Bloggfærslur mánaðarins, september 2008

Það var SAMT kleinubragð af kleinunum.

 

Nennið er horfið.  Gasp

Ég hef ekki nennt að blogga.  Kannski ekki skrýtið þar sem ég vinn á tveimur vinnustöðum þessa dagana og er þess á milli auðvitað hin besta húsmóðir.  Cool  Var ég búin að segja að ég gerði kleinur um daginn ?  Úúú..... þær heppnuðust allvel miðað við fyrsta kleinubakstur.  Fór enda alveg eftir uppskriftinni.  Á handskrifaðri uppskriftinni stóð 1 2 tsk. kardimommudropar.  Ég horfði á þetta og velti því fyrir mér hvort verið væri að meina hálfa teskeið eða eina til tvær ?  Setti svo eina og hálfa teskeið eftir djúpa íhugun.  Vinnufélögum fannst kleinurnar góðar en þó heldur bragðlausar.  Þær spurðu hversu marga dropa ég hefði sett í deigið sem var 2 kíló.  Mér skilst eftirá að þarna hafi staðið tólf teskeiðar.  Blush  Ég get þó svarið að ég fann kleinubragð af kleinunum.

.

of=50,590,393

.

Katla Gustavsberg köttur er nýbúin að læra að fara út og inn og út og inn og svo aftur út og það er nú rétt hægt að gera sér í hugarlund hversu mikill tími fer í að opna hurðina.  Pinch   Mér líður eins og ég sé sjálfvirkur svalahurðaropnari.  FootinMouth

Ég forðast að hugsa um stjórnmál þessa dagana þar sem ég vil helst vera í góðu skapi.  Wink

Mikið er ég samt ánægð að eiga hæfilega lítið af peningum.  Þá þarf ég engar áhyggjur að hafa af því hvort bankar fari á kollinn.  Ég er sko alltaf að græða.  Joyful 

Allir í fjölskyldunni dafna vel og njóta sín. 

Ég er hamingjusöm í kreppunni.  Happy


Hvaða dýr er öðruvísi og er með eitthvað sem langflestir nota ?

 

Og svarið við gátunni er ......... Blush ......... þessi hani !   Hann er með greiðu. 

.

dare%20to%20be%20different1 

.


Ég er letidýr.

.

3%20lazy%20polar%20bears 

.

lazy_cat 

.

lazy-squirrel 

.

En eftir mikla pressu frá sjálfri mér, þar sem fortölum og úrtölum var beitt ásamt þvingu og plankastrekkjara,  kemur hér ein gáta;

 

Hvaða dýr er öðruvísi og er með eitthvað sem langflestir nota ?

Dýrin á myndunum eru alveg ótengd gátunni.  Wink


Kötturinn er eins og íslenskt húsnæðislán.

 

Þessi mynd er tekin fyrir hálfu ári.  Hrafnkatla Gustavsberg ofurkrútt. 

.

kisix 

.

EN .....  Errm ......... hún borðar of mikið.  Crying

Í dag nær hún alveg upp í loft.  Sagt og skrifað;  upp í loft !

 

 

.

kisi 

.

Hrafnkatla fer til dýralæknis í næstu viku.  Ég held hún sé með verðbólguna.  FootinMouth

.


Ég skora á Símann !

 

Mikið mega þeir sem stóðu að söfnun fyrir Mænuskaðastofnun Íslands, vera stoltir af bæði góðu sjónvarpsefni og alveg frábærum árangri.

-----------

EN.... það er eitt sem skyggir á gleðina yfir glæsilegri söfnun;

Hverjum einasta þeirra sem hringdi inn framlag er gert að greiða 79 krónur til Símans.

Þjónustugjald kalla þeir þessa sjálftöku.

Eigum við að giska á að 15.000 manns hafi hringt inn ?

Þá er Síminn að græða 1.185.000 krónur sem þeir hefðu aldrei fengið nema vegna þess að til er fólk með mænuskaða.  Mér finnst ekki fallegt að græða á þennan hátt.

.

Ég skora á Símann að láta Mænuskaðastofnun Íslands fá alla þá peninga sem þeir tóku í þjónustugjald vegna þessarar söfnunar. 

.

2007-12-05-chatter%20telephone 

.

Ég er viss um að Síminn er góður og ég mun fylgjast með fréttatilkynningu þess efnis.  Whistling

 


Man einhver eftir þessum bókum ?

 

 

Image0016

.

Alveg gat ég setið tímunum saman þegar ég var barn og skoðað myndirnar í Perlubókunum.  Það eru allir svo hamingjusamir og góðir á myndunum.  InLove

.

Image0015

.

Image0014

.

 


Er eðlilegt að kjararáð sé skipað af þeim hinum sömu og þeir síðan ákvarða laun fyrir ?

 

Þetta er pólitíski dagurinn minn í þessum mánuði. Cool   Vonandi sá eini.

Hér er frétt sem vakti athygli mína. 

"Kjararáð ákvað í lok ágúst að hækka laun forseta Íslands, alþingismanna, ráðherra, hæstaréttardómara og héraðsdómara um 20.300 kr." 

og í lok fréttarinnar;

 "Kjararáð er skipað fimm ráðsmönnum og fimm til vara. Þrír eru kosnir af Alþingi, Hæstiréttur skipar einn og fjármálaráðherra einn.

Ok, leggjum nú saman tvo og tvo.  FootinMouth  Kjararáð ákvarðar laun fyrir "vinnuveitanda" sinn.  M.ö.o.  ef Kjararáð skammtar naumt, er það í hendi launþeganna (alþingismanna, hæstarréttar.....)  að velja nýja aðila í Kjararáð til að ákvarða launin næst.

Nú er ég ekki að ýja að því að Kjararáð starfi ekki heiðarlega.  Mér finnst bara með ólíkindum að þetta ráð sé skipað af sömu aðilum og ráðið á síðan að fjalla um.

Gefum okkur að Kjararáð sé vel launað.  (sem ég hef ekki hugmynd um)  Þá hefur ráðið hagsmuni af því að hækka laun "vinnuveitanda" sinna nógu mikið til að "vinnuveitendurnir" séu ánægðir með ráðið og ráðið haldi þá stöðu sinni til að þéna áfram góð laun.

Jahérna.  Shocking  


mbl.is Laun æðstu embættismanna hækkuð
Tilkynna um óviðeigandi tengingu við frétt

Tapa á daginn og elda inni á kvöldin.

 

Stundum rekst ég á fólk sem hugsar í peningaseðlum.  Þá meina ég að viðkomandi hegða sér og tala þannig, að peningar séu það sem málið snýst um.  Lífshamingjan í öllu sínu veldi.  Sideways

.

money_bath[1] 

.

Nú verð ég að viðurkenna að ég vorkenni þessu fólki smávegis.  Hvaða líkur eru á að svona þenkjandi persónur finni almennilega hamingju ?   Afar litlar... og nú þegar krónan er að verða verðlaus, fer vonin um hamingju peningamanna enn þverrandi.

Talandi um peningahyggju, dettur mér í hug að Sjálfstæðismenn hljóti að vera hálf niðurlútir þessa dagana.  Þeir vilja jú helst græða á daginn og grilla á kvöldin..... en í þessari niðursveiflu efnahagskerfisins í bland við rok og rigningu,  eru þeir væntanlega að tapa á daginn og elda inni á kvöldin.   Eymd er þetta.  Frown   Ég er líka ekki frá því að Sjálfstæðismönnum fari fækkandi þessa dagana.  Það er lítið töff að viðurkenna að efnahagur landsins sé kominn til helvítis, (ljótt að blóta)  m.a. vegna þeirra eigin óstjórnar.

Hvað boð skyldu nú koma frá Valhöll fyrir næstu kosningar ?  Kannski þeir segi .........

  "bannað að kjósa vinstri menn því þá fer fjárhagur landans til fjandans."  Woundering

.

Nei, þá spring ég úr hlátri.  LoL


Veðurspá.

 

Í nótt verður hávaðarok og grenjandi rigning.  Og krakkar, muna að fara ekki út.  Happy

Vindaspá:

.

080916_1200_10 

.

Úrkomuspá:

.

080916_1200_12 

.

Innanhússspá:

.

078 

.

Anna ofsaveður. Cool   (Sbr. Siggi stormur)


Næsta síða »

Um bloggið

Sparisjóður grínista og nágrennis.

 

Anna Einarsdóttir
Anna Einarsdóttir

  

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint. 

Bankahólfið

Alltaf á Toppnum....

Heimsóknir

Flettingar

  • Í dag (19.3.): 0
  • Sl. sólarhring: 1
  • Sl. viku: 7
  • Frá upphafi: 0

Annað

  • Innlit í dag: 0
  • Innlit sl. viku: 7
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband