og kenndi okkur bænirnar.

 

Gillí er elst af okkur.  Við litum upp til hennar.  Rósa, Halldór, Þorgeir og ég erum öll á sama aldri.  Egill og Helga voru svo litlu börnin.... en eru það reyndar ekki lengur.    Egill er meira að segja orðinn doktor .....  ....  kannski skrifað með stóru Déi ?

.

Við krakkarnir lékum okkur í bílaleik og dúkkuleik, feluleik, "búó" og draugaleik.  Við áttum líka horn, leggi og kjálkabein og gátum því verið stórbændur ef okkur bauð svo við að horfa.  Þegar Rósa lærði að lesa, lærði ég að lesa.  Þegar Rósa lærði að prjóna, lærði ég að prjóna.  Þegar Halldór lærði að hjóla, lærði ég að hjóla. 

Einfalt kerfi og skilvirkt.   

Við fundum út svör við gátum lífsins í sameiningu:  "Verður Helga systir Jesú þegar hún verður stór" ? var ein af stóru spurningunum sem ég man eftir að hafa borið fram.  Helga er nefnilega fædd á Jóladag og því fannst mér nokkuð sjálfsagt að hún tæki við hlutverki Jesú þegar hún hefði aldur til.

.

Síðar, þegar við urðum unglingar, leigðum við saman um tíma.  Þá var oft mikið gaman og alltaf kom okkur vel saman.  Halldór er langskemmtilegasti sambýlismaður sem ég hef haft.  Við hlógum einu sinni í gegnum alla Hagkaupsbúðina vegna þess að hann hafði sprautað sjampói upp í nefið á sér þegar hann ætlaði bara að finna lyktina.....og þegar við Halldór hlægjum saman... þá smitum við hvort annað og getum illa hætt.... hreinlega grátum úr hlátri.

.

Árið 2000 varð Golfklúbbur Guttorms tudda til.  Það er félagsskapur gamalla Miklhreppinga og áhangenda þeirra sem eiga reglulega saman góða stund við golf á sumrin en á veturna er keppt í ýmsum íþróttum, s.s. keilu, billjard, pílukasti, félagsvist, skák og badminton.  Drifkraftarnir í Guttormi eru Gillí og Þorgeir.  Það er alveg frábært að slá tvær flugur í einu höggi;  hitta gamla vini og leika sér með þeim í leiðinni.  

.

Gillí hef ég kynnst á annan hátt á blogginu.... betur en áður.  Það er henni að þakka að ég byrjaði að blogga, því hún hvatti alla vini og vandamenn sem blogguðu, til að segja sér frá því.  Þá var hugmyndinni sáð hjá mér - að kannski væri þetta eitthvað sem ég gæti gert.   Gillí er ótrúlega magnaður karakter og það vita allir þeir sem hafa fylgst með henni hérna á blogginu. 

.

Elli er mikill húmoristi og við getum alltaf hlegið saman þegar við hittumst.  Við Gerða unnum saman í heilt ár og samdi alveg rosalega vel.  Hún er svo dugleg og létt og kát að það er ekki hægt annað.

.

Í sumar fórum við svo í yndislega Barcelonaferð;  Gillí, Palli, Kári og Ásgeir, Halldór og Denna, Egill og Ragna, Þorgeir og Sif og ég og Brynjar..... ferð sem batt enn frekar fjölskylduböndin.

.

Ég vissi ekki, þegar ég byrjaði að blogga, hvað kæmi út úr því.... en ég er að reyna að segja fjölskyldunni í Dal hvað mér þykir vænt um þau öll. 

.