Færsluflokkur: Mannréttindi

Sölvi Tryggvason hittir naglann á höfuðið í þessum pistli.

 

.

EKKI MEIRA!

.

sölvi 

.

Hvort sem við erum með eða á móti ákvörðun Ólafs Ragnars verðum við öll að taka okkur saman um tvennt sem Íslendingar.
.

1) Að ákvörðunin valdi ekki enn frekari skotgrafahernaði í samfélagi sem nú þegar er komið niður í botn jarðvegsins af mokstri skotgrafanna. Það verður ólíft hérna ef umræðan verður ennþá árásargjarnari og óvægnari. Þessi liðsskipting í umræðunni er farin að minna á svæsnustu fótboltabullur. Meira að segja stuðningsmenn Milwall gætu verið stoltir. Það er þyngra en tárum taki að horfa á sjálfhverfa og öfgafulla kverúlanta stýra umræðu sem minnir á lélega morfís keppni. Í guðanna bænum reynum að læra af síðustu 15 mánuðum, sem hafa brunnið upp til einskis á báli skítkasts, reiði, siðleysi og eigingirni. Temjum okkur kurteisi og virðingu fyrir öðrum og lærum að hlusta. Þá meina ég ekki hlustun sem felst í því að ranghvolfa augunum og bíða eftir að geta sagt eitthvað miklu gáfulegra en andstæðingurinn

.

2) Að ýta aftur á play-takkann á lífinu. Annar hver Íslendingur hefur frestað því að vera til síðan bankarnir hrundu. Biluð plata um gengi krónunnar, vísitölur, verðbólgu og ámátlegt væl um hvað allt er ömurlegt hefur hljómað alls staðar síðasta árið. Nú er komið að því að laga grammófóninn. Við erum ennþá lifandi. Allir fá að borða og allir eiga þak yfir höfuðið. Þannig verður það áfram. Við veiðum fisk sem gæti fætt 10 milljónir manna og heimsendir er ekki framundan á næstu vikum. Gerum sem flesta staði að griðarstöðum fyrir neikvæðni og svartsýnishjali. Það sorglegasta sem kreppan getur gert okkur, er að ræna fleiri árum úr lífi okkar. Látum það ekki fyrir nokkra muni gerast.

Hann er í slæmum málum, tralla la la laaaaaaa.

 

Þar sem ég er nýgift, datt mér í hug að rannsaka aðeins hvort sú staðreynd hefði einhver áhrif á þankagang mannsins míns, hvort hann væri eitthvað breyttur í framkomu.

Ég spurði í sakleysi mínu:

"Hefur þú einhverja blogghugmynd fyrir kerlinguna"?

Og sá nýgifti datt þráðbeint í pyttinn.

Jú jú, hann stakk upp á að ég færi að blogga um jólin.  W00t

ÉG !

Kerlingin.  GetLost

Í staðinn fyrir að blogga las ég honum pistilinn eins og ég væri virtur pistlahöfundur og nú er hann svo miður sín að það gerist ekki öllu meira miður.

Menn skyldu aldrei kalla stelpur kerlingar fyrr en þær eru orðnar kerlingar.

.

old_lady

.


Ég er búin að fá vinnu.

 

Þið bloggvinir mínir og lesendur, sem ekki eruð fésbókarvinir, vitið kannski ekki að ég er búin að fá vinnu.  Eða jú, nú vitið þið það.  Joyful

Ég var ekki fyrr búin að hrista af mér Vinnumálastofnun, sem að mínu áliti drepur niður allt sem heitir sjálfstæði og frumkvæði einstaklingsins, þegar mér bauðst vinna og hóf ég störf á föstudaginn var.

.

 

digging

.

Meðfylgjandi mynd er nú kannski ekki alveg af mér í nýju vinnunni en mér finnst myndin einfaldlega of góð til að láta hana liggja ónotaða á netinu.

Vinnan göfgar manninn og mig líka.  Wink

Annars vann ég í nokkur ár með manni, sem sagðist bara sjá eftir einu í lífinu;  að hafa byrjað að vinna.  Þetta sagði hann reglulega við mig í vinnunni.  Og glotti jafnan. 

.

 


Opið bréf til Vinnumálastofnunar.

Vinnumálastofnun,
Stéttarfélag Vesturlands,
Félagsmálaráðherra.

 Varðar samskipti Vinnumálastofnunar við mig. 

 

Alla mína starfsævi hef ég lagt metnað í að standa mig vel í vinnu, vera dugleg og mæta vel.  Hef jafnvel mætt þótt ég sé lasin eða með hönd í fatla, ef illa stendur á fyrir vinnuveitandann að missa mig.  Enda hef ég góð meðmæli frá öllum mínum vinnuveitendum.

Jafnframt hef ég haft þá persónulegu reglu að ef ég get ekki hlakkað til að mæta í vinnuna, þá segi ég upp og finn mér eitthvað annað að gera.  Það gerði ég í vor og hætti störfum 1. september s.l.

Strax þá, tjáði ég Vinnumálastofnun að ég hyggðist vera í sumarfríi í september, enda var ég að fara að gifta mig með tilheyrandi undirbúningi og brúðkaupsferð en það hafði verið ákveðið fyrir kreppu.

Þar sem ég segi sjálf upp störfum á ég ekki rétt á atvinnuleysisbótum í næstum tvo mánuði og það vissi ég.   Taldi að ég hefði þá tíma til októberloka til að reyna að finna mér vinnu eða huga að stofnun eigin fyrirtækis.

En nei ! 

Ég kom heim þann 4. október og þá biðu mín nokkur bréf frá Vinnumálastofnun. 

-          Boðun á bókhaldsnámskeið  (ég hef Samvinnuskólapróf og hef unnið sem bókari, ritari, gjaldkeri og skrifstofustjóri, alls í 25 ár,  þannig að ég hef litla þörf fyrir slíkt námskeið.)

-          Boðun í starfsviðtal,  heimaaðhlynning.  (með dagssetningu sem var liðin þegar ég kom heim)

-          Ákvörðun um frestun greiðslu atvinnuleysisbóta (ég taldi ekki að ég hefði óskað eftir atvinnuleysisbótum fyrr en að loknum biðtíma, hvort eð er) og ástæða fyrrum vinnuveitanda fyrir uppsögn minni. (og tilgreind röng ástæða, byggð á kjaftasögum)

-          Boðun á Excel námskeið fyrir byrjendur !

 

En þetta var bara fyrsta vers.

9. október fæ ég bréf sem inniheldur setninguna „Þar sem upplýsingar frá þér um ástæður starfslokanna bárust ekki“.....   Rangt !  Ég var búin að senda þeim skriflegt svar þann 5. okt. í tölvupósti.

13. október kemur bréf... „Það er mat Vinnumálastofnunar að skýringar þínar á ástæðum starfslokanna teljast ekki gildar“  (bíddu, bíddu,  eru þeir að segja að ég sé að segja ósatt?  Nei, eftirgrennslan leiddi í ljós að þetta þýddi engar bætur á lögbundnum biðtíma - sem ég vissi nú alveg sjálf.)

 

15. október..... tvö bréf..... Boðun í starfsviðtal, vinnutími aðra hvora viku til 18.30 og aðra hvora helgi.  (Hef ég ekkert um það að segja lengur hvað ég vil starfa og hvort ég vil vinna kvöld og helgarvinnu?)  og bréf þar sem ég er beðin um að skýra 7.300 króna tekjur sem fram komu við samkeyrslu tölvugagna Vinnumálastofnunar og Ríkisskattstjóra en ég hafði ekki tekið fram,  þegar ég skilaði inn áætlun um tekjur.  (Þessar tekjur voru vegna þátttöku í nefnd á vegum bæjarins, nefnd sem búið er að leggja niður þannig að þaðan var ekki frekari greiðslna að vænta).

.

 Nú hef ég verið atvinnuleitandi í tæpar 3 vikur og á þeim tíma hef ég fengið 8 bréf frá Vinnumálastofnun..... og ég er ekki einu sinni byrjuð á atvinnuleysisbótum !

.

crj5rbzqjx_vinnum%C3%A1lastofnun

.

 

Ekkert tillit er tekið til menntunar eða fyrri starfa minna, við boðanir á námskeið.
Aldrei hef ég verið spurð hvort einhver tiltekinn vinnutími eða starf henti mér ekki.

 

Er ég orðin eign Vinnumálastofnunar og getur stofnunin ráðstafað mér að vild ?

Mér líður eins og fanga á skilorði.

.

 Mig langaði bara að benda ykkur hjá Vinnumálastofnun á,  að þessi vinnubrögð gagnvart skjólstæðingum ykkar, gera hvern meðalmann þunglyndan á mettíma. 
.
Og til að forðast það að ég lendi í þeim farvegi,  afþakka ég hér með öll afskipti ykkar af mínu lífi og bið um afskráningu hjá Vinnumálastofnun.   

 

Ég er stolt og hef lagt allt kapp á að sjá fyrir mér sjálf, frá því ég var 16 ára.

Það mun ég gera núna líka, einhvern veginn.

Jafnframt bið ég ykkur að íhuga að atvinnuleysið á Íslandi er ekki fólkinu á atvinnuleysisbótum að kenna.  

 

Sýnið fólki lágmarks virðingu.

 

Borgarnesi,  22. október 2009

Anna Einarsdóttir

 


Vinna óskast á Selfossi.

 

Ég sæki hér með um hlutastarf á Selfossi fyrir Hrönn.

Hrönn er með mesta hugmyndaflug norðan Alpafjalla.  Henni dettur bókstaflega ALLT í hug.

Því mætti nýta hennar virku heilasellur til uppfinninga.

Hún gæti líka svo vel tekið að sér formennsku starfsmannasjóðs...sem auðvitað er galtómur en það gerir ekkert til,  því gott grín er ókeypis.

Hrönn kann að baka og elda og reikna laun og ég veit ekki hvað og hvað.

Hún leikur stundum stór hlutverk í sakamálamyndum og hefur leikið Mjallhvíti eins og sést á meðfylgjandi mynd.  Það veldur mér þó nokkrum vonbrigðum að dvergana vantar á myndina.  Errm

.

mjallhvit1_728670 

.

Hrönn er í boði Sparisjóðs grínista og nágrennis.   Neeeei......djók.  Pouty

Ég set upp alvörusvip og staðhæfi að sá sem ræður Hrönn í vinnu verður lukkunnar atvinnurekandi.

Umsóknir um Hrönn sendist á hronns@talnet.is

 


Íslendingar svelta.

 

Mér rann til rifja að lesa Þessa frétt í DV. þar sem fjallað er um eldri mann sem sveltur.

.

gauti

.

Þessi sami maður lagði Fjölskylduhjálpinni til aðstoð meðan hann hafði vinnu.  Nú þarf hann sjálfur að leita þangað eftir aðstoð, eftir að hann og konan hans misstu bæði vinnuna.  Það er illa komið fyrir mörgum fjölskyldum þessa dagana en sárast finnst mér þegar eldra fólk, sem skilað hefur ærnu ævistarfi, þarf að kyngja stoltinu og biðja um hjálp.

Það er skylda okkar sem eigum eitthvað smávegis afgangs að hjálpa þeim Íslendingum sem standa í þessum hræðilegu sporum.

Í dag lagði ég pening inn á Fjölskylduhjálp Íslands og ég skora á ykkur, sem getið, að leggja eitthvað smávegis af mörkum.

0101-26-66090, kennitala 660903-2590.

Það á enginn að þurfa að svelta á Íslandi, sama hversu bágborið annars efnahagsástandið er.

Þetta er bara spurning um að reyna að skipta jafnar á milli.

.

Knús á línuna.  Heart


Ólafur hefur hlustað á þjóðina.

 

Á óvenjulegum tímum gera menn óvenjulega hluti.

Ég er mjög sátt við að forseti Íslands styðji við þjóð sína með þessum hætti.  Hann hefur greinilega hlustað vel á kröfur okkar á Austurvelli ásamt því að hann hefur fylgst með umræðum á netinu.

Þau fjögur atriði sem hann tiltekur eru að mínu mati nákvæmlega það haldreipi sem við Íslendingar þurfum í stöðunni.

- Við þurfum frið í þjóðfélaginu.

- Leggja þarf áherslu á að kollsteypa ekki fjölskyldum og atvinnulífi landsins.

- Við þurfum kosningar í vor.

- Skoða þarf hvort ekki sé breytinga þörf til að endurskapa lýðræði á Íslandi.

.

 

Ég fyllist bjartsýni.  Cool


mbl.is Skapa þarf samfélagslegan frið
Tilkynna um óviðeigandi tengingu við frétt

Þetta er lögreglumál.

 

Ég ætlaði að einhenda mér í einhver léttari skrif en þá sá ég þetta;

http://icelandgonewild.com/

 

Svona framkoma af engu tilefni, gerir mig dapra.  Frown

Er þetta allt í lagi ???


nyttlydveldi.is

 

Mig langar að benda á síðuna  www.nyttlydveldi.is

Þar stendur m.a.

"Fólkið í landinu þráir nýtt upphaf og nýjar leikreglur ásamt endurreisn þeirra gilda sem þjóðin hefur um aldir lagt rækt við, gilda á borð við heiðarleika, samvinnu, ábyrgð og jöfnuð".

"Íslensk stjórnvöld brugðust þeirri skyldu að gæta hagsmuna þjóðarinnar. Endanlega ábyrgð á hruninu bera ríkisstjórn og Alþingi. Þess vegna er íslenska lýðveldið í raun dautt.  Og öllum má vera ljóst, að stjórnvöld sem hafa brugðist svo hrapallega, geta hvorki rannsakað eða hreinsað til í fortíðinni né varðað veg til framtíðar, enda hafa þau hvorki til þess traust né fylgi – og enga framtíðarsýn".

Nýtt lýðveldi leggur fram áskorun til ráðamanna þessa lands um að stofna neyðarstjórn sem á að standa fyrir rannsókn og uppgjöri í kjölfar efnahagshrunsins – og nauðsynlegri hreinsun í ákveðnum stofnunum, svo sem Seðlabanka og Fjármálaeftirlitinu sem og að semja algerlega nýja stjórnarskrá.

Neyðarstjórnin mun sitja til bráðabirgða.  Þetta er í raun áskorun til Íslendinga um endurheimt lýðræðis með algerlega nýjum og breyttum leikreglum.

Stjórnvöld keyrðu okkur ofan í forarpytt.  Ef við viljum komast upp úr honum þurfum við nýjan bílstjóra.  Ella hjökkum við í sama farinu.

.

Ég hef þegar skrifað undir þessa áskorun.

.

 

.


Sparisjóður grínista og nágrennis mótmælir á Austurvelli n.k. laugardag kl. 15.00

 

Nú fegurðar oss fáum blund
en förum svo á þennan fund
á laugardag með létta lund
þó land sé farið í kött og hund.

.

Orange%20Face2 

.


Um bloggið

Sparisjóður grínista og nágrennis.

 

Anna Einarsdóttir
Anna Einarsdóttir

  

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint. 

Bankahólfið

Alltaf á Toppnum....

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 7
  • Frá upphafi: 0

Annað

  • Innlit í dag: 0
  • Innlit sl. viku: 7
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband