Myndagáta.

.

 

.

 

.

 

.

 

.

.

Yngsta Byrgisstúlkan á leið á götuna aftur.

 

Mig langar að vekja athygli á meðfylgjandi frétt.  Djö..... (ljótt að blóta) er maður orðinn leiður á loforðum stjórnmálamanna - sem eru ekkert annað en innihaldslaust gaspur. 

Þykir ekkert tiltökumál lengur að svíkja gefin loforð ?? 

Geymt en ekki gleymt........ segi ég við stjórnmálamenn.

_________________________________

Hér kemur svo fréttin; 

"Móðir yngstu stúlkunnar sem kærði Guðmund Jónsson, fyrrverandi forstöðumann Byrgisins, fyrir kynferðisbrot segir að yfirvöld hafi ítrekað brugðist loforðum um að koma dóttur hennar til hjálpar.

„Hún komst í meðferð í gegnum klíkuskap og til þess að hún fengi sálfræðihjálp þurfti ég í raun að hegða mér eins og ruddi til að ná því í gegn," segir Sesselja G. Garðarsdóttir, móðir stúlkunnar. Hún tekur þó fram að hún vilji síður en svo nota klíkuskap og frekju til að fá hjálp fyrir dóttur sína en annað virðist ekki vera í boði.

Dóttir hennar Íris Dögg Héðinsdóttir var aðeins sextán ára þegar misnotkun Guðmundar hófst árið 2003 en þá hafði hún farið í Byrgið með leyfi barnaverndaryfirvalda. Íris er nú 21 árs. Hún hefur verið edrú í eitt ár, stundar vinnu og stefnir á að komast í nám í Borgarholtsskóla í haust. „Það lítur samt út fyrir að ég lendi á götunni 1. ágúst," segir Íris en hún og móðir hennar segjast orðnar mjög langeygar eftir svörum frá Jórunni Frímannsdóttur, formanni velferðarráðs Reykjavíkur, sem átti að finna húsnæði fyrir Írisi. Þau svör fengust hjá velferðarráði þegar Fréttablaðið ætlaði að inna Jórunni eftir svörum um málið að hún væri í sumarfríi og ekki væri von á henni aftur fyrr en í ágúst. Um það vissu mæðgurnar ekki.

Íris segist nú dvelja í húsnæði sem hún hafi engan veginn efni á miðað við tekjur sínar. Hún hafi verið við það að lenda á götunni í síðasta mánuði og því hafi hún fengið sérstakar húsaleigubætur þá. Sú hjálp sé þó allt önnur en sú sem yfirvöld hafi lofað á sínum tíma. „Það var sagt að við ættum að njóta forgangs í húsnæðismálum og fá sálfræðiaðstoð," segir Íris. Hún bendir þó á að af þeim átta stúlkum sem kærðu Guðmund hafi hún ein fengið sálfræðihjálp og ein stúlka fengið úthlutað húsnæði.
Í niðurstöðu Héraðsdóms Suðurlands frá því í maí kemur fram að Guðmundur „misnotaði aðstöðu sína og fjárhagslega yfirburði, veikleika skjólstæðinga sinna og leit þeirra í trúna á Guð, í þeim tilgangi að fullnægja eigin hvötum og kynlífsfíkn."

Það var því mat dómsins að ákærði hafi unnið markvisst að því að fá kærendur til fylgilags við sig og virðist hann hafa valið sér fórnarlömb sem áttu mjög erfiða kynlífsreynslu að baki. Hann var því dæmdur í þriggja ára fangelsi og til að greiða fjórum ungum konum miskabætur".

[e-mail]

Listaverk.

 

. 

Helena Björnsdóttir er yndisleg persóna.  Hún er tilfinningarík, jákvæð, góðviljuð og ótrúlega listfeng.  Málverk og ljóð eru eftir hana. 

.

 

.

TWILIGHT

.

Why is it you never see

I´m young in mind and full of glee

Although my body frail is now

I´m coping as I best know how

.

I try to smile and be your friend

I try to communicate and send

A helpful hint, a nod or wave

Not a grumble or onward rave

.

I have forgotten many things

This much sorrow to be brings

I know not longer how to walk

And oh how hard it´s now to talk

.

I wish we´d met some years ago

When life was full for me, you´d know

And understand my little ways

And maybe make some happy days

.

I really need your understanding

For you to think and stop demanding

For you to realise I´m still

a thinking person with a will.

.

I want to show you what I think

But my mind and tongue don´t link

I want to show you that I´m more

than just a body which brings you chore

.

Why is it I sit and stare

and wish my young ones to be here

to share with me my much loved past

until my body rests at last.

 

Róninn.

 

.

Í gærkvöldi sá ég mjög óvenjulega sjón..... róna á puttanum,  á leið í útilegu. 

Hann var frekar gamall og ofboðslega drykkjulegur greyið.  Sennilega vel fullur.

Ekki vissi ég að rónar færu í útilegu....... en af hverju ættu þeir ekki að gera það ?     Allir þurfa jú tilbreytingu af og til.

Vonandi á hann góða helgi.

.

 

.

 

Eitt eintak er meira en nóg.

.

Morgunstund gefur gull í mund
með gleði ég opna augun mín
því ég á hesta, kisur og hund
og get sem best líka farið í sund
hugsað um hvernig skal ávaxta pund
fengið mér kaffi sem léttir jú lund
og röddina hækkað, upp um áttund

.

......... nei, þessi vísa fær aldrei vængi. 

.

Finn frekar spakmæli úr bók...... bíddu aðeins......   Set hérna mynd á meðan þú bíður.

.

. 

Jæja..... hér koma spakmælin;

.

"Barnaskap kalla menn hjá öðrum þann hluta barnsins, sem þeir hafa glatað hjá sjálfum sér".

.

"Sé munurinn ekki tekinn með í reikninginn, erum við manneskjurnar á flestan hátt nokkuð líkar".

.

"Reyndu aldrei að móta neinn í þinni eigin mynd, bæði þú og skaparinn vitið að eitt eintak af þér er nóg".

.

 

Góðan dag. 

Af ávöxtunum skuluð þér þekkja þá.

 

Í gær fjárfesti ég í nammipoka fyrir kisu, svokölluðu kisunammi.  Þegar heim kom, gaf ég henni einn mola og hún smjattaði vel og lengi á honum.  Eftir kvöldmat ætlaði ég svo að lauma öðrum mola að henni en fann þá ekki pokann.  Hér leituðu allir dyrum og dyngjum að kisunamminu en það var engu líkara en jörðin hefði gleypt það.

Eftir langa mæðu fann ég pokasnifsi á gólfinu.  Afganginn af pokanum utan af kisunamminu.  Mér var eiginlega létt að jörðin skyldi ekki hafa gleypt nammið, heldur kisa sjálf.    Líklega er henni illt í maganum í dag.

.

------------------------------------------------

Ég var búin að nefna við ykkur afleysingavinnu mína í ávaxtakælinum þessa dagana.  Það sem kemur mér mest á óvart við þá vinnu, sem annars er mjög skemmtileg, er hversu ótrúlega margar tegundir eru til af ávöxtum og grænmeti.     Ég þekki varla helminginn af þessu.

.

 

.

Í einhverri auglýsingunni sagði;  Af ávöxtunum skuluð þér þekkja þá.

Með það í huga, góni ég á alla torkennilega ávexti sem ég kann ekki nafnið á en er þó engu nær. 

Auglýsingar eru bull !

.

------------------------------------------------

.

P.S.  Þessa dagana er ég mjög hamingjusöm.   Það er þó ekki alveg laust við að ég hafi smá samviskubit yfir gleði minni því ég veit að margir eiga um sárt að binda vegna ástvinamissis.
Enn felli ég líka stundum tár yfir Gillí minni og öðrum ástvinum sem eru farnir.  Því vil ég kveikja á kertum fyrir þá sem við söknum og til að sýna samkennd með þeim sem eiga erfitt. 

Með ósk um ljúft kvöld.  

.

 

. 

Viltu fá gæsahúð ?

.

Mér var bent á myndskeið á youtube og langaði að deila því með ykkur. Þetta er 9 ára gamall drengur sem syngur sig beint inn í hjörtu fólks.  David, en það heitir stráksi, er einhverfur.

Fréttir.

 

Það er nefnilega það.     Auðvitað.  Það væri undarlegt ef það væri pönnukaka eða bíll.   Hver fann upp þessa speki;  Það er nefnilega það ?          Jæja, hætta að bulla og koma sér að efninu.

.

Nú verða sagðar fréttir.   Fréttir les...   ....  þú sjálf/ur.

.........................................

.

Ég er komin með vinnu.  Og ekki bara eina, heldur tvær. 

Í síðustu viku tók ég að mér að raða kálhausum.  Altså hinum kálhausunum.  Þetta heitir annars á góðri íslensku að sjá um grænmetiskæli í verslun.  Ég tek þetta starf í tvær vikur, rétt svona að redda málum meðan allir hinir eru í sumarfríi.

.

Síðan fer ég í sumarfrí. 

Ógeðslega gaman að vinna smá til að komast aftur í frí.

.

Að loknu góðu sumarfríi.... í ágústlok, gerist ég síðan bankamær.  Ég sagðist vera bankastjóri hjá Sparisjóði grínista og nágrennis til að fá vinnuna.  Eða nei, ég sagði það kannski ekki alveg svona en ég allavega hugsaði það. 

.

Og þá vindum við okkur í næstu frétt.

Tveir þorskar voru dregnir á land um helgina af mér sjálfri.  Þetta þætti ekki frétt, nema vegna þess að þetta er í fyrsta skipti á ævi minni sem einhver fiskur er svo vitlaus að bíta á agnið hjá mér.  Og trúið mér, ég hef kastað öngli þúsund sinnum.  Þessir vænu þorskar komu á land á Ólafsfirði, nánar tiltekið á stóru bryggjunni. 

Þeir fengu frekar höfðinglegar móttökur því eftir að hafa losað spúninn varfærnislega úr munnviki þeirra, bað ég þá innilega afsökunar og kastaði þeim svo aftur í sjóinn.

.

Þá er ekki fleira í fréttum í dag. 

.

.

.

 

 

Helgarfrí.

 

Nú kasta ég boltanum yfir til ykkar.

Hnoðvísur óskast.

.

.

Skilyrðislaus móðurást.

 

.

 

.