Ég á svakalega bágt.

 

Þetta blogg er búið að eyðileggja líf mitt. 

Eftir að hafa séð dóma sem fallið hafa undanfarnar vikur í ýmsum málum, er engum blöðum um það að fletta, að ég á gríðarlega bágt.

Ég hef verið kölluð bæði rasisti og nasisti í kommentum á blogginu.  Mér finnst að vísu töff að þessi orð ríma en málið er, að ef ég höfða mál, gerir þetta tvisvar sinnum 300 þúsund krónur, eða alls 600 þúsund krónur, í miskabætur fyrir mig, miðað við nýfallinn dóm í meiðyrðamáli á blogginu.

Til að sýna ykkur fram á alvarleika málsins, þá jafngildir þetta fjórum alvarlegum líkamsárásum á konu, með tilheyrandi spítalaferð í nokkra daga eða jafnvel vikur.  Þetta er jafnslæmt og að vera fjórum sinnum barin í klessu á heimili sínu en hvert slíkt tilvik er metið á 150 þúsund krónur í miskabætur fyrir fórnarlambið.  Fjórum sinnum 150 þúsund eru samtals 600 þúsund.

Í báðum tilvikum er svo skilorðsbundin fangelsisvist.

Það þarf engan stærðfræðisnilling til að sjá hversu grátt ég hef verið leikin. 

-----------------------------------------------------------------

En svona í alvöru..... finnst ykkur þessir dómar í lagi ? 

 

Undur undur en engin stórmerki.

 

Þessi padda finnst í Indónesíu og kallast Undur undur .... ef ég hef skilið indónesískuna rétt. 

.

 

 

Myndin hér til hliðar sýnir Undur undur nýkomna úr vinnunni og við erum augljóslega að tala um sóðavinnu hérna.  Æi greyið. 

 

 

 

 

 

 

 

Hérna er Undur undur búin að fara í bað og er nú orðin allmiklu frýnilegri padda... allt að því hugguleg.

Kannski er hún að fara á deit. 

 

 

 

Ég sakna stundum þáttarins Nýjasta tækni og vísindi.   

Tilvísun.

 

Langfyndnasta færsla sem ég hef lesið í vikunni er hjá henni Ragnheiði, bestu bloggvinkonu.

 

Ég er bara að reyna að lengja líf þitt.

 

      

 

 

 

Hvað sagði appelsínan við hina appelsínuna þegar hún datt í sjóinn ?

 

 

 

 

 

     

 

 

 

 

 

          

          

 

            Skerðu þig í báta, skerðu þig í báta !!!!

Þetta er dagsatt.

 

 

Sonur minn þurfti að bera vitni í réttarsal um daginn.  Hann gekk inn í dómsalinn og horfði í kringum sig.  Hann sá að dómarinn var í kjól og lögmaðurinn líka. 

 

 

 

Þá mælti sonur minn hátt og snjallt: 

 

"Átti ég kannski að mæta í kjól"?  

 

Ég er náttúrulega svo furðuleg en mér fannst þetta alveg hroðalega fyndið. 

 

 

Nýtt logo.

 

Loksins, loksins er þessi síða komin með sitt eigið LOGO.

Það er að vísu frekar illa fengið.  Ég stal því frá einhverjum Fullum sem stal því frá öðrum bloggara og ég hef satt að segja ekki hugmynd um hvort hann stal því líka.

En hingað er það komið. 

Þetta er dálítið í stíl við merki sparisjóðanna eins og þið sjáið.... alveg eins svona fjögur eitthvað: 

 

Sparisjóður Mýrasýslu:  

Sparisjóður grínista: 

 

   

 

 

Hver er þetta ?

 

Ef að þetta er ég 

og þetta er Ragnheiður 

og þetta er Brattur 

og þetta er Þorsteinn Valur 

og þetta er Halldór 

og þetta er Jón Steinar 

og þetta er Helena 

og þetta er Gunnar Helgi 

og þetta er Lára Hanna 

Hver er þá þetta ?     ????????

.

.

.

 

Farið að bauka við að búa til bauka.

Áminning til bloggvina með tattoo.

.

Eftir þrjár vikur, þann 15. mars næstkomandi, ætlum við að hittast og etja kappi í norsku Rommýi.     Jabbedíbabbedídú.

Verðlaun verða að sjálfsögðu veitt fyrir alla frammistöðu, jafnvel þá alslökustu.  Brattur dómari og Halldór yfirdómari munu sjá til þess að keppnin verði drengileg og stúlkuleg. 

Farið er fram á að keppendur mæti með heimatilbúinn sparibauk og má hann vera í hvaða formi sem hugmyndaflug framleiðenda leyfir. 

Hér koma einhverjar hugmyndir:

 
              

 

 

 

 

                             

                             

                             

 

 

Þessi er spennandi.

 

...Af hverju var skjaldbakan fljótari en Brattur vinur minn,  út í bakaríið í morgun ??? 

.

.

Það er púki í púkanum mínum.

Þessi texti hefur verið að bögglast í mér undanfarið:

Er ég kem heim í Búðardal
bíður mín brúðarval
Ó ég veit það verður svaka partý.
Býð ég öllum úr sveitinni
langömmu heillinni   
það mun verða veislunni margt í.

.

Þetta rímar ekki en það er líka erfitt að bjóða langömmu heitinni.. nánast ómögulegt.
Því gúgglaði ég textann og fékk hann allt öðruvísi:

.

Er ég kem heim í Búðardal
bíður mín brúðarval
og ég veit það verður svaka partý
Býð ég öllum úr sveitinni,
langömmu heitinni
myndi þykja veislunni margt í.

.

Langamma var semsagt aldrei boðin í partýið. 

-----------------------------------------------------------------------------------------

Ps.  Púkinn vildi ekki orðið "gúgglaði" og kom með breytingatillögurnar:

gígglaði
gúlglaði
gúmglaði
gúuglaði
kúgglaði
múgglaði
rúgglaði
súgglaði

Getur einhver útskýrt hvað þessi orð þýða ?