Hef ekki hundsvit.

24.8.2008 | 17:13

Í vor fluttu sonur minn og tengdadóttir að heiman. Dálitlu seinna varð ég sjampólaus en sá að tendadóttirin hafði skilið eftir sjampó og hárnæringu á baðinu. Ég hugsaði með mér að hún hlyti að hafa gert það viljandi. Henni þótti kannski þetta sjampó ekki nógu gott eða eitthvað. Því tók ég slurk af sjampóinu og notaði það í neyð minni. Ekki kom ég því í verk fyrr en nokkru seinna að kaupa nýtt sjampó svo ég notaði sjampóið nokkrum sinnum og fannst það bara nokkuð gott.

Áðan, þegar dóttir mín er að fara í sund, spyr hún mig hvaða sjampó hún megi taka ? Ég bendi á sjampóbrúsann góða sem ég hafði notað nokkrum sinnum. Dóttir mín horfir þá á mig stórum augum og segir; "En mamma, þetta er hundasjampó."

Ég get hikstalaust mælt með Pet Silk Moisturizing Shampoo. Wink

En viðurkenni jafnframt að ég hef ekki hundsvit á snyrtivörum.

Flokkur: Dægurmál | Facebook

Athugasemdir

Þannig að nú ertu með silkimjúkt hár? Þá er það bara ein spurning! Hvers gæludýr ert þú?

Hrönn Sigurðardóttir, 24.8.2008 kl. 17:18

Ég er nú bara villidýr.

Anna Einarsdóttir, 24.8.2008 kl. 17:22

You animal

Ragnheiður , 24.8.2008 kl. 17:44

Það er ekki hægt að leyna rétta eðlinu endalaust

Guðrún Jóna Gunnarsdóttir, 24.8.2008 kl. 18:20

Svanhildur Karlsdóttir, 24.8.2008 kl. 20:38

Þetta var fyndin saga!

Lára Hanna Einarsdóttir, 24.8.2008 kl. 20:59

Hlýtur að vera silkimjúkt og flott á þér hárið...ha ha ha!!!

Bergljót Hreinsdóttir, 24.8.2008 kl. 21:40

Þú ert brilljant og snilli! Takk fyrir gæskan.

Edda Agnarsdóttir, 24.8.2008 kl. 22:53

Er ekki alveg sama hvaða sjámó maður notar ef það virkar ? Það er spurning að ég fari að nota hvolpa sjampóð sem varð innligsa hjá mér. ;)

Aprílrós, 24.8.2008 kl. 22:58

HA HA HA HA HA Þú ert alveg ótrúleg!

Guðrún Arna Möller (IP-tala skráð) 25.8.2008 kl. 16:47

ahahaha.... margt heyrir maður nú og sér hér á þessari síðu..... Annars heyrði ég einu sinni um konu á besta aldri sem hafði "uppgötvað" svo helv... ódýrt og gott niðursoðið kjöt.....hún keypti allveg bílfarma af því........sem sagt hundamat....

Fanney Björg Karlsdóttir, 25.8.2008 kl. 17:36

Dísa Dóra, 25.8.2008 kl. 18:00

Einhver ódannaður myndi mázke segja sem svo að það væri líklega einhver 'hundur í tíkinni', því væri sjampóóið pazzandi.

Ekki ég, ónei.

Of gott ariztókratízkt uppeldi...

Steingrímur Helgason, 25.8.2008 kl. 21:46

"Roll over!", "Fetch!", "play dead!"

Hmm... virkar ekki.

O jæja.... næsta trix, þá... vera bæði með hundasjampóið og hundamatinn í einu.....

Einar Indriðason, 26.8.2008 kl. 09:00

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.