Eðal kveðskapur.

 

Afi minn hefði farið á honum Rauð
ef átt hefði hann bara hesta
en hann átti kindur og stakan sauð
sitt af hvoru tagi. 

Er ekki allt í lagi ?

.

 

.

Í kjörklefanum.

 

.

Kjörklefinn er kannski góður

Þar krota ég við einhvern X

Á seðlinum er skíta ljóður

Sjálfstæðið,,  hreint alveg kex

 

Mín stærsta martröð er að krossa

Með stóru ex-i á rangan stað

Þá skal mig flengja fast á bossa

Og fleygja mér svo út á hlað

 

Ég kjörseðil mun kryfja vel

Svo krossinn ekki á Dé-ið rati

Því sálu mína ei ég sel

Sko !   Ég er lítill stelpu-krati.  

.

 

.

Ísland.

 

Íslandið með ægifögur
fjöll og gamlar góðar bögur
fósturjörðin sem að mér var gefin
Sólroðar á tinda skína
Ísland þú átt elsku mína
stolt ég raula Íslendingastefin.

 

Úfið hraunið,  lundur, lækur
fornleifar og gamlar bækur
allt er byggðu afar okkar forðum
Ég elska loftið hreina tæra
Íslandið,  þig vil ég mæra
en kem ei að því nógu góðum orðum.

 

Höf.  Anna Einarsdóttir.

.

Innhverf íhugun.

 

Ofurfalleg er náttúra landans.
Að horfa á litina, unun er hrein.
Að kafa í sjálfið og innbyrða andans
orku, það læknar hvert eitt lítið mein. 

.

 

.

Ferlega góð limra :-)

 

.

Þegar Steinn var að yrkja til Stínu
öll stefin úr hjarta sínu,
    þá varð honum það
    til þrautar að
hann þurfti að minnast á svo miklu
fleira í lokin en nokkurt viðlit var að segja í síðustu línu.

Höfundur; Hrólfur Sveinsson. 

.

 

.

Vísnakeppni.

Hér kemur fyrripartur........ 

 

Enginn fæst ábyrgð til að axla

og áfram á himni skín tungl

.

.

Og botna svo !   

Þegar vorar.

 

Halldór, uppáhaldsfrændi minn, sendi mér ljóð í tölvupósti;

Þegar kemur hrímkalt haust
og húmið leggst á dalinn
elskast næstum endalaust
ærnar, kýr og smalinn.

.

Mér finnst vísan mjög góð.  

En síðan fór ég að hugsa um afleiðingar þess að "elskast næstum endalaust" og þá datt þetta út um fingurna og á lyklaborðið;

 

Er vorið aftur birtist hér
og grænkar undan hjarni
kýrin getur af sér smér
en smali á von á barni.

.

 

.

 

 

Stefnuræða sparisjóðsstjóra.

 

Jakkaklæddir keyptu þeir jeppa
og jólin líka héldu með stæl
en síðan er komin víst kreppa
þá kóngarnir reka upp væl.

.

Það gagnast ei neinum að góla
og garga;  "við höfum það skítt"
þótt krónan sé farin að dóla
sér niður.....þá brosum við blítt.

.

Að bíta á jaxlinn og brosa
það besta er viðbragð í nauð
og krónuna reynum að tosa
upp aftur..uns verðum við rauð. 

.

.
 

Ljóð.

.

 

.

Guðdómlegir litir ljóma
ljúfir tónar birtast mér á ný
Skyldu englaraddir óma
á bakvið gullin himnaský ?

Móðurást.

.

 

.

Svo sterk sú taug á milli barns og móður
magnaðir þræðir - ósýnilegur fjársjóður
móðurást sem regnbogans fegurstu litir
Ég elska þig - og gjarnan vil þú vitir. 

 

Elskið líka ykkur sjálf, makann, náunga ykkar, nágranna og skattstjóra. (Alltaf fer ég yfir strikið)