Axlar - Björn.

Fyrir þá sem ekki vita, er ég hreinræktaður Snæfellingur.  Það er gjarnan sagt að Snæfellingar séu komnir af vondu fólki undan Jökli.  Einna verstur ættfeðra minna var Axlar-Björn en hann myrti 18 manns, bara sisvona.  Ekki veit ég nákvæmlega hvernig ég tengist honum en dettur þó helst í hug ............  .......... axlabönd.

 

Eftirfarandi er úrdráttur úr ævi Axlar-Bjarnar.  Í fyrri hluta er skýrt frá því, er móðir hans var þunguð af honum.   Síðari hluti fjallar um ódæði og örlög Bjössa frá Öxl.

.

"Eftir þetta varð kona Péturs með barni. Er þá sagt að henni setti fáleika mikinn með þeim hætti að henni fannst hún gæti ekki komist af nema hún bergði mannsblóði. Við þessa ílöngun átti hún lengi að berjast án þess nokkur vissi en loksins getur hún ekki leynt henni fyrir manni sínum.

Af því samfarir þeirra hjóna voru góðar og Pétur mátti ekkert móti henni láta sem hann gat veitt henni vökvaði hann sér blóð á fæti og lét hana bergja. Þegar þessi ílöngun var stillt barst konu þessari í drauma ýms óhæfa sem ekki er á orði hafandi og gat hún þess við vinnukonu sína að hún væri hrædd um að barn það sem hún gengi með mundi verða frábrugðið í ýmsu öðrum mönnum og gott ef það yrði ekki einhver óskapaskepna".

. 

 

Axlar-Björn. 

.

"Sagt hefur það verið að gestur einn norðlenskur gisti hjá Birni og var honum um kvöldið vísað til rúms frammi í skálahúsi í bænum. Þegar hann var lagstur fyrir varð honum ekki svefnsamt og fór ofan. Varð honum það þá fyrir að hann þreifaði undir rúmið og fann þar mann dauðan. Við það varð honum ákaflega bilt en tók þó það ráð að hann lagði hinn dauða upp í rúmið og breiddi rúmfötin yfir. En sjálfur lagðist hann undir rúmið þar sem dauði maðurinn lá áður.

Þegar eftir var þriðjungur nætur hér um bil komu þau Björn og kona hans í skálann. Hafði Björn öxi í hendi og lagði gegnum þann sem í rúminu lá því hann ætlaði að það væri gesturinn og skyldi hann ekki frá tíðindum segja.

Kona Bjarnar segir: "Því eru svo lítil eða engin fjörbrot hans?"

Björn svarar: "Í honum krimti, dæstur var hann en ósleitulega til lagt, kerling."

.

Líður nú nokkur tími.

.

"Síðan var Steinunn kona Bjarnar sótt og sett í varðhald á Stapa. Meðkenndi Björn þá fyrir lögmanni að hann hefði drepið og myrt átján menn alls og þeirra fyrstan fjósamanninn á Knerri. Væri hann dysjaður þar undir flórnum en hina seytján hefði hann fólgið í Ígultjörn og bundið steina við líkin og hefði konan sín verið í vitorði og aðbeiningu með sér.

Þau Björn og Steinunn voru bæði dæmd til dauða á Laugarbrekkuþingi 1596. Skyldi fyrst beinbrjóta Björn á öllum útlimum og síðan afhöfða en lífláti Steinunnar var frestað því hún var þunguð.

Ungur maður sem Ólafur hét og var náskyldur Birni var fenginn til að beinbrjóta hann og höggva. Voru leggirnir brotnir með trésleggju og haft lint undir svo kvölin yrði því meiri.

Björn varð karlmannlega við dauða sínum og pyntingum, viknaði hvorki né kveinkaði sér. Einu sinni meðan bein hans voru brotin sagði hann:

"Sjaldan brotnar vel bein á huldu, Ólafur frændi."

Þegar allir útlimir Bjarnar voru brotnir sagði kona hans við aðra þá sem við voru staddir:

"Heldur tekur nú að saxast á limina hans Björns míns."

Gegndi þá Björn til og sagði: "Einn er þó enn eftir og væri hann betur af," og var hann þá höggvinn.

Dys Bjarnar sést enn í dag hjá túninu á Laugarbrekku, á Laugarholti sem kallað er, þar sem kirkjuvegir skiptast frá Laugarbrekku að Hellnum og Stapa. Er dysin úr grjóti og orðin grasi vaxin að neðan og kölluð Axlar-Bjarnardys".

 

 

Vísindarannsókn um skóstærð bloggara.

 

Niðurstöður rannsóknarinnar voru miklu athyglisverðari en búast mátti við og marka að öllum líkindum spor í nýskúrað gólf.

.

 

.

Ef þú notar skó númer 38, 39, 40 eða 41, ert þú í hópi helmings bloggara sem nota skó.

Ef þú notar skó númer 35, 36, 37, 46, 47 eða þaðan af stærra, tilheyrir þú minnihlutahópi og ættir að stofna samtök.

Ef þú notar skó númer 42, 44 eða 45 ertu óheppinn. 

Ef þú notar skó númer 43 geturðu fengið lánaða skó hjá Bratti. 

Langflestir þátttakendur notuðu, eins og ég, skó númer 38 og það staðfestir að "líkur sækir líkan heim" og "bloggari í skóm númer 38 sækir bloggara í skóm númer 38 heim"

.

Virðingarfyllst,

Dr. Anna Einarsdóttir kandmag.

 

Skóstærðin maður, skóstærðin !

 

Það vantar 8 manns í skókönnun hér til hliðar.

Athugið að einungis 100 manns eiga að svara þessari vísindakönnun.

Ef það klikkar, þarf kelling að reikna helling og hún sem er í fríi.

Ætli ég geti titlað mig Doktor eftir þetta ? 

.

 

.

Skyldi þessi blogga ?  Á konan hans skóna ?  Gengur hann með grasið í skónum ?

Svörin við þessu og mörgu öðru, koma í næsta þætti af Nýjasta tækni og vísindi.

Umsjónarmaður þess þáttar verður Dr. Anna Einarsdóttir kandmag.

Auglýsingar á Moggabloggi.

 

Auglýsingarnar á Moggabloggi gerast æ kræfari;

"Pungurinn kemur þér í samband, hvar og hvenær sem þú vilt".

"Fáðu netið beint í punginn strax í dag". 

ÁTS.       Ég bara spyr;  Vill það einhver ?

.

Ofangreindar auglýsingar má sjá á flestum bloggsíðum, hægra megin.

Ég keypti mig frá Moggabloggs-auglýsingum og er því punglaus.

En það er svosem ekkert nýtt. 

Allt fyrir vini mína.

 

Ég var að spegúlera. 

Það er svo oft sagt "Það er maðkur í mysunni".

Hefur einhver fengið maðk í Mysu ?  Bara einhver ????

.

 

.

Einmitt.  Ég þekki aldrei neinn sem vinnur í happadrætti. 

Þegar ég verð orðin gömul, ætla ég að vinna við að setja maðka í Mysur.    Kannski smelli ég ormum í nokkrar skyrdollur í leiðinni.

Skyr með bláberjum og ánamöðkum.      Only for you my friend.

.

.

Gleðilegt sumar !

Ekki trúlofuð og ekki ólétt.

 

Ehhhhh........ ég var að segja alveg satt í gær, enda veit ég að það er ljótt að plata.    Ég er að fara í brúðkaupsferð eeeeeen  ........kannski gleymdi ég að segja að það er bróðir minn sem gengur upp að altarinu. 

Og eins skemmtilegt og það nú er, ætlar hann að kvænast tilvonandi mágkonu minni.   

Endalaust gaman að svona tilviljunum. 

.

.

Tilvonandi brúðhjón vilja semsagt fá félagsskap í ferðinni - og fannst vænlegt að bjóða okkur það hlutverk, þar sem afar líklegt er að við gerum einhvern skandal eða usla eða hvað þetta nú allt heitir.

 

 

 

 

. 

Ég biðst afsökunar á óprúttinni stríðni minni. 

.

PS.  Bæði vinnuveitandi minn og dóttir fengu fréttirnar á sama hátt; 
"Við erum að fara í brúðkaupsferð í maí"  og það kom skemmtilega löng þögn í kjölfarið. 

.

Hamingjuóskunum mun ég skila samviskusamlega til réttra aðila.

 

Brúðkaupsferð í maí.

 

Það er að verða komin marktæk niðurstaða í skó-rannsóknina.   Þar sem ég hef tileinkað mér að hafa hlutina auðvelda, ef hægt er, mun ég bíða þar til 100 manns hafa tekið þátt.  Þá er svo auðvelt að prósentureikna niðurstöðuna. 

Allir að smella á skóstærð, ha ! 

.

.

Annars verð ég að hvísla að ykkur smá fréttum.     Þetta er ekki alveg frágengið ennþá, en ég segi það samt og þið lofið að fara ekki með það lengra.

Ohhhhhhh....... ég er svooooo kát. 

Í maí fer ég í brúðkaupsferð. 

.

Segi ykkur smáatriðin þegar búið verður að ganga frá öllum endum. 

Mér er mál að blogga um íslenskt mál.

 

Það er ekki heiglum hent að læra íslensku.   Orð geta verið skrifuð eins en verið þó með mismunandi framburði.  Dæmi;

Vilborg = Villa  (linur framburður)
Villumelding = villa  (harður framburður)

Hvernig eiga útlendingar að sjá muninn ? 

Varstu að kalla Kalli ?   

.

Dóttir mín, 11 ára, er að gera ritgerð um Snorra Sturluson.  Henni fannst hann eiga of margar frillur. (með linum L-um)  Snorri var náttúrulega ekki í lagi;  1 trilla og 3 frillur. 

.

.

Ef útlendingar koma í búð og biðja um Só Fasett er ekki víst að þeir fái það sem um er beðið.

Þeir þurfa að segja Sófa sett.

Kannski þeim gangi betur að tala, ef þeir fá sér málband ?

.

Það er mjög hvimleitt þegar fólk heilsar mér mjög hratt.

Hæ´na. 

 

Spil og leikir.

 

Í kvöld fer ég að spila bridge.  Þetta er síðasta kvöldið af þremur í sameiginlegri keppni Akurnesinga, Borgnesinga og Borgfirðinga. 

Nú spyr ég;  í hvaða sæti lendi ég ?

Athugið að samkvæmt reglum og reglugerðum, má enginn giska á sama númerið.

Nei, nú mismælti ég mig.    Það mega engir tveir giska á sama sætið.

Möguleikarnir eru 1-18. 

.

 

.

 

Nú má ég ekki spila rassinn úr buxunum.     

.

Merkilegt.

 

Í dag er 17. apríl.

Á morgun er 18. apríl.

Tilviljun ?? 

.