Ísland.

15.3.2009 | 11:23

Íslandið með ægifögur
fjöll og gamlar góðar bögur
fósturjörðin sem að mér var gefin
Sólroðar á tinda skína
Ísland þú átt elsku mína
stolt ég raula Íslendingastefin.

Úfið hraunið, lundur, lækur
fornleifar og gamlar bækur
allt er byggðu afar okkar forðum
Ég elska loftið hreina tæra
Íslandið, þig vil ég mæra
en kem ei að því nógu góðum orðum.

Höf. Anna Einarsdóttir.

Iceland

Flokkur: Ljóð | Breytt s.d. kl. 12:13 | Facebook

Athugasemdir

Hrönn Sigurðardóttir, 15.3.2009 kl. 13:21

Ragnheiður , 15.3.2009 kl. 20:00

Fallegt ljóð og Eystra-Hornið er líka bara nokkuð gott. Mbk, G

Gunnlaugur B Ólafsson, 15.3.2009 kl. 23:14

Halldór Egill Guðnason, 16.3.2009 kl. 01:42

Þú ert snillingur

Ingibjörg Friðriksdóttir, 16.3.2009 kl. 18:58

Orð fá oftast ekki lýst litafegurð náttúrunnar þar sem leikur ljóss og skugga vegur þungt. Ég er viss um að það fegursta í jarðneskri náttúru nálgast stundum þá fegurð sem ég sé fyrir mér í himnaríki.

Páll A. Þorgeirsson (IP-tala skráð) 18.3.2009 kl. 01:36

Takk fyrir hrósið.

Ég hef gott af því.

Anna Einarsdóttir, 18.3.2009 kl. 23:15

Rosalega falleg mynd, ég stefni á að heimsækja þessi fjöll aftur í sumar! Ég þarf að fá allar góðar vættir til að blása burtu skýjunum þegar ég stend þarna með myndavélina!

Kærleiks kveðja til þín.

Maddý (IP-tala skráð) 23.3.2009 kl. 10:21

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.