Húsráð.

 

Hver kannast ekki við það að vera  á æsispennandi stað í draumi einmitt þegar vekjaraklukkan hringir ?

 

Mig dreymir kannski að ég sé að fara að hitta Elton John og Phil Collins.   Alla nóttina er undirbúningur í gangi... ég greiði mér og fer í mitt fínasta púss.  Stóra stundin nálgast.  Ég keyri heim að húsinu þar sem þeir dvelja.  Spennan magnast og tilhlökkunin ólgar í mér.  Ég geng óstyrkum skrefum að útidyrahurðinni.... dyrnar opnast.... og þá.............

hringir helv. vekjaraklukkan. 

 

Nú er ég búin að finna lausn á þessu vandamáli. 

 

Ég er vön að vakna klukkan 7.00 en núna stilli ég vekjaraklukkuna mína einfaldlega á 7.05 .... og ég næ að klára drauminn minn. 

Ég veit af hverju Mbl.is auglýsir NOVA síma á hverri einustu bloggsíðu.

 

Þetta er augljóst. 

Morgunblaðið þarf að segja fréttir.

Aðalfréttin núna er klúður á klúður ofan hjá sjálfstæðismönnum.

En Morgunblaðið nær ekki í einn einasta sjálfstæðismann.

ÞEIR EIGA ENGAN SÍMA !!! 

Sjálfstæðismenn...... nú er lag.... kaupið NOVA  

Mundu að....

Brosið er eins og pósturinn,
dreifir glaðningi til fólks
stundum kemur hann ekki með glaðning.
Ef þú brosir alltaf....
....færðu alltaf skemmtilegan póst. 

J.J.
Júlíus Júlíusson.

Þetta rímar ! :-)

 

Af mæni fór að taka mál,

með tók lítið drykkjarmál.

Varð þá snöggvast svaka mál.

Skrýtið er nú íslenskt mál.

.

 

Er ekki algjört jafnrétti draumur okkar allra ?

 

   

Lögmálin.

 

Blogg dagsins er hér.  SMELLA HÉRNA SKO

.

Gáta dagsins:  Er þessi mynd tekin í Borgarnesi ?

Veðrið.

 

Er hægt að blogga um eitthvað annað en veður núna ?  Held varla.  Undir Hafnarfjalli mældust hviður 61 m.sek. um hálfsjöleytið.  Og veðrið á ekkert að vera sérstaklega vont fyrr en um níuleytið en á landið stefnir lægð sem er 934 millibör.    Mér verður hugsað til grísanna sem byggðu húsin sín ýmist úr stráum, spýtum eða múrsteini.  Skyldi spýtukofinn minn halda í kvöld þegar úlfurinn blæs ?

Ef ekki, má búast við að ég fjúki út á hafsauga.... en ég held reyndar að hafsauga sé ekki til.  

Rafmagnið hefur verið að blikka í kvöld og þar sem ég hef nú þegar upplýst alþjóð um hræðslu mína við að vera svöng... get ég svosem alveg eins sagt ykkur að ég eldaði ógurlega hratt klukkan 6 í kvöld.  Ætlaði sko að vera södd ef rafmagnið færi.  Og ég er södd og sæl. 

Héðan verða fluttar nánari fréttir um leið og þær berast.

Sérstaklega ef það verður rafmagnslaust og ég hef ekkert annað að gera. 

Hvaða Nova bull er þetta á bloggsíðunni ?

 

Innbrot hefur verið framið í Sparisjóð grínista og nágrennis.   

Einhver NOVA óð inn í sjóðinn og kom sér fyrir, án vitundar og vilja Sparisjóðsstjóra.

NOVA er að trufla mig og ég óska hér með eftir að Moggablogga-stjórarnir hirði þennan óboðna gest og stingi honum í næsta snjóskafl.

TAKK. 

Verð að eiga mat.

 

Alveg er ég sannfærð um að í einhverju fyrra lífi varð ég svöng.  Hef hugsanlega orðið glorhungruð eða jafnvel soltið til bana.

Þessi sannfæring mín er tilkomin vegna þess að mig dreymdi svo oft, þegar ég var unglingur, að það væri að koma stríð og ég var á fullu að hamstra mat.  Aftur og aftur var ég með fangið fullt af grjónum og haframjöli í draumum mínum.

Svo þegar kemur vont veður eins og er þessa dagana... og þá er ég að tala um að ég er vakandi... líður mér ekki vel fyrr en ég hef farið í búð og hamstrað mat.   Núna er ísskápurinn fullur af mat.    Og mér líður ljómandi vel. 

.

.

Hugsanlega er þetta bara skynsemi af því að ég yrði fyrst til að hríðfalla úr hor í hungursneið.

Áróðursmaskína Sjálfstæðisflokksins malar.

 

Langt er síðan mér datt í hug að í Valhöll sæti maður eða jafnvel menn og brugguðu áróðursorð til að níða niður andstæðinga Sjálfstæðisflokksins í pólitík. 

Ég rakst á þetta fyrir tæra tilviljun og það verður gaman að sjá hversu margir Ósjálfstæðismenn fara eftir fyrirmælum og blogga ........ "SAUMAKLÚBBUR SVANDÍSAR SKILAR AF SÉR".

 

Hér með birti ég sönnunargagn númer eitt í málinu;

Saumaklúbbur Svandísar skilar af sér.

Og sönnunargagn númer tvö;

Saumaklúbbur Svandísar skilar af sér.

 

Hí á ykkur... getið ekki hugsað sjálfir.