Laufskálarétt..

28.9.2007 | 00:01

Lag: "Þeir greiddu í píku"....

Ég læðist inn í Laufskálarétt
og lít yfir mannskapinn
Yfir mönnum virðist afar létt
mér sýnist ég vera eini apinn
allir strákarnir vor´í hestaskóm
og stelpurnar með úfið hár
þá ég söng með mínum afleita róm
og allt fólkið fór að fella tár

Ég skil ekkert í þeeeessu
nú fer allt í kleeeessu
en ég vandaði mig svo vel
söng af einurð og þrá...
allir grétu þá...

Ef ég einn söngtíma nú fengi
ég yrð´ekki lengi
að verða eins og Björgvin Halldórsson
já minn tími kemur.....
fyrr en verð ég trítilóð.

Flokkur: Spil og leikir | Breytt s.d. kl. 15:39 | Facebook

Athugasemdir

Arg! Mig langar norður! Hrikalega skemmtilegt dæmi!!!!

Heiða B. Heiðars, 28.9.2007 kl. 00:06

....ég á svo skemmtilegar minningar frá Laufskálaréttum að ég gæti meira að segja litið framhjá því að Geirmundur og Bó sjá um ballið.... ef ég passa bara að vera þyrst allann daginn

Heiða B. Heiðars, 28.9.2007 kl. 00:07

Ætli hann Gísli í Kýrholti sé ekki ennþá búinn að markskoða folaldið?

En Sigurjón heitinn á Dýrfinnustöðum velti fyrir sér ásýnd bóndans, morguninn eftir slarksaman dag í Laufskálarétt:

Andlitið er örum skreytt

eftir réttarbrasið

og það vantar yfirleitt

alla reisn í fasið.

Nú eru þeir flestir farnir að þeysa á gæðingum sínum á grösugum grundum eilífðarlandsins gömlu meistararnir sem settu svip sinn á Laufskálarétt og gerðu hana heimsfræga.

Árni Gunnarsson, 28.9.2007 kl. 00:24

Bjarndís Helena Mitchell, 28.9.2007 kl. 00:51

Gunnar Helgi Eysteinsson, 28.9.2007 kl. 05:49

Aldrei mætt í Laufskálaréttir, þó ég sé af þekktu hrossakyni langt aftur í ættir.

En ég hef oft farið á ball með Geirmundi, enda fræg fyrir að mæla gólflistana á sveitaböllunum í den.

Anna ætlar þú að skella þér?

Ingibjörg Friðriksdóttir, 28.9.2007 kl. 09:00

Heiða. Hljómsveitin Von er líka að spila og hún er rosalega góð.

Árni. Takk fyrir góða vísu. Það kemur fyrir að menn verði lágreistir í réttunum.

Ingibjörg mín ! Þú átt mikið eftir. Skelltu þér bara og hittu mig.

Anna Einarsdóttir, 28.9.2007 kl. 09:10

Laufskálaréttir! Má maður mæta á hælum á þessháttar samkundur? Góða helgi kæra bloggvinkona og skemmtun.

Heiða Þórðar, 28.9.2007 kl. 12:41

Ef einhver á að hafa tærnar þar sem þú hefur hælana, Heiða, þá verður þú að hafa hælana með. Það þykir bara ekki flott að ganga í hægðum sínum.... annars má ganga í hverju sem er.

Anna Einarsdóttir, 28.9.2007 kl. 14:07

ég er lítið fyrir hesta, (!!!!!!!!) hm, en góða ferð.

Annars er ég að hugsa um að stunda ljósmóðurstörf á Snæfellsnesi um helgina ef mér tekst að snýta kvefinu úr mér.

Kristjana Bjarnadóttir, 28.9.2007 kl. 14:13

Ljósmóðurstörf Kristjana ? Ég er eitt spurningamerki...

Anna Einarsdóttir, 28.9.2007 kl. 14:17

passa nokkrar kýr komnar að burði, kannski fæðist mér kálfur !!!!!!!!!!!

Kristjana Bjarnadóttir, 28.9.2007 kl. 14:34

Mig langar svo að fara á svona ball, hef ekki komist á gott ball eða sukk, síðan ég missti alla skemmtilegu drykkjufélagana inn á Vog.

Langt að fara, en hvað getur maður gert annað en yljað sér við minningarnar um dans og gleði, auk fagurra meyja sýn.

Og að missa af Önnu, einni fríðustu konu vestan Þingeyjarsýslu á staðnum, er ill bær harmur að bera til rekkju, ég reitti hár mitt, ef ég væri ekki væri svo heppin að vera orðin sköllóttur.

Þorsteinn Valur Baldvinsson, 28.9.2007 kl. 14:48

Þú gætir prófað að reita annarra manna hár. Góður Þorsteinn.

Anna Einarsdóttir, 28.9.2007 kl. 14:52

ATHUGIÐ ENGIN BJÓRSALA! Iss, þá kem ég ekki Góða skemmtun!

Halldór Egill Guðnason, 28.9.2007 kl. 15:08

Neeei Anna

Er hættur að berja mann og annan, gerði það sem korn ungur asni og skammast mín enn fyrir það.

Vill miklu frekar faðma konur og aðra, en reita.

Nema ef um hárkollu væri að ræða, þá má reita annarra manna hár.

Þorsteinn Valur Baldvinsson, 28.9.2007 kl. 15:19

Ég er svi mikill bjáni, mér fanst vanta ybbsilonið í eitt orðið þarna, er það vitleysa eða er ég að reyta ykkur til reiði? Ég er snillingur í að ergja mann og annan.

Því miður Anna, en þegar þú kemur í Gullbringuna, þá væri nú gaman að hitta þig.

Hópurinn magnaði, ætti kannski bara að skella sér á bak ha?

Ingibjörg Friðriksdóttir, 28.9.2007 kl. 16:35

Til er ég Ingibjörg.... en veit ekki um kjark hinna.

En nú er ég farin að dansa við alla kallana í sveitinni....

Góða helgi alles bloggvines.

Anna Einarsdóttir, 28.9.2007 kl. 16:51

Brokkaðu vel um helgina Anna mín og ekki sækja of mikið á brattann.

Gíslína Erlendsdóttir, 28.9.2007 kl. 16:59

HhnNeeEgggg!

Eða hvernig skrifar maður eiginlega hestamál á íslensku?

Ég bara spyr?

Einn að utan!

Ásgeir Rúnar Helgason, 28.9.2007 kl. 20:44

Góða skemmtun og gakktu allavega um gleðinnar dyr

Arnfinnur Bragason, 28.9.2007 kl. 22:27

Hún Anna heyrir ekki í okkur, hún er farin norður, vonandi man hún eftir okkur og skálar fyrir okkur.

Ásgeir! gobbeddí gobbeddí.

Ægir, romm í október og skella okkur á bak ekki satt?

Ingibjörg Friðriksdóttir, 28.9.2007 kl. 22:39

Góða skemmtun og góða nótt ljúfa!

Edda Agnarsdóttir, 28.9.2007 kl. 23:07

... já, rommýið... við verðum að fara að finna dagsetninug á næsta mót, gott fólk... október er svolítið stífur hjá mér... ég er að horfa á dagsetningu eins og 9. nóvember, föstudagur.... hvernig er Tattoo fólkið þá?

Brattur, 28.9.2007 kl. 23:21

9. nóv er góður.

Ingibjörg Friðriksdóttir, 29.9.2007 kl. 11:04

9. hljómar fínt

Arnfinnur Bragason, 29.9.2007 kl. 18:38

... þá er best að fara að semja reglurnar... og þið Tattoo fólk æfið skemmtiatriði... ég er eiginlega byrjaður að semja mitt...

Brattur, 29.9.2007 kl. 19:19

Aha eigum við að fara á hestbak eða erþað

Edda Agnarsdóttir, 29.9.2007 kl. 21:13

Eigum við að fara á hestbak eða er það bara spilamennska?

Djöf... langar mig á hestbak - er ekki hægt að redda því?

Edda Agnarsdóttir, 29.9.2007 kl. 21:15

Athuga það hjá íshestum, annars tekuru bara kústinn með þér Edda mín.

Ingibjörg Friðriksdóttir, 30.9.2007 kl. 00:45

Æi kústar eru svo leiðinlegir beiti þeim á hverjum degi! En hestar eru guðdómlegir - mig langar á hestbak.

Edda Agnarsdóttir, 30.9.2007 kl. 13:57

Hæbb og takk fyrir góðar kveðjur.

9. nóv. er fínn dagur. Ef flesta langar á hestbak... getum við byrjað á því hjá Íshestum, kannski kl. 17.00, fengið okkur svo að borða og svissað síðan yfir í norsku og tekið spil. Ha ?

Anna Einarsdóttir, 30.9.2007 kl. 20:14

Subert, så synes jeg vi lige godt skal snakke dansk på söndager

Ingibjörg Friðriksdóttir, 30.9.2007 kl. 20:19

Æltaði að segja, velkomin heim, og var gaman í réttunum? Voru einhverjir gleðigjafar á svæðinu?

Ingibjörg Friðriksdóttir, 30.9.2007 kl. 20:20

Það var virkilega gaman að smala og draga í dilka....fengum sumarveður.

Anna Einarsdóttir, 30.9.2007 kl. 20:26

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.