Ég er frá Grímsey - og er stolt af því.

26.11.2008 | 22:31

Ég er frá Grímsey - og er stolt af því.

Hi folks !

Undanfarna daga hef ég verið svo upptekin við að hafa það huggulegt, að ég hef ekki gefið mér tíma til að blogga. Blush

En þrátt fyrir vanrækt blogg - eða kannski vegna þess að ég hef vanrækt blogg - eru leti minni takmörk sett og hér hefur verið dugnaður á öðrum sviðum. Jólin næstum því tilbúin á þessu heimili. Flestar gjafir keyptar, búin með allar stórhreingerningar sem voru á dagskrá og smákökubakstur fer fram á næstu helgi.

Hlakka mikið til að sjá jólaljósin, heyra jólalögin og finna ilminn af kökunum. Það getur vel verið að ég smakki líka. Hálf hallærislegt að þefa lengi af kökum. Joyful

Inn á milli dett ég í pólitískar hugsanir, eins og líklega allir landsmenn. Mér finnst hræðilegt að einhverjir Davíðar úti í bæ hafi haft mannorðið af okkur Íslendingum, bara sisvona. Næst þegar ég fer til útlanda, ætla ég að plata; "I am from Grims island". Það er sko ansi nærri því að vera rétt hjá mér. Ég er að segja Gríms-Ísland á rituðu máli, þótt ég beri það fram sem Grims-æland. Tounge

Spillingin á þessari litlu eyju fer svo fyrir brjóstið á mér að ég fæ brjóstsviða ! Það er kannski aðeins orðum aukið að ég fái brjóstsviða en það hljómaði ágætlega, fannst mér - svona eins og það kom á lyklaborðið.

Er ég kannski að smitast ? Er ég að verða spillt, lítil, plötuskjóða ? Pouty

Flokkur: Dægurmál | Facebook

Athugasemdir

Veid eggi hvort að það virkar að vera frá Grímzeynni, til að þvo af sér sérgæðíngastuldinn, reyndar, í ljósi framkomu þáliðnnar framkomu sveitarstjórnarmannz nýlega dæmdz.

Skárra mázke að vera bara frá Grundó ?

Steingrímur Helgason, 26.11.2008 kl. 22:39

ég fer bara ekkert til útlanda meðan ég fæ ekki færeyskt vegabréf !

Þú ert ekkert smituð....

Veit ekki hvort ég nenni að baka, sé hvort strákar vilja vera með í því- þá er nebblega svo gaman. Þeir eru skemmtilegustu gaurar í heimi, endalaust að hrekkja hvorn annan.....

Ragnheiður , 26.11.2008 kl. 22:40

Bjarni Ármannsson ku hafa skráð sig sem norðmann á einhverju maraþonhlaupi í Evrópu á dögunum...

Ekki að það skipti neinu...

Guðný Anna Arnþórsdóttir, 26.11.2008 kl. 22:57

Þú segir bara eins og er að þú sért frá hinni heimsfrægu eyju þar sem heimsskautsbaugurinn liggur í gegnum hjónarúm ykkar hjóna eða svoleiðis, og svo geturðu sýnt Grímseyska vegabréfið þitt upp á það. -

Þér verður áreiðanlega tekið eins og veru af öðrum hnetti. -

Lilja Guðrún Þorvaldsdóttir, 26.11.2008 kl. 23:46

Úff - hvað ég er fegin að þú ert þarna !!

Kv, Hrabba.

Hrafnhildur (IP-tala skráð) 27.11.2008 kl. 10:37

Ég ætla ekki að vera íslensk næst þegar að ég fer til útlanda. Þykist bara vera finnsk, það fattar það enginn.

Þórunn Ella (IP-tala skráð) 27.11.2008 kl. 11:35

Ef maður gæti nú bara valið um hver maður er þá og þegar eftir hentugleikum. Það væri sko munur.

Eigðu ljúfan dag mín kæra.

Aprílrós, 27.11.2008 kl. 11:47

Dóttir mín býr í Danmörku,,, er fúlbífær í sænsku og segir án þess að blikna að hún sé sænskur ríkisborgari......

Fanney Björg Karlsdóttir, 27.11.2008 kl. 12:38

Allar þessar draugasögur af breyttri framkomu í garð Íslendinga eru stórlega ýktar.

Flestum útlendingum er slétt sama um ástandið á Íslandi, ef þeir þá vita nokkuð um það. Þeir sem vita af ástandinu, vita líka að það er ekki almenningi á Íslandi að kenna.

Það er engin ástæða til að ljúga uppá sig öðru þjóðerni, ekki dettur mér það í hug og umgengst ég allra þjóða kvikindi á hverjum degi.

kop, 28.11.2008 kl. 12:40

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.