Steinríkur er smáhneta.

 

Hér áður fyrr var ég skrifstofublók.  Sat á skrifstofustólnum mínum allan daginn og gerði ekki handtak í orðsins fyllstu merkingu.  Pikkaði bara inn og hugsaði dálítið.

Síðan venti ég mínu kvæði í kross - snarsneri mínu ljóði við - og vann mig niður í verslunarstarf.  Ykkur að segja er miklu auðveldara að vinna sig niður en að vinna sig upp.    Nú sé ég um að fylla á grænmetistorg með tilheyrandi burði og göngu.  Það eru ekki allir sem fá greitt fyrir að stunda líkamsrækt. 

Í morgun fór ég að spá í hvað ég lyfti mörgum kílóum á viku.  Daglega tek ég af stóru bretti af grænmeti og ávöxtum,  fæ nokkur hundruð kíló af kartöflum og rófum vikulega og síðan ber ég allt dótaríið fram í torg og fylli þar á.  Lauslega áætlað reiknast mér til að ég lyfti um 3 tonnum vikulega. 

Ég er næstum því satt að segja farin að ganga með hendurnar hálfan meter frá skrokk vegna umfangs allra nýju vöðvana.  Þarf meira að segja að skáskjóta mér inn um dyr. 

.

 

.        Steinríkur er "pínöts" við hliðina á mér.

 

 

 

 

 

 

 

Nú, þar sem ég vil ekkert vera að misnota þessa síðu og grobba mig, ætla ég að sleppa því að minnast á alla hlutina sem ég hef brotið og bramlað vegna minna óbeisluðu krafta undanfarið og láta hér staðar numið með einu frumsömdu kvæði í kross;

.

.

Þrjú tonn af grænmeti,

Anna fær nóg

aaaaf kálhausum

já heilan skóg.   

.

Athugasemdir

[sæa (IP-tala skráð) 6.12.2008 kl. 17:26]

HAHAHAhehe!!! ætla að taka eftir því á mánudaginn hvort handleggirnir hafi ekki lengst soldið, annars áttu hrós skilið mín kæra,alltaf gaman að geta gefið smá hrós,, það er of rólegt hinu megin við glerið svo maður tekur eftir hehe. Takk fyrir að vera þú,alltaf hressandi að stelast inn á bloggið þitt. Kveðja.

[Bergljót Hreinsdóttir, 6.12.2008 kl. 19:50]

[kop, 6.12.2008 kl. 19:52]

Þetta er alveg öfugt við það sem ég gerði, eftir að hafa unnið líkamlega vinnu í ca. 25 ár ákvað ég að snúa mínu kvæði í kross. Nú vinn ég bara þægilega vinnu og mun gera hér eftir.

Held bara kroppnum í formi með að éta grænmeti í staðinn fyrir að lyfta því.

[Íris Guðmundsdóttir, 6.12.2008 kl. 22:52]

haj mamma Eg var ad gera al islenskt skinkusalat sem heppnadist rosalega vel
Gaeti bara komid heim sem alger kokkur annars alltaf frekar upptekin her endilega lattu mig vita tegar tu faerd jolagjafirnar knus a tig

[Birna Dis Vilbertsdóttir (IP-tala skráð) 7.12.2008 kl. 11:16]

[Anna Einarsdóttir, 7.12.2008 kl. 11:36]

Jess Íris, ég læt þig pottþétt vita þegar gjafirnar koma.   Úúúúú ég er orðin spennt.    Merkilegt að þú lærir mest í íslenskri matseld í Bandaríkjunum.    Kannski held ég áfram að skrifa þér og senda uppskriftir eftir að þú ert komin heim..... sendi þá bréf í næsta herbergi.  Ég gæti jafnvel borið það sjálf út. 

Love you.