FFF

 

Myndina af hundunum hér fyrir neðan, fann ég á netinu.

.

 

.

En kisurnar hérna fann ég í rúminu mínu.

.

 

.

Þegar ég sá þær fékk ég svona tilfinningu að ég þyrfti að fara að taka til.

Undanfarið hef ég upplifað söguna um kiðlingana sjö þar sem einn faldi sig í klukkunni, annar í skápnum, sá þriðji undir hillunni o.s.frv.  Nema hvað hjá mér eru það kettir sem kíkja út úr hinum ólíklegustu stöðum.  Ævintýri líkast.

.

En kettlingarnir eru farnir að týnast út og eignast ný heimili enda eftirsótt og góð ræktun í þessari sveit.  Ræktunarmarkmiðið er að fá fallega, fjöruga og feiknablíða ketti.  Effin þrjú. 

Um næstu mánaðamót verða öll kisuskottin flogin úr hreiðrinu 
- nema kisan sem ég ætla sjálf að eiga. 

Sú heppna heitir Frekna og lítur svona út;

.

 

.

Sumt getur maður bara ekki gefið frá sér. 

.

Athugasemdir

[Ragnheiður , 19.1.2010 kl. 14:52]

Yndislegar kisur...hvaðan kemur þessi svaka feldur ? Er Katla að leggja lag sitt við skógarkött ?

[Anna Einarsdóttir, 19.1.2010 kl. 15:20]

Já Ragnheiður.  Norskur skógarköttur er kærasti Kötlu.

[Hrönn Sigurðardóttir, 19.1.2010 kl. 18:22]

Feikna fríð Frekna

[Hrabba (IP-tala skráð) 20.1.2010 kl. 09:27]

Úff - hrikalega krúttlegar !! - Ég er orðin fósturmóðir einnar kisulóru af Álftanesinu - alveg kolfallin fyrir henni, sem og öðrum fjölskyldumeðlimum í þeirri fjölskyldu ! hehe.

Sjáumst í kvöld gæska !