Vinna.

 

Það er búið að vera allt of mikið að gera hjá mér síðan ég hætti í vinnunni.  Moka burtu forljótu trjábeði, hreinsa burt allan njólann og rabbarbarann á bakvið hús (eða það var eiginlega sonur minn sem gerði það allt en ég varð samt frekar þreytt af að horfa á hann ), taka til og þvo þvott og svoleiðis, fylgja dótturinni á fótboltamót,  fara í húsmæðraorlof,  út að ganga með kisa, lesa bók, liggja í sólbaði og svo framvegis.  Já og svo gekk ég 14 kílómetra með hestana einn daginn.  Það þarf að viðra þá og koma þeim í þjálfun.     

Jasso. 

.

. 

Ég segi eins og einn vinur minn;

Það er bara eitt sem ég sé eftir í lífinu.  Ég sé alltaf eftir því að hafa byrjað að vinna.

Athugasemdir

[Ragnheiður , 28.6.2008 kl. 20:33]

Sko ég er að vesenast með EINN njóla, en ætla að myrða fleiri en hann þegar ég legg af stað í verkið. Í dag hefur verið svo hvasst í kringum kærleiksheimilið að við njólinn hefðum fokið út á Bessastaði, ekkert varið í það, forstjórinn er ekki heima.

Var að spá í að festa mig í Kelakeðju en þá fattaði ég það, hún nær ekki útað vandræðanjólanum ! Það fauk sú hugmynd

[Anna Einarsdóttir, 28.6.2008 kl. 21:50]

Mér líst ekki á veðrið ef hugmyndirnar þínar eru farnar að fjúka. 

[Ragnheiður , 28.6.2008 kl. 22:20]

Sagði ég það ekki ? það er hvasst hérna á Álftanesinu skoh

[Hrönn Sigurðardóttir, 28.6.2008 kl. 22:29]

héddna......eiga hestarnir ekki að labba með þig?

[Ragnheiður , 28.6.2008 kl. 22:31]

Iss ekki að marka Önnu, snýr öllu á hvolf. Háttar hestana oní rúm og bindur krakkana á bás á kvöldin...

[Hrönn Sigurðardóttir, 28.6.2008 kl. 22:40]

Spurning að við förum og sýnum henni hvernig á að gera þetta? Binda krakkana almennilega og segja hrossunum sögur..........

[Helga Guðrún Eiríksdóttir, 28.6.2008 kl. 22:41]

 Hrikalegur kraftur í þér alltaf, Anna mín!  -En er hann svo brjálæðislega umfram allt eðlilegt að þú hafir kosið að ganga 14 kílómetra með hestana að auki? -Af hverju reiðstu þeim ekki? -Amk einum þeirra?

 -Eða hefurðu ekki hugmynd til hvers þeir eru notaðir?

[Ragnheiður , 28.6.2008 kl. 22:44]

Hahaha myndin hjá Helgu Guðrúnu er æði, beint í mark

[Anna Einarsdóttir, 28.6.2008 kl. 22:48]

Sko.    Í vetur lánaði ég hestana mína og þeim var svo skilað ójárnuðum.  Þar sem ég ætlaði með þá í haga.... og á enga kerru...... og nenni ekki að sníkja kerru, þá gekk ég bara með þá........ svona dagleið.  Þeir höfðu gott af því, ég hafði gott af því,  svo þetta hlýtur að hafa verið bara gott hjá mér.   

Ragnheiður, þú reynir að hafa vit fyrir mér ef ég fer að bulla eitthvað.   

[Anna Einarsdóttir, 28.6.2008 kl. 22:53]

Já, gleymdi að segja;  frábær mynd af mér þarna.    Hvað ætli maður sé með mörg hestöfl ? 

[Fanney Björg Karlsdóttir, 28.6.2008 kl. 23:24]

Það er greinilegt að hér er Kraftakona á ferð..... og í hennar heimasveit þá reddar maður hlutunum....... einu sinni "þekkti" ég konu sem var mjög svipuð henni Önnu Einars..... hún var ögn lágvaxnari, ögn rauðhærðari...... og hét Lína Langsokkur.......ætli þær séu systur....eða eikkað.....

[Birna Dis Vilbertsdóttir (IP-tala skráð) 28.6.2008 kl. 23:28]

[Lára Hanna Einarsdóttir, 29.6.2008 kl. 01:42]

Þið eruð yndislega bilaðar, allar saman. Mikið er gott að vita að maður er ekki einn í heiminum! 

[Íris Guðmundsdóttir, 29.6.2008 kl. 02:07]

við erum allavega með eina línu langsokk hérna heima.. hún heitir Soffía
ég held að mamma sé meira svona mary poppins.. hef allavega undarlegan húmor frá henni mömmu minni

[ókunnug (IP-tala skráð) 29.6.2008 kl. 02:10]

Bara kvitta fyrir innlitið,þið eruð óborganlega skemmtilegar,maður veit hvert skal leita ef maður vill brosa út að eyrum, kveðja.

[Ásgeir Kristinn Lárusson, 29.6.2008 kl. 10:55]

Sammála - vinnan slítur allt líf úr samhengi. Sjálfur er ég að vinna svona 6-7 virka daga í mánuði - og tóri enn!