Fréttir.

15.7.2008 | 17:03

Það er nefnilega það. Whistling Auðvitað. Það væri undarlegt ef það væri pönnukaka eða bíll. Hver fann upp þessa speki; Það er nefnilega það ? LoL Blush Jæja, hætta að bulla og koma sér að efninu.

Nú verða sagðar fréttir. Fréttir les... .... þú sjálf/ur.

.........................................

Ég er komin með vinnu. Og ekki bara eina, heldur tvær. Wink

Í síðustu viku tók ég að mér að raða kálhausum. Altså hinum kálhausunum. Þetta heitir annars á góðri íslensku að sjá um grænmetiskæli í verslun. Ég tek þetta starf í tvær vikur, rétt svona að redda málum meðan allir hinir eru í sumarfríi.

Síðan fer ég í sumarfrí. Happy

Ógeðslega gaman að vinna smá til að komast aftur í frí.

Að loknu góðu sumarfríi.... í ágústlok, gerist ég síðan bankamær. Ég sagðist vera bankastjóri hjá Sparisjóði grínista og nágrennis til að fá vinnuna. Eða nei, ég sagði það kannski ekki alveg svona en ég allavega hugsaði það. Joyful

Og þá vindum við okkur í næstu frétt.

Tveir þorskar voru dregnir á land um helgina af mér sjálfri. Þetta þætti ekki frétt, nema vegna þess að þetta er í fyrsta skipti á ævi minni sem einhver fiskur er svo vitlaus að bíta á agnið hjá mér. Og trúið mér, ég hef kastað öngli þúsund sinnum. Þessir vænu þorskar komu á land á Ólafsfirði, nánar tiltekið á stóru bryggjunni.

Þeir fengu frekar höfðinglegar móttökur því eftir að hafa losað spúninn varfærnislega úr munnviki þeirra, bað ég þá innilega afsökunar og kastaði þeim svo aftur í sjóinn.

Þá er ekki fleira í fréttum í dag.

ruv

Flokkur: Spil og leikir | Facebook

Athugasemdir

ANNNA ÞETTA ERU STÓRFRÉTTIR ...... Skildi DV vita af ÞESSU ?

Brynjar Jóhannsson, 15.7.2008 kl. 17:53

Þetta eru góðar fréttir, til hamingju bankamær

Svanhildur Karlsdóttir, 15.7.2008 kl. 19:51

Röndótta mæææær.... má ég koma þér örlítið nær.... má ég leggja inn hjá þér.....?

Til hamingju með störfin tvö og fiskana tvo

Hrönn Sigurðardóttir, 15.7.2008 kl. 20:45

Elsku dúllan, til lukku með þetta! Í hvaða grænmetisborði verður þú í hálfan mánuð, bara svona að ég geti heimsótt þig og haldið upp á þetta með þér, það er nefnilega ekki eins víst að ég láti sjá mig í banka og haldi upp á herlegheitin þar!

Edda Agnarsdóttir, 15.7.2008 kl. 21:50

Elsku Anna mín - Þetta voru góðar fréttir ! Til hamingju með banka(stjóra)stöðuna - og allt hitt !!

Kv, Hrabba.

Hrabba (IP-tala skráð) 16.7.2008 kl. 11:24

Til hamingju með störfin :-)

Einar Indriðason, 16.7.2008 kl. 12:15

Til hamingju með vinnuna... :D Og með fenginn og mér finnst þorskarnir nú ekkert vitlausir... ég mundi frekar bíta á hjá þér en nokkrum öðrum.. t.d ef þeir hefðu bitið á hjá Rúnari Marvins þá sætu þeir í súpunni núna... Þeir voru bara þorskur á þurru landi í örstund hjá þér Knús og koss á línuna, sjáumst fljótlega

Kristín Sif (IP-tala skráð) 16.7.2008 kl. 15:15

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.