Sjalli eða Samúel ?

Karlamálin hjá mér eru enn í hnút.  Þið munið eftir Sjalla Jóns, kærastanum mínum sem vísaði ömmu og afa frá veislunni ?  Hann er undanfarna daga búinn að fara hamförum,  búinn að lofa öllu fögru og dæla út gjöfum.  Siggi frændi hans fékk stóra lóð og bróður sínum reddaði hann flottu starfi – bara ef þeir myndu hjálpa honum að tala mig til.  Svo fékk Jónas, æskufélagi hans nýjar nærbuxur og sandala.  Og nú keppast þeir allir við að reyna að fá mig til að halda áfram að vera með Sjalla.  Ég hallast nú að þeirri skoðun að fyrst hann gat vísað ömmu og afa frá, þá sé hann til alls líklegur og ég bara treysti honum ekki lengur.  Menn breytast ekki þótt þeir lofi bót og betrun.  Hann var líka búinn að mismuna fólki svo mikið.  Það finnst mér ekki fallegt.

 

Núna er kominn annar gaur.  Samúel Fylkir.  Hann er að reyna við mig, rosalega sætur strákur.  Hann er með mikil framtíðarplön strákurinn og virðist geta leyst hvers kyns vandamál.  Já, mér líst vel á Samúel Fylki. 

 

Er ekki ráð að hætta með Sjalla og athuga hvort ég verði ekki hamingjusamari með Samúel Fylki ? 

Þið getið hjálpað mér að velja á laugardaginn.    Merkið bara við:

Sjalli      X-S eða

Samúel  X-S