Ekki vissi ég þetta.

 

Jahérna.

Í fasteignablaðinu í dag er auglýst eign:  Hallakur 4b í Graðabæ.

GRAÐABÆ !

Er ég að missa af einhverju eða er þetta stafsetningarvilla ?

Ég les lengra:

"Opin og rúmgóð 3ja herbergja íbúð í viðhaldsfríu fjölbýli á góðum stað í Akralandinu í Graðabæ".

Það er ekki um að villast.  Kannski ég flytji þangað.  Gæti orðið fjör.

 

ps.  Ég veit að sum ykkar haldið að ég sé að bulla.   Kíkið bara sjálf í Fréttablaðið í dag, opnið það nákvæmlega í miðju og flettið einu sinni.  SKO !

 

Hundurinn reynir að hafa vit fyrir mér.

 

Dóttir mín fékk að gista hjá vinkonu í nótt.  Þar sem ég er í feikna formi, gekk tæpa 10 kílómetra í fyrradag, ákvað ég að ganga með henni til vinkonunnar.  Það er eins og að pissa í skóinn sinn að ganga 4 kílómetra.. pís of keik. 

Hundurinn fékk auðvitað að koma með. 

Á áfangastað kvaddi ég dótturina og lagði af stað heim aftur.  Gekk hálfa leiðina heim með hágrenjandi hund.  Vúúúúhúúúú.  Úhúúhúú.

Og ég heyrði hundinn hugsa: 

"Hvurslags móðir er hún þessi kjelling að gleyma barninu sínu í miðjum göngutúr" ?  

Lífið er leikrit.

 

Í dag skúraði ég og þreif baðherbergið.

Svo settist ég niður, opnaði bjór og horfði á fótboltaleik.

 

Svona er lífið.

Ég er bæði karlinn og konan á mínu heimili.

Mér finnst skemmtilegra að vera karlinn.

 

Staðarskáli.

Einu sinni þegar ég var að koma úr Laufskálarétt ásamt samferðafólki, stoppuðum við í Staðarskála til að fá okkur snæðing.  Þetta var á sunnudegi eftir stanslausa gleðihátíð alla helgina.  Ánægt fólk en þreytt og þvælt. 

Í matinn voru hamborgari og franskar.

Ég gekk að skenknum og náði mér í hnífapör, salt og tómatsósu.

Eins og allir vita, kemur tómatsósan sjaldnast með góðu úr flöskunum.  

Smá verkfræðikunnátta dugir...... hrista flöskuna áður en hún er opnuð og þá rennur sósan ljúflega á diskinn.

Það gerði ég þarna í Staðarskála en var á sama tíma að spjalla við ferðafélagana.  Stóð á miðju gólfi og hristi flöskuna eins og mér væri borgað fyrir það.

Skildi ekki af hverju þau æptu.

Tappinn hafði verið laus.

Salurinn leit út eins og eftir mikið blóðbað.  Ég hafði hrist alla sósuna úr flöskunni.  Það var tómatsósa á gólfi, veggjum, borðum og stólum. 

 

Úps !   

 

Staðarskáli á góðum degi.

Föstudagsgrín.

 

Nonni litli var aðeins farinn að velta fyrir sér lífinu og tilverunni og
einn daginn fór hann til pabba síns og spurði hann: "Hvað eru stjórnmál?"

Pabbi hans svaraði: "Jú sjáðu til, það er kannski best að ég útskýri það á
þennan hátt: Ég vinn fyrir fjölskyldunni og þess vegna skulum við kalla mig
Auðmagnið. Mamma þín stýrir heimilinu og ræður útgjöldunum og þess vegna
skulum við kalla hana Stjórnvöld. Við erum til þess að sinna þörfum þínum
svo við skulum kalla þig Fólkið. Við getum síðan haldið áfram og kallað
barnfóstruna Öreiga. Litla bróður þinn skulum við kalla Framtíðina.

Farðu nú og veltu þessu fyrir þér og athugaðu hvort þetta kemur ekki heim og
saman. þannig að Nonni litli fór í háttinn og hugsaði stöðugt um það sem
pabbi hans sagði honum.

Um nóttina vaknar hann upp við grátinn í bróður sínum. þegar hann kemur inn
í herbergi hans finnur hann fljótt að bleian hans er blaut og mikil fýla af
henni. Hann fer inn í svefnherbergi foreldra sinna og finnur mömmu sína
sofandi. þá fer hann að herbergi barnfóstrunnar og finnur að hurðin er læst.
Hann kíkir inn um skráargatið og sér föður sinn í rúminu með barnfóstrunni.
Að lokum gafst Nonni litli upp og fór aftur í herbergi sitt og sofnaði.

Næsta morgun segir hann við föður sinn. "Pabbi, ég held núna að ég skilji
hvað stjórnmál ganga út á." Gott segir faðirinn, segðu okkur frá því. þá
sagði Nonni litli: " Jú sjáðu til, á meðan Auðmagnið riðlast á Öreigunum er
Ríkisstjórnin steinsofandi. Fólkið er hundsað og Framtíðin er í djúpum
skít...

Gengin út.

 

Hestarnir mínir eru langflottustu hestar á Íslandi.  Annar jarpkoníaks skjóttur á lit, stór og myndarlegur en hinn móálóttur litföróttur, faxprúður.  Þeir eru báðir dálítið kenjóttir.  Ekki hrekkjóttir heldur óþekkir.  Ég hef áður deilt því með ykkur þegar þeir fóru í skítakeppni á fóðurganginum.  Laumuðust út í skjóli nætur og rústuðu hesthúsinu bara sisona. 

Hestarnir eiga að vera í haganum núna en það er ekki eins auðvelt og það hljómar - ekki þegar um mína hesta er að ræða.  Annar hefur víst ítrekað komist í kast við lögin undanfarna daga með þjóðvegarápi.  Það var þó búið að hemja hann og undi hann hag sínum ágætlega í haganum í dag.  Hinn slapp undan réttvísinni en hefur sennilega fengið slæma samvisku einhvers staðar á flóttanum því hann var á leið í kirkju þegar til hans spurðist.  Góður maður stoppaði hann af við kirkjusóknina, stakk honum í girðingu og hringdi í mig.  Ég fór eftir vinnu, mýldi klárinn og gekk af stað.  Þurfti að teyma hann tæplega 5 kílómetra.  Svo sleppti ég honum í hagann, skipaði honum að haga sér almennilega og lagði af stað heim á leið.

Ekki hvarflaði að mér annað en að fyrsti bíll myndi stoppa og bjóða mér far, svona sætri stelpu eins og mér.   Fyrst þurfti ég að vísu að koma mér niður á þjóðveg, drjúgan spöl.  Það hafðist og svo kom bíll.....og fór framhjá.  Og annar..... sem ekki stoppaði.   HALLÓ !  Hvað varð um ungmennafélagsandann ?  Ég gekk ALLA leiðina til baka.  Er þá búin að ganga 9-10 kílómetra í dag.... í hestaskóm á malbiki.   Súpervúman. 

 

Gömul sannindi og ný.....

 

Þið hafið öll heyrt máltækið......

Af bullinu braggast bjálfinn best.

 

 

Ég skil bara ekki fólk sem bullar út í eitt.

 

Æskuárin.

 

Þegar ég var lítil stelpa var ég sérstaklega heppin með leikfélaga.   Tveir strákar sem  fluttu í næsta hús við mig þegar ég var 6-7 ára.  Það var eftirminnilegt þegar sá eldri kom í heimsókn í fyrsta skiptið.  Hann bankaði og bankaði en án árangurs.  Loks gekk hann burt - án efa vonsvikinn yfir því að enginn var heima.  Við vorum samt heima.   Hann gerði bara smá mistök strákurinn.  Hann áttaði sig ekki á því að neðst á hurðinni var gat..... sem hænurnar notuðu iðulega til að fara út um.  Hænsnakofahurðin hefur bara litið nokkuð vel út í þá daga.

Hann fann svo innganginn að íbúðinni nokkru seinna.

 

 

Dóttir mín kom með þetta úr skólanum.

 

• Allir krakkarnir horfðu á kirkjuna brenna nema Hermann - það var verið að ferm'ann.
• Allir strákarnir sváfu vel í tjaldinu fyrir utan Skúla - hann var notaður sem súla.
• Allir strákarnir voru með á körfuboltamyndinni nema Bergur - hann var dvergur.
• Allar stelpurnar voru með brjóst nema Lena - hún var með spena.
• Allir krakkarnir komu með Svala í skólann nema Þór - hann kom með bjór.
• Allir krakkarnir léku saman í handbolta nema Gvendur - hann hafði engar hendur.
• Allir voru viðstaddir fæðinguna nema Víðir - hann var með hríðir.
• Allir krakkarnir komu uppúr sjónum þegar hákarlinn kom nema Linda - hún var ennþá að synda.
• Allir strákarnir áttu kærustur nema Stjáni - hann fékk þær að láni. 
• Allir krakkarnir voru hreinir nema Dóra - Nei, þetta er nú of mikið  
• Allir krakkarnir voru að leika sé með ostaskerann fyrir utan Eið - hann kom út sneið fyrir sneið.
• Allir krakkarnir voru í lúdó nema Ingó - hann var í bingó. 
• Allir strákarnir voru að dansa við stelpurnar nema Ágúst - hann var að dansa við strákúst.

 

Kona spyr sig.

 

Hvað þýðir:

"að fara á Stúfana" ?