Samkvæmt þessu eru íslensk stjórnvöld ábyrg.

 

Mér, eins og flestum öðrum, blöskrar framkoma íslenskra stjórnvalda í Ramses málinu svokallaða.  Ég fór í smá skoðun á reglum um meðferð mála pólitískra flóttamanna. 

Eftirfarandi fann ég á vef Rauða kross Íslands; 

.

"Íslensk stjórnvöld verða hins vegar að ganga úr skugga um að viðkomandi fái umsókn sína til meðferðar og að hann eigi ekki á hættu að verða sendur til heimaríkis séu líkur á því að hann verði fyrir ofsóknum í heimalandi sínu. Íslensk stjórnvöld eru bundin af Flóttamannasamningi Sameinuðu þjóðanna og alþjóðlegum mannréttindasáttmálum sem banna endursendingu (non-refoulement) til heimalands eða annars ríkis þar sem viðkomandi á á hættu að verða fyrir ofsóknum, t.d. pyntingum. Væri t.d. ljóst að íslensk stjórnvöld gætu sent hælisleitanda til annars aðildarríkis Dyflinnarsamkomulagsins og hefði rökstuddan grun um að það ríki myndi síðan strax senda viðkomandi til síns heimalands þar sem hann ætti á hættu að verða fyrir ofsóknum þá væru íslensk yfirvöld mjög líklega að brjóta gegn skuldbindingum sínum". 

.

Með öðrum orðum, ef Paul Ramses verður sendur frá Ítalíu til Kenýa eru íslensk stjórnvöld að brjóta alþjóðlega mannréttindasáttmála.  Sættum við okkur við það ?

.

Ég segi NEI !! 

 

Fjölskyldu fleygt úr landi

Athugasemdir

[Rafn Haraldur Sigurðsson (IP-tala skráð) 4.7.2008 kl. 16:53]

Ég segi líka nei

kveðja Rafn

[Brynjar Jóhannsson, 4.7.2008 kl. 17:17]

Jú þeir eru greinilega að brjóta reglur en við hverju má búast.. þegar fasisti eins og Björn Bjarnason er Dómsmálaráðherra ?

[Anna Einarsdóttir, 4.7.2008 kl. 17:31]

Ó Brynjar....... gættu orða þinna.  Á þessari síðu er stundum gert létt grín að fólki en skrifi ég á pólitískum nótum, vil ég að málefnin séu rædd og að við sleppum persónulegum árásum. 

Með fyrirfram þökkum og eftirá þökkum og takki líka.   

Svo er tímabært að setja upp sólgleraugun fyrir helgina.     

[Hrönn Sigurðardóttir, 4.7.2008 kl. 18:09]

Mér finnst þetta mál allt mjög undarlegt! Það virðist sem íslenzk stjórnvöld séu að firra sig ábyrgð! Við erum aðilar að Sameinuðu þjóðunum og þá hélt ég nú bara í sakleysi mínu að við yrðum að spila með..........

Ég segi NEI! Ég sætti mig ekki við þetta!! 

[Brynjar Jóhannsson, 4.7.2008 kl. 19:10]

Ég skal gæta orða minna Anna. Það skiptir ekki hvaða orð ég nota en verr og miður þá get ég ekki lýst Dómsmálaráðherra betur en fa-----. Staðreyndinar tala sínu máli. Ég er búin að lesa mörg athyglisverð og ítarleg blogg um þetta mál í dag. T.d um þrautagöngu lögfræðing að kynna sér skjöl um þetta mál þegar hann heyrði um þetta í fréttum.Bloggfærslur um hvernig reynt var að svæfa málið til að taka ekki ákvörðun, þó svo að til séu lög sem segja klárlega að þessi ágæti keniamaður hafi full politískan rétt á að vera hérna. Raunar er allt bandsjóðandi vitlaust hér í bloggheimum út af þessu og ég hef ekki heyrt einn mann, EKKI EINN EINASTA, sama hvort viðkomandi stiðji Íhaldið, frjálslindaflokkin gera svo sem minstu tilraun að verja ... þessa áhvörðun. 

[Kristjana Bjarnadóttir, 4.7.2008 kl. 21:31]

Þetta er algerlega utan við minn skilning. Skamm á Íslensk stjórnvöld, gildir þar einu hvort maðurinn verði sendur til síns heimalands frá Ítalíu eða ekki.