Hvert örstutt spor.

.

Ein mesta gæfa hvers manns í lífinu er að hafa gott fólk í kringum sig.

Vöggukvæði Halldórs Laxness er að mínu mati óendanlega fallegt ljóð.

Ég tileinka það öllu góðu fólki með fallega sál - en sérstaklega þó góðhjörtuðum manni sem gaf mér góðar ráðleggingar um páskana.   

.

Vöggukvæði.

Hvert örstutt spor var auðnuspor með þér,
hvert andartak er tafðir þú hjá mér
var sólskinsstund og sæludraumur hár,
minn sáttmáli við guð um þúsund ár.

Hvað jafnast á við andardráttinn þinn?
Hve öll sú gleði er fyrr naut hugur minn
er orðin hljómlaus utangátta og tóm
hjá undrinu að heyra þennan róm,  

hjá undri því, að líta lítinn fót
í litlum skóm, og vita að heimsins grjót
svo hart og sárt er honum fjarri enn,
og heimsins ráð sem brugga vondir menn,  

já vita eitthvað anda hér á jörð
er ofar standi minni þakkargjörð
í stundareilífð eina sumarnótt.
Ó alheimsljós, ó mynd sem hverfur skjótt.

Halldór Laxness, 1902-1998

Athugasemdir

[Áslaug Benediktsdóttir (IP-tala skráð) 24.3.2008 kl. 22:50]

Fallegt

[Hrönn Sigurðardóttir, 24.3.2008 kl. 22:53]

Ég tárast alltaf við þennan texta.........

[Lára Hanna Einarsdóttir, 24.3.2008 kl. 23:09]

Þetta er með yndislegri lögum og textum. Ég gerði eins og Ægir... söng með! 

[Ragnheiður , 24.3.2008 kl. 23:15]

Þessi texti er óskaplega fallegur og vel viðeigandi í dag.

[Guðrún Jóna Gunnarsdóttir, 25.3.2008 kl. 00:17]

Yndislegur texti og lag. Söng um leið (í hjóði þó) náttúrlega eins og fleiri. Eitt af mínum uppáhalds

[Birna Dis Vilbertsdóttir (IP-tala skráð) 25.3.2008 kl. 09:00]

Yndislegt ljóð.Góðan dag

[Ingibjörg Friðriksdóttir, 25.3.2008 kl. 09:05]

Vonandi hefur þú og þínir haft það gott um páskana.

Þetta Vöggukvæði eftir Jón Nordal er ofboðslega fallegt og ljóðið eftir nóbelskáldið ekki síðra.  Þetta lag kallar fram miklar og sterkar tilfinningar í minni sál. Fer alltaf að gráta þegar ég heyri það, og röddin brestur þegar ég reyni að syngja það. 

[Gunnar Th. Gunnarsson, 25.3.2008 kl. 09:38]

Skrítið, svona getur lag og ljóð orðið órjúfanleg heild. Yndislegar perlur.

[Hugarfluga, 25.3.2008 kl. 13:17]

Fæ alveg hlýtt í hjartað mitt. 

[Þorsteinn Valur Baldvinsson, 25.3.2008 kl. 13:54]

Kvitt

[Edda Agnarsdóttir, 25.3.2008 kl. 16:21]

[arnar valgeirsson, 25.3.2008 kl. 16:47]

alltaf haldið að þetta væri eftir hkl.

en til hamingju með afmælið og lærðu bókmenntirnar, þarna um önnu.....

en hver var málshátturinn ha? koddu með hann.

[Anna Einarsdóttir, 25.3.2008 kl. 16:52]

Málshátturinn minn ? 

Hann var "Enginn er dómari í sjálfs sín sök" og ég er búin að hugsa og hugsa.....  .... hvað gerði ég eiginlega af mér ?