Misskilin dönskukunnátta.

 

Í kaffitímanum leysti ég af á afgreiðslukassanum.

Fólkið streymdi í gegn og kassinn sagði bíbb,..... bíbb,...... bíbb,........ bíbb, um leið og hann las strikamerkin á vörunum.

Inn í búðina streymir hópur af dönskum eldri borgurum.

Röð myndast fyrir framan kassana.

Allir tala dönsku.

Eldri kona segir eitthvað óskiljanlegt við mig, sem ég skil auðvitað ekki vegna þess að það er óskiljanlegt.

Ég hvái.

Hún endurtekur bullið óskiljanlega og þá giska ég á að sú danska sé að reyna að tala ensku !

Sem tilraun til að leysa úr samskiptaörðugleikum okkar, bið ég hana að endurtaka það sem hún var að segja - og nú á dönsku.

Þarna tók ég stóran séns þar sem ég hef ekki talað stakt orð í dönsku í 25 ár.

Konan bunar út úr sér orðum sem ég umsvifalaust þýði yfir á íslensku:  "Er póstkassinn í næsta húsi tæmdur daglega"?

Ja,   siger jeg.

Snakker du dansk, siger hun.

Neeeej, næsten ekki noget, siger jeg.  Jeg har ikke snakket dansk í fem og tyve år. 

Hvað haldiði að sú gamla hafi þá gert ?!!

Hún gólaði yfir röðina:  HUN SNAKKER DANSK..... og benti á mig. 

Næstum allir farþegar rútunnar þyrptust að kassanum hjá mér - og töluðu og töluðu og töluðu við mig dönsku eins og væri ég innfædd.

.

.

Ég svitnaði. 

Athugasemdir

[Hrönn Sigurðardóttir, 30.6.2010 kl. 14:56]

hahahha alltaf gaman að æfa dönskuna

[Hrönn Sigurðardóttir, 30.6.2010 kl. 14:58]

...þetta voru eldri borgarar. Hún hefur ekki heyrt ikke hjá þér...... Munar voða litlu samt........

[Bergljót Hreinsdóttir, 1.7.2010 kl. 01:13]

Þeim hefur þótt dejligt að finna vin í eyðimörkinni...þig...og fundit þú bara hafa gott af að spreyta þig...

[Óskar Þorkelsson, 2.7.2010 kl. 14:00]

danska er mál sem líkist því þegar ofurölvaðir norðmenn eru að reyna að tjá sig

[Ragnheiður , 4.7.2010 kl. 22:34]

Hahaha maður hefur bara gott af því að tala dönsku :O)

[sæa (IP-tala skráð) 6.7.2010 kl. 16:10]

hahaha alltaf góð, annars er danskan ljótasta tungumál í heimi, er sammála Óskari hehehe. Kveðja Sæa.