Halli skalli.

24.1.2008 | 22:02

Nú kynni ég til sögunnar nýjan heimilisvin. Haraldur sköllótti heitir náunginn... kallaður Halli skalli. Hann er víst þannig karakter að ef hann fær nóg af góðum drykk, vex á hann hár... er mér sagt. Hahahaha..... ég trúi því ekki fyrr en ég sé það. LoL

Ef að hið ómögulega gerist, mun ég umsvifalaust kalla hann Harald hárfagra.

Það sem mér finnst merkilegast, eru upplýsingar sem fylgdu með honum að það mætti alls ekki hrista hann. Ef að hann er hristur, vex nefnilega ekki á hann hár, heldur skegg !

Nú mæli ég með að þið konur, athugið mennina ykkar vel og vandlega. Hafi þeir mikið skegg, er líklegt að þeir hafi verið hristir til og tugtaðir í æsku.

Ég er að segj´ykkur það ! FootinMouth

Og í Guðanna bænum, gefið mönnunum ykkar að drekka ef þeir eru sköllóttir.

Flokkur: Spil og leikir | Facebook

Athugasemdir

Þar komstu með það ! Hann pabbi hefur verið laglega hristur sem barn ..ja eða ekki nóg. Hann er bara með vesældarlegt yfirskegg ...

Ég skoða Steinar betur þegar ég kem heim, gaman að sjá hvernig hann hefur verið hristur og hvert

Ragnheiður , 24.1.2008 kl. 22:12

Hahaha .. og hvað? Loðinn á bringunni = rassskelltur í æsku?

Hugarfluga, 24.1.2008 kl. 22:19

Eini sinni átti ég svona kall, og það óx mikið grænt strý á hann, svo gleymdi ég honum og greyið þornaði upp

en minn kall hefur greinilega verið mikið hristur, nóg af skegginu og reyndar hárlubba líka.....

Svanhildur Karlsdóttir, 25.1.2008 kl. 00:11

Nóg af hári allstaðar, LOL, hann hefur fengið allan pakkann! En hvar fær maður svona Halla Skalla? Sniðugur karl!

Bjarndís Helena Mitchell, 25.1.2008 kl. 02:13

Blómaval selur víst fleiri svona krúttilega skallapoppara. Verð að senda þeim auglýsingareikning !

Anna Einarsdóttir, 25.1.2008 kl. 07:55

haha flottur kall.

Takk fyrir skirfin á síðunni minni - get sagt sömuleiðis því skrifin þín eru mjög áhugaverð

Dísa Dóra, 25.1.2008 kl. 08:34

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.