Laufskálarétt

1.4.2007 | 22:41

Fyrir þá sem ekki vita, upplýsist hér með að Laufskálarétt er toppurinn á tilverunni. Þá er dansað og sungið og spjallað og sötraður bjór og auðvitað smalað og dregið í dilka. Undanfarin ár hef ég dregið systur mína með mér á þessa samkomu. Síðasta haust var engin undantekning hvað skemmtanagildi varðaði. Þegar við höfðum haft það BARA gaman alla helgina og vorum í söluskálanum á Blönduósi í bakaleiðinni að fá okkur snæðing sagði systir mín mér dálítið. Á dansleiknum kvöldið áður kom til hennar maður nokkur á áttræðisaldri. Hann hallaði sér fram og sagði við hana "Ert þú úr sveit"? Það var hávaði þarna svo hún sagði nokkuð hátt JÁ og brosti til hans. Þá hallaði karl sér fram og ætlaði að kyssa hana. Henni brá vitanlega og sagði "Hvað ertu að gera maður"!! "Nú, þú vildir koma í sleik". Ég var með munninn fullan af hamborgara þegar hún sagði mér þetta og ég var næstum því dáin... rétt köfnuð úr hlátri og hamborgara. Það var auðvitað ekki nokkur tími fyrir karlinn, háaldraðan, að vera eitthvað að dansa við hana fyrst og reyna við hana. Bara að koma sér beint að efninu. Hann sagði semsagt "Viltu koma í sleik".

Flokkur: Spil og leikir | Facebook

Athugasemdir

Þessi var góður!

Þetta er gott innlegg í ritgerðina mína um ellina sem ég er að vinna að núna þessa dagana!

Knús

Helga Björk Bjarnadóttir (IP-tala skráð) 2.4.2007 kl. 14:26

hehe, hæ Anna mín! Vildi þakka þér fyrir framtakið og frábærlega skemmtileg skrif, með húmorinn í lagi og góður penni í bónus! Hlýtur að ganga út hvað og hverju, þeas ef íslenskir karlmenn sem kunna að lesa og hafa vit á gæðum og húmor, rata inn á síðuna þína!

Held áfram að líta við og hver veit nema okkur tekst að druslast á djammið með Hröbbu eins og svo lengi hefur staðið til??!! Kær kveðja, Susý

Susan (IP-tala skráð) 2.4.2007 kl. 17:23

Mörg tökk fyrir það Susý. Jú, nú förum við að gera eitthvað í skemmtanamálunum, þasso gaman. Hlakka bara helling til.

Anna Einarsdóttir, 2.4.2007 kl. 18:06

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.