Bætt þjónusta - betra blogg.

 

Það er mér mikil ánægja að tilkynna ykkur stagbætta þjónustu......

.

Ef þið opnið bloggið mitt í vinnunni ykkar... sem mig grunar að þið stelist til...  ... þá hefur hingað til staðið "Bull dagsins" á flipanum... sem þið skjótið niður þegar vinnuveitandinn gengur framhjá... og þar með kemst upp um ykkur óþekktarormarnir ykkar !

. 

Nú er þetta smáatriði komið í lag og framvegis stendur "Windows Live Coolmail" á flipanum....

. 

 

Allt í blóma... segir sú fróma.

 

Blómin eru þvílíkt flott þessa dagana ! 

.

Lengi vel hélt ég að grænir fingur væru bara á öðru fólki.... en þrátt fyrir að ég sé að drepast úr hógværð,  þá er ekki annað hægt en að deila með ykkur þessum undrum veraldar... sem koma bara beint upp úr moldinni heima hjá mér.  Leyndarmálið á bakvið þessi dásamlegu plöntur,  er að ég tala við blómin. 

.

Látum blómin tala...er fræg setning úr auglýsingu... ég held að mér sé alveg að takast það. 

.

.

  

.

 

 

Auglýsing.

 

Um helgina naut ég afar góðra veitinga frá veitingastaðnum  Red Chili  .....sem staðsett er að Laugavegi 176, við hliðina á Heklu.

.

Á boðstólum var m.a;

.

Burritos með kjúkling
Quesadillas (Kesadías)
Kjúklingavængir í BBQ Hotsósu
Kjúklingspjót
Nautaspjót
Djúpsteiktar rækur í orly
.

smjatt smjatt slurp. 

.

Arnfinnur, vinur minn,  fær nokkrar stjörnur fyrir þennan gómsæta mat.

.

Tilvalið að panta í partýin og saumaklúbbana.... já eða bara ef þú nennir ekki að elda. 

 

Tárin hrynja sem foss.

 

Á skákmótinu, gaf Brattur, vinur minn, mér geisladisk með lagi, sem nú er komið í spilarann.

Þetta er sko uppáhaldslagið mitt !      Takk takk Brattur. 

.

Lag:  Brattur

Texti:  Anna Einarsdóttir

Útsetning:  Johnny King

.

Tárin hrynja sem foss. 

.

 

Senn dimmir hér skerinu á

og svanirnir fljúga á brott

Króknuð og köld verður þá

kinn mín, það er ekki gott

.

Ég engan get yljað mér við

er alein með ískaldar tær

Í hjarta mér hef engan frið

hjálpið mér, komið þið nær

.

Ég sakna, það nær engri átt

ég man enn þinn síðasta koss

Ég titra og tala svo fátt

og tárin hrynja sem foss

Spurning sunnudagsins.

.

.

Ætli ábótar fái sér alltaf ábót ?   

.

.

Skýrsla stjórnar.

 

Skákmótið fór fram í gær....

Það er ekki orðum aukið, að ég hef sjaldan skemmt mér jafnvel á ævinni. 

.

Það tilkynnist hér með að Ægir er skákmeistarinn 2007.

Hann sigraði allar sínar skákir, enda á heimavelli strákurinn.  Til hamingju Ægir. 

.

Af því að þetta er mín síða, ætla ég að gera hér grein fyrir óvæntum ósigrum mínum.

Ægir sigraði mig eins og áður sagði.  Það var svo sem allt í lagi, þar sem ég tefldi á útivelli... og hann vann alla hina líka.

.

Það var sýnu verra að Arnfinnur vann mig.    Skelfileg mistök !

Arnfinnur er sveitastrákur.  Haustið hefur greinilega mikil áhrif á hann, því hann tefldi eins og hann væri í miðri sláturtíð.   Hann óð um skákborðið og slátraði öllu sem fyrir varð.  Ég, í sjálfsvörn, reyndi að drepa hans menn...... og tókst, nema hann, með sjónhverfingum, gat laumað þremur peðum sínum inn á borðið í endastöðunni.  Svo beið hann bara þangað til eitt peðið óx og varð að fullvaxta drottningu. 

Arnfinnur ruddi !

.

Í fimm skákum virkuðu "klukkutöfrabrögðin" og ég knúði fram sigur. 

.

Svo votta ég hér með að Kristjana, Ingibjörg, Ægir, Arnfinnur, Brattur, Edda, Björg og Halldór eru allt öðlingsfólk og húmoristar af lífi og sál....... sem hrekur þá kenningu, að fólk sem maður kynnist í gegnum tölvu sé allt PERRAR. 

.

 

Anna litla létt á fæti.

 

Bjarni, æskuvinur minn var að senda mér myndir sem gleðja verulega mitt litla hjarta.

Takk fyrir kærlega, Bjarni. 

Á fyrri myndinni erum við í fótbolta, Bjarni, Benni bróðir hans og ég.   Þarf ég að útskýra það ?

.

Eins og glögglega sést, er ég að fara að skora þarna, þrátt fyrir að Bjarni sé að reyna að sparka í rassinn á mér.  Benni er um það bil að flækja sig í sjálfum sér á þessu augnabliki.  1-0 fyrir mig.   

.

 

.

Á næstu mynd eru Bjarni Þór (með köttinn) og Benni að róla sér.  Við Bjarni sitjum þarna með fótboltann á milli okkar.  Ég greinilega nýbúin að sigra... sést á svipnum.  Við hliðina á Bjarna er Pési hundur, þar næst Helga systir og svo Júlíana.  Takið eftir skyrtunni, bleiku sem ég er í..... það voru örugglega 36 tölur á henni,, tók mig fram undir hádegi að klæða mig í.  Þarna erum við hjá rólunum sem ég vitnaði í, í síðustu færslu....... og þessi mynd er tekin eftir vegasaltstilraunina. 

.

Allir út að leika.

 

Á árunum 1975-1978 var blómlegt félagslíf í sveitinni heima.  Sæmundur útibússtjóri sá um að halda skákmót reglulega.  Hann var líka duglegur að fara í leiki og fótbolta við okkur krakkana.  Pabbi og Sæmundur settu upp rólur og vegasölt fyrir okkur.  Við vorum orðin býsna sleip í rólustökki, bæði afturábak og áfram og vegasaltið var reynt til hins ýtrasta.  Það loddi við okkur krakkana að við vorum alltaf tilbúin í tilraunastarfsemi ýmiskonar.  Ein tilraunin okkar fólst í athugun á því hversu margir gætu vegað salt í einu.  Niðurstaðan var 7 í einu.  Vegasaltið brotnaði nefnilega þegar við vorum orðin 8.

.

Þorgeir bróðir gerði líka hávísindalega tilraun með leikföng.  Þannig var að við fengum dýr í jólagjöf eitt árið.... hann fékk hund og ég fékk kött, hvorutveggja úr hörðu gúmmíefni.  Þorgeir vildi ólmur athuga hvort þetta væri eldfimt efni.  Hann setti því köttinn minn á ruslabrennu föður okkar og þar brann kötturinn MINN til ösku.   Þorgeir passaði vel að hundurinn HANS kæmi ekki nálægt eldi eftir þetta.

Annars höfum við ekki rifist, bróðir minn og ég, í 32 ár.    Toppiði það !

.

 Á Breiðabliki var spilað blak einu sinni  í viku.  Þar voru bæði rígfullorðnir menn og krakkar allt niður í 10 ára…. allir saman... og það var svo gaman.     Milli jóla og nýárs var spiluð félagsvist og þar mættu nær allir úr sveitinni.  Þar voru vinningslíkur Halldórs frænda og mín um 75%, sem er umtalsvert betra en í happadrættum nútímans.   Okkur fannst verst þegar við unnum sængurverasett í stíl...... að við skyldum ekki geta notað þau saman.  Erum of skyld sko. 

.

Heima voru um tíma stundaðar söngæfingar.  Þar spilaði pabbi á nikkuna og þrenn hjón úr hreppnum komu og sungu.  Þetta var hin besta skemmtun fyrir okkur krakkana sem lágum í dyragættinni,  því Kjartan söng af svo mikilli innlifun… með öllu andlitinu.. að okkur fannst hrein unun á að horfa.  Ég er ekkert að segja frá því hér, að við hlupum svo reglulega inn á klósett og hlógum okkur máttlaus.  Guð, hvað þetta gat verið fyndið.   (nú braut ég regluna um að særa ekki nokkurn mann með bullinu ... en hver er svosem fullkominn ?).

.

Síðan verð ég bara að minnast á “Stundina okkar” á sunnudögum, fyrst ég er að rifja upp.  Mínar uppáhaldspersónur þar voru Rannveig og Krummi.  Ohhh…. Þau voru svooo skemmtileg ! 

.

Mínar bestu æskuminningar tengjast semsagt leik við fólk á öllum aldri.  Í nútímanum eru vissulega nokkrar fjölskyldur sem fara í leiki með börnunum sínum……. en ansi er ég hrædd um að það sé fátítt, og þá bara úti í garði eða á ættarmótum. 

.

Mottó dagsins..... LEIKUM OKKUR MEIRA. 

Snæfellsnesið.

 

Árið er 1981.  Unglingarnir í sveitinni fara á öll sveitaböll.  Það er sniðugt kerfi í gangi.... ball á Lýsuhóli þessa helgi, í Ólafsvík þá næstu, því næst á Breiðabliki og svo koll af kolli.  Alltaf dansleikur einhvers staðar.  Hljómsveitin Tíbrá frá Akranesi vinsælust.

Ég klæði mig upp og fer á ball á Breiðabliki.  Er ekki byrjuð að mála mig á þessum tíma.  Það gerist löngu síðar.  Á Breiðabliki er fatahengið staðsett beint á móti innganginum.  Þegar ég geng inn á ballið hitti ég stráka í anddyrinu.  Þeir ákveða að hrekkja mig.  Þeir lyfta mér upp, troða herðatré innanundir jakkann minn og hengja mig upp í fatahenginu.  Ég blasi við öllum sem koma inn. 

Þarna hangi ég og get ekki annað... í hálftíma....með hendurnar út í loftið....eins og ASNI.  

Prófið að hengja ykkur svona upp.  Maður verður gjörsneiddur öllum virðuleika.

.

.

Myndasyrpa.

.

 

  

.

.

.

 

.