Apar.

 

Vinkona mín sendi mér nýlega skemmtilega frásögn í tölvupósti;

.

Eftir að hafa fylgst með þætti á Animal planet í nótt, þá hef ég komist að því að það geti ekki verið rétt sem sagt er, að fólk geti ekki breyst. Þátturinn var um Babun apa (ef þeir þá heita það á íslensku). Þessi ákveðni flokkur var, eins og aðrir babunaflokkar, uppfullur af sterkum alfakarlöpum sem fóru illa með kvenapana, börðu hina karlapana og gerðu í raun lífið erfitt fyrir meirihluta hópsins.  Svo komust þessir apar í matarafganga eftir einhverja túrista. Það vildi ekki betur til en svo að kjötið var sýkt af einhverri hroðalegri bakteríu og meirihluti babunahópsins dó.  Það sem var merkilegt var að allir alfakarlaparnir dóu (trúlega verið frekastir og borðað mest) en eftir voru þá kvenapar í meirihluta og þessir félagslyndu og góðu karlapar sem höfðu verið undirgefnir alfakarlöpunum áður.  Nú eru liðin tuttugu ár frá því þetta gerðist og þessi hópur hefur vaxið og dafnað.  Þar ríkir mjög sérstakur andi, mikil félagshyggja, allir eru jafnir, borða jafnt og hjálpa hver öðrum.  Þegar ungir karlapar koma, sem eru uppfullir af alfakarlapastælum þá bjuggust rannsóknarmenn við að allt gæti breyst aftur en það hefur sýnt sig að þessir ungu apar hafa bara fallið inn í þennan nýja lífsstíl þegar um hálft ár er liðið frá komu þeirra i hópinn.  Ég er ekki að segja að mannskepnan sé alveg eins og babunar.. en ég held að við séum ekki langt undan.  Ég er heldur ekki að segja að við þurfum að losa okkur við alfakarlana en þetta segir mér að ef þessi hópur getur breyst og bætt sína framkomu við hvert annað.. ja þá hljótum við að geta breyst líka og bætt okkur og okkar framkomu við náungann. 

.

 

.

Gæti hugsast að sjálfstæðismenn séu í eðli sínu alfakarlapar ?  

Hart deilt á stjórnarandstöðu

Athugasemdir

[Lára Hanna Einarsdóttir, 17.2.2009 kl. 22:45]

Ég held að það gæti miklu meira en hugsast...  líklega er þetta bara staðreynd! 

[Guðrún Vala Elísdóttir, 17.2.2009 kl. 22:52]

Þeir eru a.m.k. óttalegir apar

[Haukur Snorrason (IP-tala skráð) 17.2.2009 kl. 23:24]

Hann er nú svolítið líkur Steingrími Joð í framan. :-)

[Steingrímur Helgason, 18.2.2009 kl. 00:18]

Allir karlar eru klárlega bavíanar ...

Allar konur kunna að segja þeim það.

& öllum er nákvæmilega sama ...

[Anna Einarsdóttir, 18.2.2009 kl. 08:26]

Auðvitað vitum við simpansarnir að þið karlarnir eruð bavíanar og okkur er nákvæmlega sama.    Það eru hægri górillurnar sem við nennum ekki að leika við lengur.  Allavega ekki ég ! 

[Einar Indriðason, 18.2.2009 kl. 10:04]

Þeir eru amk apar.

[Ingibjörg Friðriksdóttir, 18.2.2009 kl. 20:30]

Þeir eru bara bévaðir mannapar.  Kunna ekki að skammast sín, eru svo úrillir þessa dagana að það er ekki nálægt þeim verið.  Annars verð ég að viðurkenna að það hlakkar svolítið í mér hvað þeir (sem eru á þingi) opinbera sig svakalega.

Nú var ég heppin, sonur minn kom í heimsókn þannig að ég varð að anda áður en ég ýtti á senda. ´

´Búin að stroka út helminginn af kommentinu.  Það á ekki við að vera með svona yfirlýsingar á annarra manna síðum.

[Birna Dis Vilbertsdóttir (IP-tala skráð) 20.2.2009 kl. 10:47]

Þessi apategund er svo ljót að aftan.

[Einar Áskelsson (IP-tala skráð) 20.2.2009 kl. 23:18]

Er einhver apategund falleg að aftan

[alva (IP-tala skráð) 22.2.2009 kl. 14:04]

Til hamingju með daginn Anna mín :) vona að maðurinn þinn dekri við þig :)

Hlýjar kveðjur Alva.