Gáfu skít.

21.3.2007 | 20:46

Í dag sló tímaklukkan hjá mér 43 ding. Skrítið ! Það styttist þá væntanlega í að ég verði keddling. Fyndið. Það var samt ekki mikið um hátíðahöld í dag. Hestarnir gáfu meira að segja skít í mig og þá meina ég skít út um allt. Þeir eru svo vel gefnir þessar elskur, sáu sér leik í hesthúsi og laumuðust út um hliðardyr á stíunni sinni. Svo völsuðu þeir um allan fóðurganginn og hafa, sýndist mér, farið í skítakeppni. Það tók mig langan tíma að koma húsinu í rétt horf. Vill bara svo vel til að skítmokstur er á við góðan sálfræðing og ég bara mæli eindregið með því að fólk moki skít að jafnaði einu sinni í viku. Í keppninni skipaði ég sjálfa mig dómara og dæmdi litförótta hestinum sigurinn. Ekki vegna þess að ég sæi mun á skít og skít.... heldur fannst mér hann sýna afar góða takta þegar hann skokkaði aftur inn í stíuna sína og þóttist saklaus af subbuganginum á ganginum.

Flokkur: Spil og leikir | Facebook

Athugasemdir

til hamingju með dingið.... þar voru 45 hjá mér fyrir 2 vikum. En ég er alveg sammála þér með skítamoksturinn. Maður þarf að taka vel á því líkamlega reglulega. Endorfinin fara út um allann kroppinn við erfiðisvinnu og okkur líður svoooo vel á eftir.

Fishandchips, 21.3.2007 kl. 20:58

Mér var sagt í dag að eitthvað væri athugavert við athugasemdir. Er bara að athuga hvort þetta virki núna

Anna (IP-tala skráð) 21.3.2007 kl. 23:13

Ok....... leiðbeiningar til þeirra sem vilja tjá sig..... þið verðið að slá inn netfang en það kemur ekki til með að birtast á síðunni. Hlakka til að fá snjöll comment.

Anna (IP-tala skráð) 21.3.2007 kl. 23:16

Til hamingju með afmælið Anna mín og a vera ekki orðin keddling...hvenær verður maur það?? Þarf að fá það staðfest svo ég geti varað mig á þeim afmælisdegi.

Gillí (IP-tala skráð) 22.3.2007 kl. 08:10

Greinilega ekki vöknuð, skrifa a í stað að og maur í stað maður...

Gillí (IP-tala skráð) 22.3.2007 kl. 08:11

Til hamingju með afmælið og ég öfunda þig af öllum þessum skítmokstri. Frekar fatlað að búa upp í sveit og hafa enga skítamöguleika.

Rósa

Rósa Erlendsdóttir (IP-tala skráð) 22.3.2007 kl. 13:26

Jesssssss!!! það tókst, sem betur fer, enda enginn smá boðskapur á ferð.

(Að kommenta, sko)

Rósa Erlendsdóttir (IP-tala skráð) 22.3.2007 kl. 13:27

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.