nyttlydveldi.is

24.1.2009 | 11:47

Mig langar að benda á síðuna www.nyttlydveldi.is

Þar stendur m.a.

"Fólkið í landinu þráir nýtt upphaf og nýjar leikreglur ásamt endurreisn þeirra gilda sem þjóðin hefur um aldir lagt rækt við, gilda á borð við heiðarleika, samvinnu, ábyrgð og jöfnuð".

"Íslensk stjórnvöld brugðust þeirri skyldu að gæta hagsmuna þjóðarinnar. Endanlega ábyrgð á hruninu bera ríkisstjórn og Alþingi. Þess vegna er íslenska lýðveldið í raun dautt. Og öllum má vera ljóst, að stjórnvöld sem hafa brugðist svo hrapallega, geta hvorki rannsakað eða hreinsað til í fortíðinni né varðað veg til framtíðar, enda hafa þau hvorki til þess traust né fylgi – og enga framtíðarsýn".

Nýtt lýðveldi leggur fram áskorun til ráðamanna þessa lands um að stofna neyðarstjórn sem á að standa fyrir rannsókn og uppgjöri í kjölfar efnahagshrunsins – og nauðsynlegri hreinsun í ákveðnum stofnunum, svo sem Seðlabanka og Fjármálaeftirlitinu sem og að semja algerlega nýja stjórnarskrá.

Neyðarstjórnin mun sitja til bráðabirgða. Þetta er í raun áskorun til Íslendinga um endurheimt lýðræðis með algerlega nýjum og breyttum leikreglum.

Stjórnvöld keyrðu okkur ofan í forarpytt. Ef við viljum komast upp úr honum þurfum við nýjan bílstjóra. Ella hjökkum við í sama farinu.

Ég hef þegar skrifað undir þessa áskorun.

Flokkur: Mannréttindi | Facebook

Athugasemdir

Það hef ég líka gert.

ÁFRAM ÍSLAND!

Ingibjörg Friðriksdóttir, 24.1.2009 kl. 11:56

Ég líka.

Hrönn Sigurðardóttir, 24.1.2009 kl. 12:31

Gjört.

Einar Indriðason, 24.1.2009 kl. 12:42

Ég skrifa undir ;)

Aprílrós, 24.1.2009 kl. 14:19

Stend með ykkur, skrifa undir.

kop, 24.1.2009 kl. 16:00

Það var rosalega gaman að hitta ykkur þarna í dag! Ég hefði aldrei þekkt ykkur því eins og ég segi ég er svona fjöldafötluð.........

Mögnuð mótmæli! Lifi búsáhaldabyltingin!!

Hrönn Sigurðardóttir, 24.1.2009 kl. 19:47

Argh! Ég missti af ykkur öllum! var samt ca. 10 metra suð-austan við Jón sjálfan. Innan um hinar milljónirnar....

Einar Indriðason, 24.1.2009 kl. 20:18

Einar!! Hlusta!! VESTAN við Jón. VESTAN!! Saknaði þín samt þrátt fyrir að þú sért svona áttavilltur.

Hrönn Sigurðardóttir, 24.1.2009 kl. 20:54

Ég komst ekki innar á völlinn... of mikið af fólki þar.....

(Hrönn! Hlusta! Milljónir af fólki!

Einar Indriðason, 25.1.2009 kl. 02:08

Það var nú ekkert auðvelt að finna Hrönn. Ég stóð í þeirri trú að hún væri vestan við Jón Sigurðsson styttu...... þegar hún í raun stóð vestan við Jón nokkurn Kristjánsson fisksala sem ég þekki ekki neitt !

Anna Einarsdóttir, 25.1.2009 kl. 11:51

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.