Gáta.

 

Það er orðið langt síðan ég bloggaði síðast og í millitíðinni hef ég m.a. dottið niður á viðskiptahugmynd sem getur ekki klikkað.  Við erum að tala um krem sem borið er á marbletti daglega, vel og vandlega, hægt og rólega...... og eftir 20 daga eru marblettirnir horfnir !  Trúið þið því ?   

Það er hreint með ólíkindum að enginn hafi fundið upp marblettafjarlægirinn fyrr.

 

 

.   

Að öðru, því ég vil síður grobba mig þótt ég finni upp eitthvað sem enginn hefur fundið upp  :

Í morgun fór ég í bakaríið.

Þar heilsaði ég persónu.

Hvaða persónu heilsaði ég ?

Vísbendingaspurningum svarað.

.

Æ, ég ætlaði að blogga í morgun.......

 

.......... en svo gleymdi ég því.

.

.

Ökklavesen.

 

Ég var að lesa fréttir á Vísi.is.  Sagt er frá því að fimmhundruð manns hafi verið hjálpað niður af Fimmvörðuhálsi.  Fréttin endar á þessum málsgreinum:

.

"Skoðunarferðir göngufólks Þórsmerkurmegin leiddu til þriggja óhappa í gærkvöldi. Á níunda tímanum var þyrla Landhelgisgæslunnar kölluð út til að flytja mann sem hafði ökklabrotnað í Strákagili.

Um tíuleytið barst önnur hjálparbeiðni, vegna konu sem hafði snúið ökkla á Heiðarhorni. Þriðja beiðnin um sjúkraflug til gosstöðvanna í gærköldi var vegna manns sem hafði snúið ökkla á fæti. Sú beiðni var raunar afturkölluð þar sem önnur þyrla, sem var að flytja ferðamenn, tók að sér það sjúkraflug".

.

Er eitthvað athugavert við fréttina ?

.

.

 

Samskipti á Facebook.

 

Bróðurdóttir mín sendi inn svohljóðandi kvörtun á Facebook;

"ekkert að gera mér leiðist svaklega mikið ekkert að gera ég er búin að reina og reina að finna mér eithvað að gera en það er bara ekkert að gera og ég er líka að fara í frjálsar á eftir mig langa svo mikið að gera eithvað en það er bara ekkert ææii uhuhuhuhuhuhuuhu leiðinlegt"

.

Þar sem ég er ábyrg föðursystir, fannst mér skylda mín að reyna að hugga hana;

"Þú ert ekki ein.  Allar stelpur á þínum aldri hafa EKKERT AÐ GERA :)   En það lagast.   Þegar þú verður stór færðu að taka til og þvo þvott og skúra gólf"  ;)

.

Liðu síðan 3 vikur en þá kom hún með þetta yndislega svar;

"jú jú stundum hef ég eitthvað gera sko en oftast hef ég ekkert að gera sko en mjög sjaldan sko og ég meina það"

.

Það verður ekki af bróðurdóttur minni tekið að hún kann að koma fyrir sig orði. 

.

.

 

.

 

.

Hún gat ekki ákveðið sig - eða hvað ?

 

Þegar konan gekk inn í bankann, runnu á hana tvær grímur.

- ANDLIT

- GRÍMA

- GRÍMA

.

 

.

Af hverju er alltaf talað um tvær grímur ? 

 

Hugmyndaflug á heimsmælikvarða.

 

Fólk hlær miklu meira ef bannað er að hlægja.

 

Þegar ég var krakki, fyrir ekki svo alllöngu, ólst ég upp í sveit.  Mér verður oft hugsað til þess nú þegar dóttir mín sem hefur allt til alls og vini allt um kring, segir reglulega:  "Ég hef ekkert að gera".

Ég hafði nánast alltaf eitthvað að gera þegar ég var krakki.  Nema kannski á Föstudaginn langa en þá var verslunin við hliðina á æskuheimili mínu lokuð og sjónvarpsefnið á þá lund að hver meðalmaður gat hæglega drepist úr leiðindum, Guði til samlætis.

Og hvað gat krakki dundað í sveit, upp úr miðri síðustu öld ?  

Á sumrin var farið í alls konar leiki.  Við spiluðum reglulega fótbolta og það var fátt skemmtilegra en að sóla "gamla" menn.  Borðtennis var líka eitt af mínu uppáhalds..

Á veturna spiluðum við blak einu sinni í viku - krakkar og fullorðnir.  Skákmót voru fastur liður og svo söng ég í kór.  Kórinn söng að vísu bara fyrir jól og páska því eins undarlegt og það nú er, þá var fólk bara ekkert að deyja á þessum árum og því man ég ekki eftir einni einustu jarðarför fyrr en afi dó þegar ég var komin hátt á þrítugsaldurinn.

.

 

.

Mér fannst býsna gaman í kórnum.  Skemmtilegasta atvikið átti sér stað í miðri messu.  Afar stór og pattaraleg maðkafluga sveimaði um kirkjuna og það fór ekki fram hjá kórfélögum því kórinn var staðsettur uppi á svölum eða svokölluðu kirkjulofti.

Í kirkjunni var allmargt fólk.  Flugan gat auðvitað ekki flogið viðstöðulaust alla messuna svo hún hefur tekið ákvörðun um að lenda.  Til þess valdi hún - og mér fannst það vel valið - eina skallann í kirkjunni.  Maðurinn sem átti skallann fékk við þetta einhvern kláða í höfuðið og klóraði sér.  Flugan lyfti sér á meðan en settist niður um leið og hönd mannsins hvarf.   Þannig gekk í langan tíma;  Flugan settist og manninn klæjaði, maður klóraði og fluga flaug á meðan en settist svo aftur - alltaf á sama stað.

Kannski er þetta ekki svo fyndið að lesa..... en að horfa...... maður minn ! 

Ég hló svo ofboðslega að tárin láku niður kinnarnar - en maður hlær alltaf miklu meira þar sem alls ekki má hlægja.

Þáttastjórnandinn í myndbandinu hérna átti til dæmis ekki að hlægja:

.

 

Muna að safna orku.

 

Þar sem helgin er að renna í garð, finnst mér tilvalið að við tökum okkur einhverjar stundir í burtu frá argaþrasinu og hlöðum batteríin á ný. 

Hvernig hljómar til dæmis:

- Gönguferð í blíðunni

- Góður matur við kertaljós

- Ein góð bíómynd

- Spila á spil

.

Og ef fólk vill lesa blogg um eitthvað annað en pólitík, þá mæli ég í dag með:

- Bjarna Harðar

- Agli, syni hans

- Gulla litla

- Hrönn

.

Góða helgi.  

.

Áramót.

 

Ég rakst á skemmtilega síðu, http://elias.rhi.hi.is/rimord/  sem nýst gæti þeim sem vilja leika sér með rím.

Þegar ég sló inn orðið "áramót" komu þessar rím-niðurstöður.

Þá er ekkert því til fyrirstöðu að fara að yrkja vísur.   

heimsmeistaramót
kóramót
meistaramót
veðramót
aldamót
brautamót
fimleikamót
flekamót
frjálsíþróttamót
gatnamót
liðamót
mannamót
myndamót
mánaðamót
nemendamót
páskaeggjamót
stígamót
stúdentamót
taugamót
tímamót
íþróttamót
bikarmót
boðsmót
einstaklingsmót
evrópumót
golfmót
heimsbikarmót
kerfismót
landsglímumót
landsmót
málmsteypumót
mánaðarmót
mót
notendaviðmót
plastmót
prentmót
skriðmót
skákmót
stefnumót
steypumót
stórmót
svipmót
tvímenningsmót
undirbúningsmót
uppáhaldsmót
vetrarmót
viðmót
ármót
ættarmót
íslandsmót
Arnljót
Bergljót
Lagarfljót
Skjálfandafljót
almannafljót
alviðrubót
astarót
aðstöðubót
banaspjót
betrumbót
blíðuhót
blót
bragarbót
brjót
burnirót
bót
búbót
desemberuppbót
doktorsnafnbót
dragnót
dót
dýrtíðaruppbót
efratfljót
eggjagrjót
einkablót
endurbót
engiferrót
fastlaunauppbót
fjörugrjót
fljót
forljót
framfót
fundarbót
fót
gjágrjót
grasrót
grjót
gulrót
hafrót
handfljót
harmabót
haustblót
heilsubót
heimilisuppbót
heiðursdoktorsnafnbót
heiðursnafnbót
hellugrjót
herpinót
hlaðsbót
hleðslugrjót
hlutarbót
hlíðarfót
hnjót
hnésbót
hornafjarðarfljót
hringnót
hrjót
hvannarót
hverfisfljót
hætishót
hót
húsabót
júlíuppbót
kjarabót
klakabrjót
klumbufót
kvaðratrót
kúgildauppbót
kúrafljót
kúðafljót
langaréttarbót
launabót
launauppbót
ljót
lyfjauppbót
lófót
lögbrjót
lúpínurót
mannblót
markarfljót
meinabót
nafnbót
njót
norðlingafljót
nílarfljót
nót
olnbogabót
orlofsuppbót
orðljót
piparrót
riddaranafnbót
réttarbót
róbót
rót
samgöngubót
selfljót
seljurót
sendiherranafnbót
siðabót
siðbót
sjónvarpsviðbót
skaðabót
skeggrót
skjót
skotspjót
smádót
snurpunót
snót
spjót
staurfót
staðaruppbót
stjórnarbót
stuðlagrjót
stórfljót
svepprót
sárabót
síldarnót
síðufót
sót
súkkót
tilbót
tréfót
tungufljót
umbót
umrót
undirrót
uppbót
vinahót
vinarhót
viðbót
yfirbót
Úlfljót
ábót
árbót
öldurót
úrbót
þjófarót
þokkabót
þorrablót
þrjót
þrífót
þót

Ég er með gjörskemmt smjör í ísskápnum.

 

Ég leyfi mér að blogga við þessa frétt þar sem enginn meiddist í bílveltunni en annars finnst mér óviðeigandi að blogga við slysafréttir

.

Þegar Davíð hóf störf hjá Morgunblaðinu var tekið rækilega til í leiðinni og allnokkrum starfsmönnum sópað út.  Ég hef grun um að prófarkalesari eða tveir hafi þá fengið uppsagnarbréf.

Stafsetningarvillur og málfarsvillur eru nokkuð áberandi í vinnubrögðum Moggamanna.

En fréttamenn í Hádegismóum virðast samtímis vera dálítið frjóir eins og dæmin sanna.

Í þessari frétt slengja þeir fram nýyrðinu  "gjörskemmdist".

.

Kannski maður bæti um betur og stórskrifi bloggið með stigmögnuðum forsetningum sem hálfkæta lesandann og allskemmta sjálfri mér í leiðinni enda hágaman að skellileika sér í miðskammdeginu.

.

.

Sat fastur í bílnum eftir veltu