Bloggfærslur mánaðarins, júlí 2007
17.7.2007 | 08:37
Morgunstund gefur gull í mund.
Með það í huga ríf ég mig upp fyrir allar aldir.
Allar aldir ! Hvenær koma þær ? Hef ég kannski vaknað alltof snemma, ehmmm ?
( Skrambans slóð ! Nú sjá allir að ég stal myndinni af netinu en tók hana ekki sjálf. )
Aftur að efninu....... nú kem ég með smá orðskýringu í boði hússins
Mund þýðir hönd
Morgunstund með gull í mund þýðir því væntanlega gullmoli í lófa mínum innan skamms.
Þetta er stórsniðugt.
Ef mér þætti ekki gaman í vinnunni, myndi ég hætta að vinna og vakna bara snemma einstaka sinnum, þegar ég þyrfti smá gullmola.
Allavega er ég vöknuð núna, löngu fyrir aldirnar, þrátt fyrir að vera í sumarfríi svo nú er bara að bíða og sjá.
Skyldi pósturinn henda inn molanum ?
Þessi dagur er gríðarlega spennandi.
Samt held ég að mig vanti ekkert gull eins og er. Það verður því annað spennandi dæmi hver fær gullmolann sem kemur kannski í póstinum á eftir.
Spil og leikir | Breytt s.d. kl. 09:57 | Slóð | Facebook | Athugasemdir (7)
16.7.2007 | 14:00
Úrslit farin að skýrast.
Nú er ég búin að raða blogg-skák-vinum mínum með tattoo upp í ákveðinni röð.
Glöggir lesendur sjá strax að þarna er komin afar líkleg niðurstaða í væntanlegu móti.
Kristjana vinnur og því er hún efst. Til hamingju Kristjana mín.
Svo kemur Brattur. Með hann sem dómara í mótinu verður ekki hjá því komist að hann dæmi sjálfum sér nokkra sigra og komist upp með allskonar svindl og svínarí. Hann er hrókur alls fagnaðar og er þá með þrjá hróka. Það verður erfitt að eiga við úthugsaðar brellur hans. Maðurinn er kex !
Þriðja sætið kemur í hlut Bjargar. Það veit nefnilega enginn hvaða andstæðing hún hefur að geyma. Þetta er stelpa með fullt af nefbeinum. Hún stundar flúðasiglingar villt og galið... aðallega galið. Strákarnir munu vaða upp í hugsunarlausa sókn og gleyma að verjast. Hún heimaskítsmátar þá.
Edda fær fjórða sætið. Það þarf ekkert að rökræða það. Edda ! Þú ert ekki einu sinni bloggvinkona mín. Lagaðu þetta stelpa.
Fimmti verður Ægir. Hann kann víst Sikileyjarvörn, drottningarvörn og prinsessuleik, auk þess sem hann hefur þróað með sér afar mikla þolinmæði undanfarnar vikur. Ægir er búinn að vera allt þetta ár að fúga smá klósettkytru. Hvernig er þetta hægt ?
Í sjötta sæti kemur Halldór. Hans tími er ekki kominn. Ágústmánuður sem átti að fara í að læra mannganginn, fer að mestu í tiltekt í garðinum. Halldór hefur nýlega viðurkennt að hann er búinn að missa alla stjórn á trjágróðrinum sínum. Nú stjórna Aspirnar á hans heimili. Þess má geta í framhjáhlaupi að Halldór býður upp á fyrirtaks skíðasvæði í kartöflugarðinum heima.
Nú vil ég ekki fara lengra í verðlaunasætaúthlutuninni því ég verð sífellt óvinsælli eftir því sem neðar dregur.
Sjálf mun ég lauma mér ofarlega á listann, mér sjálfri til ómældrar ánægju.
Það er ekkert grín að vera svín.
16.7.2007 | 09:15
Stelpupör.
Það er vandi að vera stelpukjáni og kostar fórnir.
Ég geri eitt og annað til að viðhalda stelpuímyndinni, sem er auðvitað minn stíll og hefur verið síðan ég var stelpa.
Fólk eyðir áratugum í að leita að sjálfu sér og finna sér sinn eigin stíl. Sjálf gafst ég upp á að leita eftir fertugt,, ákvað þá með stæl að vera bara áfram stelpa. Þessvegna kemur ekki til nokkurra mála að gera eitthvað sem breytir mér í kjéddlingu.
Eitt er það sem veldur ama - aðallega öðrum - því ég er langoftast hæstánægð.
Ég sé ekki rassgat útfyrir 10 metra radíus. Það heitir að vera nærsýn.
Þetta orsakar það, að í 20 ár hef ég ekki heilsað fólki sem ég mæti í bílum nema ég þekki bílinn. Í sama árafjölda hef ég heldur ekki heilsað fólki sem er svo óprúttið að ganga hinumegin við götuna.
Ég á sko gleraugu ! En þau henta hræðilega mínum stelpustíl því ég breytist í kennslukonu ef ég set þau á andlitið á mér. Á mjög áhrifamikinn hátt.
Er n nokkuð að lesa þetta ? Einu sinni prófaði ég að setja upp gleraugun þegar ég var að keyra og þá brá mér heldur betur ! Ótrúlega var mikil umferð. Ég tók þau strax niður aftur, því ég varð hreinlega dauðskelkuð að sjá alla þessa bíla. Miklu öruggara að sjá minna.
Á íþróttaleikjum vandast málið. Enginn fókus ! Verð að viðurkenna að tvisvar eða þrisvar hef ég laumað glyrnunum á nefið á mér, sem áhorfandi á verulega spennandi körfuboltaleikjum. En við erum þá að tala um fjögurra liða úrslit og allt í laumi. Megi himnarnir hrynja á gleraugun mín ef ég næst á sjónvarpsmynd með þau.
Nú man ég ! Stalst líka einu sinni til að lauma rúðunum á nefið í leikhúsi. Hafði heyrt að leikarinn yrði gersamlega berrassaður í lokaatriðinu. Svoleiðis löguðu vill nú enginn, með virka hormónastarfsemi, missa af. Nektaratriðið stóð yfir í hálfa sekúndu. Svindl !
Linsur er ég sko búin að reyna að prófa. Augnhárin mín breytast í útkastara. Kasta linsunni út - áður en hún kemst inn. Þar gafst ég upp þegar fjórar linsur voru ónýtar.
Annars veit ég ekki af hverju ég er að pikka þetta ! Þetta er sko ekkert mál fyrir Önnu sál.
Sé´ðig !
Spil og leikir | Breytt s.d. kl. 09:19 | Slóð | Facebook | Athugasemdir (15)
15.7.2007 | 18:31
Tveir fyrir einn tilboð......skák og félagsvist.
Bloggvinir mínir mega vart vatni halda fyrir spenningi yfir skákmóti bloggvina með tattoo. Þeir sofa ekki á nóttunni einusinni. Ég hins vegar svaf eins og ungabarn í tjaldi í nótt og mun, með þessu áframhaldi koma mun betur andlega undirbúin á mótið - og taka þá í nefið, annaðhvort á sálfræðinni eða yppon... fer eftir ýmsu.
Nú hef ég hugsað mér, þar sem ég verð komin til Reykjavíkur hvort sem er, að gera aðeins meira úr ferðalaginu. Eftir hraðskákmótið er ákveðið að taka nokkra hringi í félagsvist.
Kristjana mun vinna skákmótið, deffenatlí, af því að hún er langsætust.
Ég ætla hins vegar að vinna félagsvistina af því að ég er ákveðin í því.
Það skal tekið fram að einungis þátttakendur í skákmóti bloggara með tattoo, fá að spila með. Klíkuskapur og ekkert annað.
Síðar meir, þ.e. einhvern annan keppnisdag, má athuga með 100 m. hlaup sem mér skilst að Brattur sé spenntur fyrir......... eða kosningaslag fyrir Ægi..........já eða rauðvínssmökkunarkeppni með Halldór í huga.
Sjáum til !
Spil og leikir | Breytt s.d. kl. 18:48 | Slóð | Facebook | Athugasemdir (64)
14.7.2007 | 10:48
AUGLÝSING.
Þann 21. september 2007 klukkan 20.30, verður haldið fyrsta mót skákfélags bloggara með tattoo.
Þetta var ákveðið á formlegum fundi, sem stóð langt fram á nótt, enda að mörgu að hyggja við skipulagningu svo viðamikils mót.
Kristjana blómarós er talin lang-sigurstranglegust, þar sem strákarnir munu alveg gleyma skákinni og fálma eitthvað út í loftið með hana sem mótherja. Afar líklegt þykir að þeir felli kónginn með fálmurunum og þá er hún að sjálfsögðu búin að vinna !
Brattur Ástríkur Rugludallur Kexlákur Sultukrukka sýndi sig að vera mesta frekjudollan í hópnum, valtaði yfir okkur hin og skipaði sjálfan sig hlutdrægan dómara í mótinu. Hann hefur þegar veðjað á sjálfan sig sem sigurvegara og heldur auk þess með Ægi.
Ekki af því að Ægir sé eitthvað góður í skák - hann hefur enga tendensa í þá átt sýnist mér. Nei, Brattur heldur með honum af þeirri lúsarlegu ástæðu að Ægir studdi hann í dómarasætið. Ægir á litla möguleika á sigri þar sem hann er alveg úti á túni að tjalda - og það í september.
Ég sá mig tilneydda til að grípa til óyndisúrræða. Um leið og ég sá heiðarlegt andlit á fundinum, Halldór, skipaði ég hann eftirlitsdómara, við nákvæmlega enga kátínu Bratts Ástríks Rugludalls Kexláks Sultukrukku sem nánast fór að skæla á staðnum.
Til að rífa hann upp úr andlegri eymd, leyfðum við honum að velja sér dómarabúning. Fyrir valinu varð hefðbundin dómarabúningur; svartar stuttbuxur og bolur með númer 1. á bakinu, auk hvítra sokka. Brattur leggur að sjálfsögðu af stað heiman frá sér í svörtum sokkum, því litla klára konan hans vill ekki að hann sé alger smekkleysa......... en svo skiptir hann um sokka á leiðinni.
Rökstuddur grunur er fyrir því að Arnfinnur muni smygla sér inn á mótið, því allsstaðar þar sem eru stelpur, þar er Arnfinnur. Hann stendur einmitt núna á hliðarlínunni á einhverju fótboltamóti og þykist hafa vit á fótbolta - en er í raun að skoða mömmurnar.
Verðlaun í skákmóti skákfélags bloggara með tattoo verða ekki af verri endanum:
1. verðlaun TATTOO
2. verðlaun Húrrahróp og klapp
3. verðlaun Klapp
Tekið er við skráningum á snilld007@hotmail.com og verður staðsetning mótsins nánar auglýst síðar. Skilyrði fyrir þátttöku er að viðkomandi kunni mannganginn, hafi tattoo daginn sem mótið fer fram og sé bloggvinur. Keppnisgjald er kr. 2000,- eða meira.
F.h. Skákfélags bloggara með tattoo,
Anna Einarsdóttir, formaður.
Spil og leikir | Breytt s.d. kl. 12:07 | Slóð | Facebook | Athugasemdir (35)
13.7.2007 | 20:17
Stríðinn.
Fyrrverandi tengdafaðir minn var mjög stríðinn eins og ég hef áður komið inn á.
Eitt sinn átti hann í rökræðum við mann, sem staddur var í Ólafsvík, á vörubíl með fullfermi af möl. Tengdó var staddur í Borgarnesi.
Þá greindi á um hve mikið bílfarmurinn vóg. Eftir nokkrar þrætur um þyngd hlassins, sagði tengdó:
"En þú veist að það er mælt í Farenheit hér en Celsius þarna" ?
Hinn, snöggur upp á lagið og þóttist yfirleitt vita allt, hnussaði;
"Já, veit ég vel, veit ég vel, en ég er samt viss um að þyngdin er rétt hjá mér" !
13.7.2007 | 12:34
Ó Tinni, elsku Tinni minn.
Sem einlægum Tinna-aðdáanda er mér nú brugðið.
Skv. Fréttablaðinu í dag er búið að senda Tinna í Kongó í útlegð !
Þegar ég var krakki og unglingur, voru nokkur atriði sem þurftu að vera í lagi svo að jól væru jól. Það þurfti að vera hangikjöt í matinn, (sem oftast) nammi í seilingarfjarlægð og Tinnabækur í jólagjöf. Ég fékk alltaf eina Tinnabók og bróðir minn aðra.
Því hef ég drukkið í mig Tinnabækur eins og ég drakk "kaffisykurbrauðogmjólk" hjá ömmu.
Ástæðan fyrir úthýsingu Tinna í Kongó, er sögð vera sú að "bókin lýsi íbúum Kongó sem fáráðum sem í einfeldni sinni geri hund að kóngi". Því þyki bókin uppfull af kynþáttafordómum.
Halló ! Er ekki verið að brjóta dýraverndunarlög hérna ?
Nú stend ég fast á því, að farið sé fram á sönnunarbyrði í málinu.
Ég heimta semsagt greindarvísitölupróf á alla íbúa Kongó. Kannski eru þeir bara fáráðar ?
Og kannski var hundurinn besti kosturinn ?
Spil og leikir | Breytt s.d. kl. 14:36 | Slóð | Facebook | Athugasemdir (18)
12.7.2007 | 18:44
Klukkuð af Halldóri og hrossinu í haganum.
Nú hef ég verið klukkuð tvisvar svo ég get ekki skorast undan og verð að segja átta atriði um mig. Ætla að upplýsa ykkur um ýmislegt sem þið ekki vissuð um mig.
- Ég er Snæfellingur
- Ég kann að tefla
- Ég fékk mér tattoo í fyrra
- Ég er 43 ára
- Ég er Bifrestingur
- Ég er 1,67 á hæð
- Ég er með brúnt hár
- Ég er að drepast úr hógværð. NOT ! ok, þetta var ekki að marka.
8....Ég er fjármálastjóri
Og svo hleyp ég af stað og klukka 8 aðila og held svo áfram að bulla.
Spil og leikir | Breytt s.d. kl. 18:46 | Slóð | Facebook | Athugasemdir (86)
12.7.2007 | 12:56
Hvernig ætli það sé ?
Jæja krakkar.
Erum við annars ekki öll krakkar ?
Einn minn besti vinur í þessu lífi, var briddsfélagi minn til 11 ára. Hann var tæpum fjörutíu árum eldri en ég og mér fannst hann alltaf vera strákur. Við spiluðum saman einu sinni í viku og spjölluðum svo um spilin, lífið og tilveruna, oftast tveimur dögum síðar. Á milli okkar féll aldrei styggðaryrði. Oft þegar við vorum að kynna okkur fyrir ókunnugum bridgespilurum, þá sögðum við "við systkinin" því við bárum sama föðurnafn. Það var stundum óborganlegt að sjá svipinn sem kom á mótspilarana.
Ég er stundum að velta því fyrir mér hvort ég vakni einhvern daginn, orðin kjéddling ? Það þætti mér að sumu leiti fyndið - en bara að sumu leyti. Mér finnst ég alltaf vera stelpa. Kannski tvisvar á ári kona og af og til eins og strákur.
Hvað ætli fólki finnist þegar það er orðið aldrað, í árum talið ?
Spil og leikir | Breytt s.d. kl. 12:57 | Slóð | Facebook | Athugasemdir (5)
12.7.2007 | 00:11
Galdraþulan mín.
Brattur bloggvinur minn er í miklu uppáhaldi hjá mér.
(ææ, pínulítil mynd..... jæja)
Við Brattur höfum sama aulahúmorinn sko. Hann er ógurlega góð sál þessi maður og sér gjarnan annan vinkil á hlutunum - sem mér finnst skemmtilegt og þroskandi.... og ekki veitir mér af örlítið auknum þroska.
Brattur samdi eftirfarandi galdraþulu fyrir mig.
Galdraþulan hennar Önnu.
úr auðninni
kemur sálin
sem þú átt að sættast við
með vindinum
kemur málið
sem þú átt að læra
með regninu
kemur vatnið
sem andlit þitt þvær
úr sjónum
kemur marbendill
sem þig frelsar
og þá
og loksins þá
ertu tilbúin
að takast á
við lífið
en aldrei gleyma
nei, aldrei, aldrei gleyma
að þú átt þig sjálf
Spil og leikir | Breytt s.d. kl. 00:56 | Slóð | Facebook | Athugasemdir (5)
Um bloggið
Sparisjóður grínista og nágrennis.
Eldri færslur
- Febrúar 2011
- Desember 2010
- Nóvember 2010
- Ágúst 2010
- Júlí 2010
- Júní 2010
- Maí 2010
- Apríl 2010
- Mars 2010
- Febrúar 2010
- Janúar 2010
- Desember 2009
- Nóvember 2009
- Október 2009
- September 2009
- Ágúst 2009
- Júlí 2009
- Júní 2009
- Maí 2009
- Apríl 2009
- Mars 2009
- Febrúar 2009
- Janúar 2009
- Desember 2008
- Nóvember 2008
- Október 2008
- September 2008
- Ágúst 2008
- Júlí 2008
- Júní 2008
- Maí 2008
- Apríl 2008
- Mars 2008
- Febrúar 2008
- Janúar 2008
- Desember 2007
- Nóvember 2007
- Október 2007
- September 2007
- Ágúst 2007
- Júlí 2007
- Júní 2007
- Maí 2007
- Apríl 2007
- Mars 2007
Heimsóknir
Flettingar
- Í dag (19.5.): 2
- Sl. sólarhring: 2
- Sl. viku: 27
- Frá upphafi: 342862
Annað
- Innlit í dag: 2
- Innlit sl. viku: 24
- Gestir í dag: 2
- IP-tölur í dag: 2
Uppfært á 3 mín. fresti.
Skýringar
Bloggvinir
- Gíslína Erlendsdóttir
- Brattur
- Ragnheiður
- Hrönn Sigurðardóttir
- Lára Hanna Einarsdóttir
- Hugarfluga
- Halldór Egill Guðnason
- Sæmundur Bjarnason
- Brjánn Guðjónsson
- Gulli litli
- Ingibjörg Friðriksdóttir
- Marinó G. Njálsson
- Svanur Gísli Þorkelsson
- Þorsteinn Sverrisson
- Árni Gunnarsson
- Bergljót Hreinsdóttir
- Finnur Bárðarson
- Bjarni Harðarson
- Ingibjörg Hinriksdóttir
- Steingrímur Helgason
- Guðni Már Henningsson
- Íris Guðmundsdóttir
- Edda Agnarsdóttir
- Rannveig Guðmundsdóttir
- Kristjana Bjarnadóttir
- Erna Bjarnadóttir
- Þorsteinn Valur Baldvinsson
- Þórdís Björk Sigurþórsdóttir
- Haraldur Sigurðsson
- Ásgeir Kristinn Lárusson
- Daði Ingólfsson
- Óskar Þorkelsson
- Lilja Guðrún Þorvaldsdóttir
- Egill Bjarnason
- Sigurður Grétar Guðmundsson
- Kát Svínleifs
- Einar Indriðason
- arnar valgeirsson
- Kama Sutra
- hilmar jónsson
- Eiður Svanberg Guðnason
- AK-72
- Guðrún Jóna Gunnarsdóttir
- Dísa Dóra
- Sigurður Einarsson
- Gunnar Helgi Eysteinsson
- Jóhannes Guðnason
- Brynjar Jóhannsson
- Jón Steinar Ragnarsson
- Magga tagga
- Fanney Björg Karlsdóttir
- Tófulöpp
- Valgeir Skagfjörð
- kop
- Guðbjörg Elín Heiðarsdóttir
- Björgvin R. Leifsson
- Gunnar Helgi Eysteinsson
- Svanhildur Karlsdóttir
- Brosveitan - Pétur Reynisson
- Aprílrós
- Guðrún Björk
- Guðmundur Óli Scheving
- Helgi Jóhann Hauksson
- Katan
- Páll Rúnar Elíson
- Þórir Aðalsteinsson
- Kjartan Pétur Sigurðsson
- Kristín Snorradóttir
- Þorsteinn Briem
- Gunnar Níelsson
- Jón Ólafur Vilhjálmsson
- Helga Guðrún Eiríksdóttir
- Bjarni Sæmundsson
- Heiða B. Heiðars
- Þórdís tinna
- Eva Hrönn Jóhannsdóttir
- Jóhannes Freyr Stefánsson
- kloi
- Bjarndís Helena Mitchell
- Ragnar Gunnarsson
- Brynja skordal
- Vefritid
- Tryggvi Gunnar Hansen
- Árelía Eydís Guðmundsdóttir
- Garún
- Hörður B Hjartarson
Færsluflokkar
- Bloggar
- Bækur
- Dægurmál
- Enski boltinn
- Evrópumál
- Ferðalög
- Fjármál
- Fjölmiðlar
- Heimspeki
- Íþróttir
- Kvikmyndir
- Lífstíll
- Ljóð
- Löggæsla
- Mannréttindi
- Matur og drykkur
- Menning og listir
- Pepsi-deildin
- Samgöngur
- Sjónvarp
- Spaugilegt
- Spil og leikir
- Stjórnmál og samfélag
- Tónlist
- Trúmál
- Tölvur og tækni
- Umhverfismál
- Vefurinn
- Viðskipti og fjármál
- Vinir og fjölskylda
- Vísindi og fræði