Hann stakk mig af.

2.9.2007 | 11:09

Í gærkvöldi fór ég á Ljósanótt, eins og 39.999 aðrir. Fór ein með sjálfri mér. Af tónleikunum fannst mér þrír flytjendur mjög góðir...... Ljótu hálfvitarnir....... hljómsveit sem ég kæmist aldrei í, þar sem ég er hvorki ljót né hálfviti.......Jógvan og svo súperstjarnan Garðar Thor Cortes. Hann er ótrúlega góður....alveg megagóður. Reyndar varð ég fyrir truflun þegar hann var að syngja. Fullorðinn maður kom og tók sér stöðu rétt hjá mér. Ég tók eftir því að hann hélt um höfuðið og var að spá í hvort hann væri meiddur eða eitthvað. Síðan fór hann að baða út öllum öngum. Hann stjórnaði Garðari á köflum, klappaði saman höndunum, setti hendurnar upp eins og hann væri að ákalla himininn og svo brást það ekki að þegar hæstu tónarnir komu frá herra Cortes, þá greip maðurinn um höfuð sér..... svona eins og hann væri að reyna að ýta tónunum inn í kollinn...... því hærri tónar, því fastar þrýsti hann á hausinn. Svo mikið handapat var um tíma á manninum að ég þurfti að færa mig, til að verða ekki lamin. Þessi maður truflaði semsagt mig og alla aðra í kringum sig...... en samt var ekki annað hægt en að brosa. Þvílík innlifun.

Klukkan hálfeitt, ákvað ég að nóg væri komið. Fór í bílinn og hugsaði með mér að heimkoma yrði um tvöleytið. Það fór þó ekki svo. Um tvöleytið var ég við Grindavíkurafleggjara.... fjúff..... einnoghálfan tíma að keyra smáspöl. Á Reykjanesbrautinni keyrði ég fram hjá gangandi vegfaranda, strák, sem virtist ætla að ganga til Reykjavíkur. Svo hugsaði ég ekki meira um það...... nema 7-8 mínútum síðar, arkar strákur framúr mér........ og hverfur. Það tók mig heilar 5 mínútur að ná honum aftur !

Flokkur: Spil og leikir | Facebook

Athugasemdir

Ég fór strax á youtube og leitaði af honum Garðari... frábær! Gæsahúð

Gunnar Helgi Eysteinsson, 2.9.2007 kl. 11:16

... úpps svona bílaraðir geta verulega farið í urgið á manni... þú ert þó komin heim Anna... og það er fyrir öllu

Brattur, 2.9.2007 kl. 12:00

..og bauðstu honum ekki far?

STRÁKAR ATHUGIÐ! Anna ætlar að vera með opið hús í kvöld.. þeir sem vilja koma og berja fríðindin augum eru vinsamlega beðnir um að mæta..

Björg F (IP-tala skráð) 2.9.2007 kl. 13:11

Ógeðslega ósammála. Leiðist hann afskaplega mikið.

Þröstur Unnar, 2.9.2007 kl. 13:12

Þröstur minn þú ert eitthvað svo upp á móti undanfarið.. einhver sérstök ANNA-rleg ástæða?

Björg F (IP-tala skráð) 2.9.2007 kl. 13:15

Nei Björg, ekkert Önnulegt. Bara málefnin.

Þröstur Unnar, 2.9.2007 kl. 13:45

Bjarndís Helena Mitchell, 2.9.2007 kl. 13:54

....sona sona

Marta B Helgadóttir, 2.9.2007 kl. 18:01

Garðar er frábær söngvari.

Marta B Helgadóttir, 2.9.2007 kl. 18:02

hann hefði aldrei þegið far þar sem hann var fljótari að skokka í bæinn. en gott anna að þú náðir honum aftur...

svo þýðir ekki að segja opið hús. það eru skrilljón hús út um allar trissur.

arnar valgeirsson, 2.9.2007 kl. 18:08

Hahahaha....... það er svo gaman að ykkur.

Þröstur minn..... ýttu á jákvæðnistakkann og kveiktu..... hann er á enninu.

Björg vinkona... ekki örvænta fyrir mína hönd.... ég geng út, fyrr en síðar, og það fá færri en vilja.

Annars knús á línuna........

Anna Einarsdóttir, 2.9.2007 kl. 18:23

Búinn að kveikja, Cortes ekkert betri fyrir það. En Björg er alltaf að batna.

Þröstur Unnar, 2.9.2007 kl. 19:18

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.