Hvernig ætli það sé ?

 

Jæja krakkar.

Erum við annars ekki öll krakkar ?

Einn minn besti vinur í þessu lífi, var briddsfélagi minn til 11 ára.  Hann var tæpum fjörutíu árum eldri en ég og mér fannst hann alltaf vera strákur.    Við spiluðum saman einu sinni í viku og spjölluðum svo um spilin, lífið og tilveruna, oftast tveimur dögum síðar.  Á milli okkar féll aldrei styggðaryrði.  Oft þegar við vorum að kynna okkur fyrir ókunnugum bridgespilurum, þá sögðum við "við systkinin" því við bárum sama föðurnafn.  Það var stundum óborganlegt að sjá svipinn sem kom á mótspilarana.

Ég er stundum að velta því fyrir mér hvort ég vakni einhvern daginn, orðin kjéddling ?  Það þætti mér að sumu leiti fyndið - en bara að sumu leyti.  Mér finnst ég alltaf vera stelpa.  Kannski tvisvar á ári kona og af og til eins og strákur.  

Hvað ætli fólki finnist þegar það er orðið aldrað, í árum talið ?

 

 

Athugasemdir

[Anna Einarsdóttir, 12.7.2007 kl. 19:34]

Ójá   Best eftir fertugt.

[Brattur, 12.7.2007 kl. 22:40]

... þetta er skemmtileg pæling...það er hægt að verða karl og kerling, jafnvel á unga aldri... alltaf spurning um hugarfar... vera léttur og kátur og ekki taka sig of hátíðlega... ég er bölvaður prakkari í mér og finnst mest gaman að gera grín að sjálfum mér...meðan maður er heilsuhraustur og sprækur, þá er allt í lagi... en auðvita sigrar tíminn að lokum... og það er þá bara þannig...

[Anna Einarsdóttir, 12.7.2007 kl. 22:45]

Ha ?  Ert þú prakkari ?? 

[Brattur, 12.7.2007 kl. 22:48]

... nei, nei... ég bara segi svona... en n.b. það er bara gaman að prakkarast með öðrum prökkurum... ekki fílupokum...