Skammast´ín Fríða !

Nú varstu óþekk Fríða.   Auglýsir mig í heimabyggð !  Hvernig var nú máltækið ?  "Enginn verður frægur í garðinum heima hjá sér"  Neeee hugs hugs "Það þarf ókunnuga til að sjá hvað þú ert flottur"  Neee, ekki heldur.  Æi, hjálp ? ... í athugasemdir plís.  Ég hef mér afsökun fyrir að muna ekki, var andvaka í nótt - sem er frekar óvanalegt.  Ástæða ?  Hmmm, nú fer ég endanlega með´ða.  Ástæðan voru pólitískar hugsanir.   Hefði verið fín afsökun ef ég hefði verið að hugsa um stráka - en pólitík,  ég á bágt !

Eitt af því sem ég var að hugsa um var tæknin sem margir sjálfstæðismenn nota í þessari kosningabaráttu.  "Tæknin" er skítkast.  Orðbragðið sem sjálfstæðismenn viðhafa um Ingibjörgu Sólrúnu, þessa greindu, myndarlegu konu með fallegu skoðanirnar, er með ólíkindum og bannað börnum.  Allir 18 ára og yngri hætti að lesa HÉR.

"Hún á að vera svo leiðinleg og kann ekki að reikna þessi kerlingarbeygla".

Þá spyr ég sjálfstæðismenn:

1.  Þið unnuð með Halldóri Ásgrímssyni í langan tíma.  Það kom víst ekki fyrir mig að heyra hann segja eitthvað skemmtilegt, allan þennan tíma.  Hann hlýtur samt að hafa verið mjög skemmtilegur því það er skv. ykkar áróðri nauðsynlegt til að geta stjórnað Íslandi.  Endilega kommentið skemmtilegar og hnyttnar sögur frá honum.

2.  Það þarf að vera góður í reikningi til að eiga erindi á þing, eðlilega.  Er Áddni Jónss mjög sleipur í þeim fræðum ?  Var hann kannski búinn að reikna það út að ef hann stæli X upphæð og ynni svo við grjóthögg í dálítinn tíma, gæti hann eftir það, með ykkar hjálp, smellt sér aftur á þing ? 

3.  Kerlingarbeygla.   Ég svara nú bara í sömu mynt;  KARLSKARFAR.

Ahhhhhhh..... nú líður mér betur og get væntanlega sofið eins og ungabarn í nótt.

Athugasemdir

[Gillí (IP-tala skráð) 24.4.2007 kl. 10:25]

Er þetta virkilega svona??? Aumingja litlu Dabbadrengir er sjálfstraustið ekki meira en þetta. Þola ekki sterkar konur og málefnalegan málflutning....ætli þeir séu orðnir eitthvað hræddir núna. Framsókn að þurkkast út og enginn vill vera vinur þeirra.  Ein spurning...ætlar Samfylkingin að afnema tekjutengingu örorku- og ellilífeyris?  Fæ 10.000 á mánuði fyrir utan skatt í örorkubætur út árið...vá ég verð rík...loksins.  Fer á hausinn í september og skríð undir sæng og passa mig að drepast sem fyrst.....það er ódýrara.

[Anna Einarsdóttir, 24.4.2007 kl. 10:30]

Já Gillí..... það er forgangsmál hjá Samfylkingunni.  Afnema tekjutengingu og lækka skatt af lífeyrissparnaði í 10% ........ enda hver er munurinn á sparnaði og lífeyrissparnaði ?

Vá !  Tíuþúsundkall.  Það er aldeilis hlaðið undir þig stelpa.

[Arnfinnur Bragason, 24.4.2007 kl. 11:43]

Fyrir mér máttu sparka duglega í Dabbadrengina og það á þeirra viðkvæmusta stað, ekki græt ég það, hinsvegar skil ég ekkert í að þú skulir ekki sjá húmorinn hjá Dóra!!