Aðventubörnin komin í hús.

28.11.2009 | 11:07

Í gærkvöldi fæddi Katla Gustavsberg 5 stykki af kettlingum. Ljósmæðurnar voru dóttir mín, bróðurdóttir og systurdóttir, allar langt undir lögaldri en stóðu sig afar vel. Yfirljósmóðir var svo ég sjálf en ég þurfti í þrígang að taka belginn af höfði nýfædds kettlings og ég stóð mig alveg ótrúlega vel. Whistling Lýsingarorðið "ótrúlega" dugir eiginlega ekki fyrir frammistöðu mína sem var hreint himnesk svo vægt sé til orða tekið. Cool

Kettlingarnir sem fæddust í byrjun aðventu, verða tilbúnir til afhendingar í lok aðventu.

Einn er þegar farinn..... sá þríliti í miðið. Hér gildir meðalhófsreglan að fyrstur kemur, fyrstur fær.

Ég mæli með að áhugasamir taki tvo, frekar en einn því þessi dýr eru svo miklir félagar.

Hér er mynd af nýju börnunum.

Og hér eru stóru systkinin að horfa á sjónvarpið. Alexandra lítur undan á myndinni en það er vegna þess að Birgir nokkur Ármannsson er í sjónvarpinu. Hún horfir aldrei á neitt sem bannað er börnum. Wink

Það sést langar leiðir að ræktunin er til fyrirmyndar.

Flokkur: Vinir og fjölskylda | Facebook

Athugasemdir

hahahah Alexandra er greinilega vel upp alin......

Til hamingju með kisubörnin kátu

Hrönn Sigurðardóttir, 28.11.2009 kl. 19:24

Alexandra góð!!

En guð minn góður hvað litlu kisubörnin eru falleg...þetta er greinilega afburða ræktun...þvílíku bjútíiin!

Til hamingju og góða skemmtun með alla þessa fjörkálfa á aðventunni!!!!

Bergljót Hreinsdóttir, 28.11.2009 kl. 23:12

svo mikil krútt .

Birna Dis Vilbertsdóttir (IP-tala skráð) 29.11.2009 kl. 11:51

oh svo sæt kisubörn, vildi að ég gæti verið með kisu en get það ekki vegna bráða ofnæmis sonarins. Til hamingju með sætu kisubörnin ;)

Aprílrós, 30.11.2009 kl. 00:07

Þessi þríliti í miðið er væntanlega læða - hvað eru hinir fjórir ??

Til hamingju með þessi yndi ! ;-)

Hrabba (IP-tala skráð) 30.11.2009 kl. 08:54

Til hamingju með litlu jólakisurnar.

Halldór Egill Guðnason, 30.11.2009 kl. 15:36

...um leið og þú ræktar þrílitan fress skal ég mæta

Hrönn Sigurðardóttir, 30.11.2009 kl. 18:33

sjáðu sælusvipinn á stoltu móðurinni á fyrstu myndinni.

lífið er ómetanlegt

Brjánn Guðjónsson, 1.12.2009 kl. 20:48

byggi ég þannig að köttur gæti stokkið inn og út að vild, væri ég fyrir löngu búinn að bjóða einum slíkum að eiga heimili hjá mér

Brjánn Guðjónsson, 1.12.2009 kl. 20:50

Þú getur fengið þér kattarlúgu Brjánn.

Anna Einarsdóttir, 1.12.2009 kl. 21:09

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.