Af hverju draga hveitibrauðsdagar nafn sitt?

12.9.2009 | 10:10

Af hverju draga hveitibrauðsdagar nafn sitt?

Orðið hveitibrauðsdagar 'fyrstu dagar hjónabands' hefur verið notað í málinu frá því á síðari hluta 19. aldar af söfnum Orðabókar Háskólans að dæma. Það er tökuorð úr dönsku hvedebrødsdage en Danir hafa hugsanlega tekið sitt orð að láni úr lágþýsku, wittebroodsweken sem í raun merkir 'hveitibrauðsvikur'. Skýringin er að á hátíðisdögum var aðeins borðað hveitibrauð sem þótti fínna en gróft brauð.

Úrvals fransbrauð á hveitibrauðsdögunum!

Ekki virðast aðrar þjóðir tengja fyrstu dagana eftir brúðkaup við hveitibrauð. Svíar tala um smekmånad, eiginlega 'gælumánuð', í þýsku er talað um Flitterwochen, eiginlega vikur þegar látið er vel að einhverjum, og í ensku er notað orðið honeymoon.

(Tekið af Vísindavef H.Í.)

Nú er stefnan tekin á hunangstunglið. Wink

Flokkur: Bloggar | Facebook

Athugasemdir

Þú lifir ekki á brauði einu saman. Ég held að á hveitbrauðsdögunum þurfi maður ekki annað. Við nærumst á ástinni, hinsvegar væri nú gaman að vita hvað hugtakið hveitibrauðsdagar táknar.

Ingibjörg Friðriksdóttir, 12.9.2009 kl. 15:29

hunangstungl hljómar girnilega

---

------

strikin eru það sem Mjásmundur hafði til málanna að leggja

Hrönn Sigurðardóttir, 12.9.2009 kl. 15:54

Hugsanlega getur þýðingarvél Google leyst úr því hverju hann vill koma á framfæri

Hrönn Sigurðardóttir, 12.9.2009 kl. 15:55

Mér finnst að Hrönn eigi umsvifalaust að stofna moggabloggsíðu fyrir Mjásmund. Mér sýnist hann hafa margt gott fram að færa öfugt við ansi marga bloggara í dag.

Seint yrði hann amk sakaður um meiðyrði.

Hveitibrauð segir Anna, jahá...þá er það ónýtt nema ég taki sænsku aðferðina á þetta. Ég má ekki borða svona hveitibrauð hehehe

Ragnheiður , 13.9.2009 kl. 12:01

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.