Hagur minn vænkaðist.

11.5.2007 | 21:36

Það er alltaf verið að tala um Kaffibandalagið. Ég veit sko alveg hverjir eru í því. Framsókn ! Þeir eru ennþá að gefa sömu kaffipakkana og þeir gáfu fyrir 8 árum. Hafa greinilega ekki fattað þá hvað þeir áttu fáa aðdáendur og pantað alltof stórt upplag. En nú verð ég að játa á mig mikla skömm. Fyrir átta árum var ég ung og vitlaus. Altså ung miðað við Halldór Ásgríms og vitlaus miðað við Albert Einstein. Í kosningunum fyrir átta árum vissi ég ekki hvað ég ætti að kjósa. Rétt fyrir kosningar kom til mín frambjóðandi frá Framsókn. Hann lofaði mér barnaskattkortum og kaffipakka ef ég setti X við bé. Kaffipakkann afhenti hann mér strax en barnaskattkortin hef ég ekki séð ennþá. Því er ég farin að hallast að því að ég hafi kosið einn lítinn kaffipakka. Er hægt að vera vitlausari ? Fyrir þetta hef ég skammast mín í átta ár. Í dag fékk ég örlitla uppreisn æru. Ég hitti frambjóðanda Framsóknar þar sem hann var að útdeila þessu hundgamla kaffi og gerði mér lítið fyrir og hirti af honum einn lítinn kaffipakka. Það er þó skömminni skárra að hafa kosið tvo kaffipakka heldur en einn.

Flokkur: Spil og leikir | Breytt s.d. kl. 21:46 | Facebook

Athugasemdir

Var það kannski Grænn Bragi....versta kaffi sögunnar...alltaf keypt í sveitinni...enda ódýrast í Kaupfélaginu...skrifað og borgað í september.

Gíslína Erlendsdóttir, 11.5.2007 kl. 22:56

Bara aldrei gera þetta aftur. Svo var gulur Braga miklu verri...

Jóhannes Freyr Stefánsson, 11.5.2007 kl. 23:52

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.