Betlari eða sníkjari ?

10.5.2007 | 08:48

Í gær fór ég um víðan völl og seldi ekki neitt. Og seldi bara töluvert af´ðí.

Þetta er nefnilega spurning um framboð og eftirspurn.

Ég gekk inn í fyrirtæki, hitti forstjóra, brosti og sagði: Má ekki bjóða þér ekkert ? Og þeir keyptu það flestir. Enda lítið af engu í boði. Einn spurði reyndar hvort ég væri að selja styrktarlínu en fékk það svar að hann fengi enga línu... bara styrkur í boði.

Ehmmm.... ég vona að mér verði ekki vísað úr landi, eins og harmonikkuleikurunum, þótt ég opinberi þetta. Reyndar skil ég alls ekki af hverju ég má selja MIG - abbababb, er samt ekki til sölu - en þessir menn mega ekki selja hæfileika sína. Ég sem var hæstánægð með að fá betlara í heimabyggð, sbr. verslum í heimabyggð.

En talandi um að ganga í fyrirtæki og selja ekki neitt..... ég er æviráðin í hinar ýmsu fjáröflunarnefndir fyrir vikið því ég þyki víst sérlega efnilegt sníkjudýr.

Flokkur: Spil og leikir | Breytt s.d. kl. 13:39 | Facebook

Athugasemdir

Góð að vanda!

Jenný Anna Baldursdóttir, 10.5.2007 kl. 13:25

Snillingur ertu !!! ávallt !!

bara Maja..., 10.5.2007 kl. 13:39

Næst ferðu og selur "eitthvað" sama hvað það er. Þori að veðja að þú stórgræðir á því. Þegar það er búið þá ferðu og selur "allt".

Egill Harðar (IP-tala skráð) 10.5.2007 kl. 14:16

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.