Töfralampinn.

 

Ég er undarleg... af konu að vera.  Mér finnast verslunarferðir ekki skemmtilegar.

Þegar það kemur fyrir að mig langar í eitthvað, hugsa ég með mér:  "Vantar mig þetta"?

Ef svarið er nei, læt ég það yfirleitt eiga sig.

Þó eru undantekningar á þessu, eins og flestu öðru.

Fyrir þremur árum fór ég í verslunina að Sólheimum í Grímsnesi.

Gekk inn með hálfum huga og horfði áhugalaus í kringum mig.

Sé ég þá lampa einn, gullfallegan.....horfi á hann dágóða stund og fyllist aðdáun.

Ég hugsa með mér:  "Mig vantar þetta ekki" og geng í burtu.

Við útidyrnar sný ég við, geng aftur að lampanum og horfi á hann enn um stund.

Sé að hann kostar átta þúsund, hugsa mig um lengi, lengi, tek hann og geng í átt að kassanum.

Segi svo við sjálfa mig:  "Nei Anna, þig vantar þetta ekki"  ...geng hægum skrefum með lampann til baka og skila honum á sinn stað.

.

Það er bara eins og lampaskrípið hafi aðdráttarafl sem ég ræð ekki við. 

Við útidyrnar sný ég við, enn einu sinni,  hálf hleyp að honum, skíthrædd um að einhver verði á undan mér.

Hrifsa hann til mín og held fast.

Hann varð minn. 

.

.

.

Þessi lampi er búinn til af vistmönnum á Sólheimum og mér þykir eins vænt um hann og hægt er að þykja um veraldlega hluti.  Töfralampinn. 

 

Athugasemdir

[Katrín Ósk Adamsdóttir, 28.10.2007 kl. 14:18]

Flottur lampi og líka eitthvað ótrúlega sérstakur,njóttu dagsins skvís

[Gunnar Th. Gunnarsson, 28.10.2007 kl. 15:31]

Kona sem nennir ekki að versla... hefurðu kannski áhuga á enska? 

Kona sem menn sjá aðeins í sínum viltustu draumum

[Anna Einarsdóttir, 28.10.2007 kl. 15:49]

Já Gunnar...... ég hallast að því að ég sé alger draumur. 

Horfi reyndar stundum á enska boltann. 

[Anna Einarsdóttir, 28.10.2007 kl. 17:38]

NEI !  Sjáiði..... það er andlit neðst á lampanum.... ég hef ekki séð þetta áður.

[Þröstur Unnar, 28.10.2007 kl. 19:33]

Eigum við að fara að búa saman Anna?

Að vísu yrði líklega tómlegt heimilið, því ég er verri í þessu heldur en þú, held ég.

[Anna Einarsdóttir, 28.10.2007 kl. 19:41]

Nei Þröstur..... en kærar þakkir fyrir sérdeilis gott boð.