Ég hugsaði bara ekki svo langt.

 

Það er verið að byggja nýtt hús í götunni.... á bakvið mitt á ská.  Um verkið sér eitthvert lítt þekkt fyrirtæki, ekki héðan.  Eftir að þeir voru búnir að fylla upp lóðina og byggja grunn, fór að myndast hin myndarlegasta tjörn á milli okkar.  Í fyrradag tók sonur minn eftir því að karlinn, sem er í forsvari fyrir þetta verk, var að handmoka skurð.... úr tjörninni myndarlegu og niður í bakgarðinn hjá okkur.  Hann vildi losna við vatnið af því að gluggarnir hans voru komnir á kaf og fannst hann ógnarsniðugur ef hann sendi tjörnina einfaldlega beint yfir í næsta garð...

Hér koma myndir sem teknar voru eftir að búið var að stífla rennuna - en þá hafði lækur tifað létt um máða steina, niður í garðinn minn og þar var allt á floti.

. 

.

Ef vel er að gáð, sést dökk rönd neðst í fyllingunni sem sýnir hvaða vatnsmagni karlskunkurinn náði að fleyta yfir til mín.  Ég fór að sjálfsögðu út og ræddi við kauða.  Ég spurði hann hvað honum gengi eiginlega til.... hvort hann héldi að hann gæti sökkt timburhúsinu mínu í vatn, eins og ekkert væri ?

Hann var ekki gáfulegur á svipinn þegar hann sagði þessa gullvægu setningu:

"Ég hugsaði bara ekki svo langt".

Akkúrat.... menn grafa rennu til að losa sig við vatn en hugsa ekki um það hvert vatnið fer.

Ætli hann setji þakið á, áður en veggirnir rísa ? 

Athugasemdir

[Ásgeir Kristinn Lárusson, 21.2.2008 kl. 17:52]

Manngreyjið er haldinn þeim leiðinda kvilla, er kallast „skökk hausamót“. Landlægur kvilli...;)

[Herborg (IP-tala skráð) 21.2.2008 kl. 18:07]

Ég hefði orðið brjáluð...en fáránlegt....

[Brjánn Guðjónsson, 21.2.2008 kl. 18:26]

eða öðrum hvimleiðum kvilla, er kallast heimska

[Gunnar Helgi Eysteinsson, 21.2.2008 kl. 19:19]

[Guðrún Jóna Gunnarsdóttir, 21.2.2008 kl. 21:00]

Það er hætt við því, miðað við þessa frammistöðu. OMG!

[Brynjar Jóhannsson, 21.2.2008 kl. 21:14]

hahahahhaha ... þetta hefur verið svo kallaður SNILLINGUR.

[Erna Bjarnadóttir, 21.2.2008 kl. 21:15]

Meira að segja kettinum mínum hefði ekki dottið í hug að haga sér svona ...

[Ásdís (IP-tala skráð) 21.2.2008 kl. 21:40]

Hva, Anna mín þú átt áreiðanlega eftir að fá frá honum himinháann reikning fyrir þessar breytingar á garðinum þínum. Veistu ekki að margir myndu gefa háar fjárhæðir fyrir að hafa læk í garðinum sínum? Vinna landslagsarkitekta og garðyrkjufræðinga er nú ekki gefins á þessum þenslutímum. Ertu annars búin að gá, er hann ekki búinn að koma fyrir bæði brú og garðálfum líka?

[Edda Agnarsdóttir, 21.2.2008 kl. 21:55]

Sá er góður! Vissi hann að þú varst kona ein í húsi með börnin?  Hann kann greinilega ekki aðra samskiptatækni!haha

Annars, hvenær verður Rommíið?

[Dísa Dóra, 21.2.2008 kl. 22:15]

úffffffffffffff kannast við svona kauða - óþolandi alveg hreint

[Þorsteinn Valur Baldvinsson, 21.2.2008 kl. 22:25]

Anna mín hringdu strax í bæjarstjórann, það er þeirra að leysa málið.

Og svo bara í vöðlurnar og æfa fluguköstinn með Bratt, nota tækifærið sem skapaðist.

[Númi (IP-tala skráð) 21.2.2008 kl. 22:42]

Þarna misstu bra,bra af góðri tjörn.

[Ingibjörg Friðriksdóttir, 22.2.2008 kl. 09:04]

Óskemmtilegt!

[Kristín Snorradóttir, 22.2.2008 kl. 09:06]

Úfff... ætli hann hafi verið að raula: lækur tifar létt um máða steina........

[Bjarndís Helena Mitchell, 22.2.2008 kl. 09:20]

Uss, ég hefði orðið brjáluð! Vonandi færðu eitthvað gert í málinu.

[Guðrún Arna Möller (IP-tala skráð) 22.2.2008 kl. 09:35]

Ja hérna megin! Nú brettir þú upp ermar og skálmar stelpa.  Láttu vaða....láttu HANN vaða.....

[Lára Hanna Einarsdóttir, 22.2.2008 kl. 10:42]

Þú hljómar sallaróleg yfir þessu... ég hefði brjálast! 

[Helga Björk Bjarnadóttir (IP-tala skráð) 22.2.2008 kl. 22:09]

Borgarnes rokkar feitast og byggingaframkvæmdirnar með......

Djö.........

H.