Gillí.

12.1.2008 | 20:51

Gíslína Erlendsdóttir fæddist 12. janúar 1961 og hefði því orðið 47 ára í dag. Hennar er sárt saknað. Eftirfarandi texti, sem sunginn var við útför hennar, kemur alltaf til með að minna mig á Gillí. Heart

Tvær stjörnur - Megas.

Tíminn flýgur áfram og hann teymir mig á eftir sér
og ekki fæ ég miklu ráðið um það hvert hann fer.
En ég vona bara að hann hugsi svolítið hlýlega til mín
og leiði mig á endanum aftur til þín.

Ég gaf þér forðum keðju úr gulli um hálsinn þinn,
svo gleymdir þú mér ekki í dagsins amstri nokkurt sinn.
Í augunum þínum svörtu horfði ég á sjálfan mig um hríð
og vonaði að ég fengi bara að vera þar alla tíð.

Það er margt sem angrar en ekki er það þó biðin
því ég sé það fyrst á rykinu, hve langur tími er liðin.
Og ég skrifa þar eitthvað með fingrinum sem skiptir öllu máli.
Því að nóttin mín er dimm og ein og dagurinn á báli.

Já, og andlitið þitt málað. Hve ég man það alltaf skýrt,
augnlínur og bleikar varir, brosið svo hýrt.
Jú ég veit vel, að ókeypis er allt það sem er best,
En svo þarf ég að greiða dýru verði það sem er verst.

Ég sakna þín í birtingu að hafa þig ekki við hlið mér
og ég sakna þín á daginn þegar sólin brosir við mér.
Og ég sakna þín á kvöldin þegar dimman dettur á.
En ég sakna þín mest á nóttunni er svipirnir fara á stjá.

Svo lít ég upp og sé við erum saman þarna tvær
stjörnur á blárri festingunni sem færast nær og nær.
Ég man þig þegar augu mín eru opin, hverja stund.
En þegar ég nú legg þau aftur, fer ég á þinn fund.

Flokkur: Spil og leikir | Breytt s.d. kl. 21:08 | Facebook

Athugasemdir

Gunnar Helgi Eysteinsson, 12.1.2008 kl. 20:55

Skarðið sem kona eins og Gillí skilur eftir sig er svo gríðarstórt, hún var svo magnaður karakter.

Knús á þig Anna mín

Ragnheiður , 12.1.2008 kl. 21:03

Það er skrýtið með suma afmælisdaga, ég man þá, einnig þennan. Mér var hugsað til hennar í dag. Minningin um einstaka baráttukonu lifir.

Kristjana Bjarnadóttir, 12.1.2008 kl. 21:05

Ég votta þér samúð mína, ég las talsvert inná blogginu hennar og táraðist yfir örlögum hennar. Blessuð sé minning hennar.

Maddý (IP-tala skráð) 12.1.2008 kl. 22:36

knús

Svanhildur Karlsdóttir, 12.1.2008 kl. 23:16

Þetta er fallegt.

Edda Agnarsdóttir, 13.1.2008 kl. 00:19

... þetta texti er ofsalega fallegur... Gillí var mikil manneskja... hlýjar kveðjur og straumar til þín Anna mín...

Brattur, 13.1.2008 kl. 01:11

Túnið og teigurinn fagna

þeim týndu, sem koma heim,

og það er ódáinsilmur,

sem angar á móti þeim.

Þér hlýnar um hjartarætur,

er heyrir þú fólksins mál,

því þú ert blóð af þess blóði

og brot...af landsins sál.

Davíð Stefánsson.

Hún Gillí.........ef bara ég hefðana hitt.

Halldór Egill Guðnason, 13.1.2008 kl. 01:44

Það veitir öryggi og gefur manni mikið að munað eftir þeim sem farnir eru.

Blessuð sé minning Gíllíar

Ingibjörg Friðriksdóttir, 13.1.2008 kl. 11:55

Elsku Anna mín, þetta eru falleg minningarorð um fallega konu. Góðar minningar eru svo mikils virði og þú ert lánsöm að eiga þær um hana. *faðm*

Hugarfluga, 13.1.2008 kl. 12:53

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.