Hef ekki bloggað lengi.

 

Var í vinnunni.

 

Ég er svo heppin að hafa nóg að gera.

Þessi er ekki jafnheppinn: 

 

 

Misheyrn.

 

Páll Óskar er duglegur að gefa út diskólög.  

Rétt áðan var verið að spila, að ég held, nýjasta lagið hans á Bylgjunni;

♫♫♪♫  Það get´ekk´allir verið gorgeus - það get´ekki allir verið það  ♪♪♫♫♪

Ég segi við bóndann að mér finnist þetta með skárri lögum Palla en ég er ekkert sérstakur aðdáandi diskólaga í það heila.

Hvaða lag er það, spyr bóndi minn.

"Það geta ekki allir verið gorgeus" svara ég.

Ó segir þá bóndi minn........ég hélt að hann syngi  ♫♫  Það get´ ekk´ allir verið Þorbjörn ♪♫.

.

.

Mér finnst texti bónda míns betri. 

Þvílíkt barn !

 

Oftast nenni ég ekki að horfa á margmiðlunarefni en þetta myndband er einstakt.   

Drengurinn,  Ethan Bortnick er sex ára gamall og hann er tær snillingur.    

.

 

 

.

Susan Boyle.

 

Líklega eru einhverjir búnir að sjá brot af Susan Boyle í sjónvarpinu en það er heilög skylda okkar að hlusta á hana frá upphafi til enda.  Mér fannst ég nánast upplifa eitthvað yfirnáttúrulegt.

Gæsahúð, gæsahúð, gæsahúð !

.

http://www.youtube.com/watch?v=RxPZh4AnWyk 

.

Einhverra hluta vegna næ ég ekki að setja myndbandið sjálft inn en set linkinn. 

.

Stal þessu frá Steingrími.

 

Fyrst ég er farin að hegða mér ósæmilega með því að gleðjast yfir óförum annarra, ætla ég að STELA þessu myndbandi frá Steingrími bloggvini mínum.  Því eins og maður segir í bridge;  "Það er engin meðalmennska í gangi..... annaðhvort toppur eða botn". 

Og ég er hvort eð er komin á botninn. 

.

 

.

Fimm mínútna frægð.

 

Það var árið 1976.

Tíu á toppnum var minn uppáhalds útvarpsþáttur.

Þá voru spiluð öll flottustu lögin og við krakkarnir sátum tilbúin með segulbandið og tókum upp.

Lög eins og Love hurts. 

Og síðan var hlustað og ímyndunaraflið lék lausum hala.

Hvernig ætli sé að vera ástfangin ?

Mikið hlýtur ástarsorg að vera sár.  Allavega ef hlustað er á rödd söngvara Nazareth. 

.

 

.

En aftur að efninu áður en ég fer að skæla;

.

Þátturinn Tíu á toppnum endaði síðan alltaf með getraun.

Litla sveitastelpan ég var strax á þessum árum komin með keppnisskap.

Auðvitað sendi ég því bréf eftir hvern þátt með svarinu við spurningu þáttarins.

Og það ótrúlegasta gerðist !

Ég vann. 

Nafnið mitt var lesið upp í útvarpinu og Anna Einarsdóttir varð fræg. 

Á þessum tíma var bara ein stöð svo það voru ALLIR AÐ HLUSTA.

Í verðlaun fékk ég 45 snúninga plötu með Roger Whittaker.

Hún var brotin þegar pósturinn kom með hana. 

.

 

.