Það byrjaði sem ósköp venjulegt...

4.12.2009 | 20:44

Það byrjaði sem ósköp venjulegt spjall......

Í morgun vorum við að spjalla, ég og bóndinn, um hversu mikil reiði sé í þjóðfélaginu og hvað sé nú gott að eiga athvarf heima hjá sér þar sem einungis er væntumþykja og hlýja.

Þá opnar hann munninn og segir svo óheppilega "að heimilið sé eins og hreiður".

Hvað segirðu maður ?

Ertu að kalla mig önd ? Eða kannski gæs !!! GetLost spyr ég frekar ergileg.

Eða viltu kannski meina að ég sé bjúgnefja ? Angry

Og svo bara missi ég mig.......

Þú ert nú meiri skarfurinn. W00t

blárindill,

Algjör fálki,

skrækskaði og skunkur,

Þvílíkur þengilhöfði,

gammur og gleraugnamörgæs. W00t

Þarna þurfti ég að stoppa til að draga andann.

Þá segir bóndi minn...... komdu hérna dúfan mín. Wink

Og nú hreiðrum við um okkur í rólegheitunum.

Flokkur: Vinir og fjölskylda | Facebook

Athugasemdir

Aprílrós, 4.12.2009 kl. 22:11

Furðuföglar !

Steingrímur Helgason, 5.12.2009 kl. 00:08

hahahaha Turtildúfur....

En málið er að það er ómetanlegt að geta komið heim til sín og þar ríki friður og ró. Það er nefnilega ekki svo allsstaðar.....

Hrönn Sigurðardóttir, 5.12.2009 kl. 08:39

Heyri næstum kurrið frá ykkur turtildúfunum hingað suður í Kópavog...njótið rólegheitanna og friðarins...það er ómetanlegt að eiga svona friðsamlegt hreiður....

Bergljót Hreinsdóttir, 5.12.2009 kl. 19:16

Ég er alveg eldklár á því að hann bóndi þinn er Ísari. Sé hann fyrir mér með stélið þanið og útbreidda vængi, róa litlu dúfuna sína með örfáum sérdeilis vel völdum orðum, eins og honum er einum lagið og vefja hana vængjum. Já, það er vissulega gott að eiga sér hreiður og traustan félaga þessa dagana.

Hilsen í Borgarnesið

Halldór Egill Guðnason, 6.12.2009 kl. 01:53

gott að vita að fuglalífið blómstri á Íslandi

Brjánn Guðjónsson, 6.12.2009 kl. 02:11

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.