Gera bull dagsins að upphafssíðu.

 

Það eru endalaust margar ástæður til að gera bull dagsins að upphafssíðu. 

Hér verður aðeins stiklað á stóru og teknar skoðanir örfárra;

 

 

Kári Stefánsson:  "Ja, stelpan er náttúrulega fyrirbrigði".

Jóna Jóns:  "Ég bý á Elliheimilinu Grund og mér leiðist alveg óskaplega".

Brattur:  "Hún er snillingur í Atómljóðum þessi Anna, það er ekki nokkur vafi". 

Lína Langsokkur:  "Af því að ég á flottari sokka en hún".

Hrólfur Guðmundsson:  "Þessi helv. kjelling hrósaði mér svo mikið, líka þegar ég fór á barinn".

P... vill ekki láta nafns síns getið:  "Af því að ég er skotinn í henni". 

Ljóskan:  "Mér finnst hún vitlausari en við   Klapp klapp klapp ".

Rósmundur Sólmundsson.  "Tja, sama er mér sko.  Ég á enga tölvu".

 

Þarf frekari vitnanna við ?

Yfir 100 manns komu af ýmsum annarlegum hvötum á síðuna í gær.

Ég vitna í stórsnillinginn og eðaltöffarann Svamp Sveinsson,  Kjánar ! 

 

Fló á skinni.

Sást þú uppfærsluna á "Fló á skinni" hérna um árið ?

Jahá !  Nú komst upp um þig.

Flóin sést nefnilega ekki og hvað stendur þá eftir ?

Ekkert nema bert skinnið.

Svona ertu þá.

Atómljóð frá hjartanu.

 

Mig dreymir stundum.

Dreymir að ég fái að heyra hrotur.

Hrotur manns en ekki hunds.

En hundurinn hrýtur endalaust

og þegar ég lít í spegil á morgnana

sé ég................

 

 

Bara svo það sé á kristaltæru, þá er ég ekkert klikkaðri í dag en í gær.  Var að æfa innsetningu á mynd án þess að hún næði útfyrir skjáinn og tók líka æfingu í "ekki rími" í leiðinni.  Alltaf að æfa sig, annars verður maður aldrei góður.

Hefðu nú getað rannsakað Barcelonagæjann fyrst.

 

Ja, ekki er ég vitlausust í heimi hér.   Þetta er u.þ.b. það asnalegasta sem ég hef heyrt.

Pólsk yfirvöld rannsaka hvort Stubbarnir séu samkynhneigðir

Ævintýri í Barcelona.

 

 

Árið 2005 fór ég til Barcelona.

Við systir mín lágum á ströndinni og sóluðum okkur.

Þá sá ég ofsalega fallegan mann. 

Ég sötraði bjórinn og naut þess að horfa á hann.

Eftir smástund náði ég augnsambandi.

Hann brosti.

Ég sem kann ekki að reyna við menn nema á dansgólfi, var að stíga ný skref í tilverunni.

Nokkur ótvíræð bros og blik í augum.

Ég stóð upp og gekk til hans, klædd engu nema bikiní.

Heilsaði og við tókum tal.

Þetta gekk of vel.

Langt skemmtilegt spjall,

spennandi daður.

Hann var frá Nýja Sjálandi.

Skiptumst á símanúmerum.

Þetta var nánast fullkomið

þangað til.......

 

 

kærastinn hans kom.

 

Hættu að lesa dóninn þinn, þetta er einkabréf til frænku minnar.

 

Hæ Gillí !

Ég er bara að prófa hvernig nýji flatskjárinn þinn virkar.

Ertu ekki annars búin að ofdekra þig um helgina ?

Hér er allt fínt að frétta.   

Gaman að geta sagt þér fréttir úr sveitinni þar sem allt er að gerast.

En hafðu ekki hátt um þetta.

kveðjur.

Anna.

 

 

Lost.

 

Djö.... (ljótt að blóta) endemis bull er þessi stjörnuspá.

"Maki þinn, félagi eða elskuhugi er alvara með að uppfylla óskir þínar og elskar þig eins og þú ert".

Það er ALLT vitlaust í þessu.  Málfræðivilla, stafsetningarvilla og makaleysi.

Hvernig á ég nú að vita hvað gerist á morgun og hvernig ég á að haga mér ?

Sennilega læt ég bara eins og asni. 

Skýrsla.

 

Fullt af fólki að kíkja á síðuna mína.  Kva, forvitin þið.  

Svaf hún ein ?  Stendur Svampur, Anna og börn á næsta jólakorti ?  Er Svampur ruddi ?  Sameina þau bloggsíðurnar sínar ?  Hvernig var Svampur klæddur ?

Tíst og fliss.  Segi ekki orð.

Nema að ég svaf ekki ein.   Sofnaði að vísu ein en þegar ég vaknaði var eldgamall köttur í bóli Önnu. 

 

 

 

Biðst afsökunar á þessari dónamynd af kisa.  Hann fór í fýlu og neitaði að klæða sig þegar ég sagðist ekki vilja hitta hann aftur. 

Smá játning.

 

Ummmmmm aaaaaaaaaaa gott að sofa svona.

Í nótt fékk ég mér langan bjútíblund.  Ætlunin var að reyna að græða smá fegurð því við Svampur Sveins ætlum að deita í kvöld.    Forlögin voru mér óhliðholl í nótt.  Ég vaknaði ljótari en ég sofnaði.   Og það átti ekki að vera hægt ! 

 

Núna er smá kvíðahnútur í bjórvömbinni á mér því ég gleymdi að segja Svampi krútt að myndirnar af mér eru gamlar og hrukkóttar - eins og ég.

 

Kunna ekki á ritvél þessir bloggarar.

 

Það eru komnir heilir þrír í gestabókina.  Eina metið sem ég slæ er að það hefur aldrei tekið eins langan tíma að slá met.  Það er þó eitthvað !

Takk fyrir þátttökuna í gestabókarkeppninni þið 10 eðalpersónur sem rituðuð + hinir 8 sem voru komnir áður.  18 bestu vinir mínir !

Ég verð seint heimsmethafi í gestakomum.