Klukkuð af Halldóri og hrossinu í haganum.

 

Nú hef ég verið klukkuð tvisvar svo ég get ekki skorast undan og verð að segja átta atriði um mig.  Ætla að upplýsa ykkur um ýmislegt sem þið ekki vissuð um mig.

1. Ég er Snæfellingur
2. Ég kann að tefla
3. Ég fékk mér tattoo í fyrra
4. Ég er 43 ára
5. Ég er Bifrestingur
6. Ég er 1,67 á hæð
7. Ég er með brúnt hár
8. Ég er að drepast úr hógværð.   NOT !   ok, þetta var ekki að marka.

    8....Ég er fjármálastjóri

 

Og svo hleyp ég af stað og klukka 8 aðila og held svo áfram að bulla.

 

Athugasemdir

[Anna Einarsdóttir, 12.7.2007 kl. 23:06]

jújú, það er táfýla af hárinu á mér.

[Brattur, 12.7.2007 kl. 23:51]

tattoo... var það hestur eða fiðrildi? 1,67 er fín hæð, ekki hafa áhyggjur af því... það er margt verra í lífinu en það... heyrðu annars Anna, þessi Guðjón er eitthvað að tala um dverga, er hann í færeyska dvergasamsærinu hmmm??? mjööööööög grunsamlegt...

[Þorsteinn Sverrisson, 13.7.2007 kl. 00:01]

8,5 ..... Þú ert KLIKK !!

[Anna Einarsdóttir, 13.7.2007 kl. 00:05]

8,5 ??   Nei, ég sagði 1,67

Já, Brattur, Guðjón er grunsamlegur.  Nú fylgjumst við grannt með honum.

[Anna Einarsdóttir, 13.7.2007 kl. 00:07]

Og tattúið..... svo margar spurningar........ ég er með stimpil á handleggsvöðvanum....... svona eins og fyrsta flokks ær.

[Halldór Egill Guðnason, 13.7.2007 kl. 00:08]

Stjörnuflokkur?

[Anna Einarsdóttir, 13.7.2007 kl. 00:12]

 Mér líkar vel við spurninguna Halldór.  En vil ekki opinbera yfirgengilegt mont mitt á netinu.

AUÐVITAÐ !!

[Arnfinnur Bragason, 13.7.2007 kl. 00:28]

Ertu í rolluflokk er það ekki D1?

[Anna Einarsdóttir, 13.7.2007 kl. 00:29]

Arnfinnur.  þú verður að fara á dönnunarnámskeið ef þú ætlar ekki að pipra.

[Halldór Egill Guðnason, 13.7.2007 kl. 01:51]

Ekki að spyrja að því. Fékk mér tvö tattoo fyrir löngu, en hvorugt segir eitt eða neitt um neitt. "Dvergamörk" Guðjón....ert þú 3 og sextíu?

[Anna Einarsdóttir, 13.7.2007 kl. 09:40]

Guðjón er bara að stríða mér..... ég á það víst inni hjá honum.

Ég fer að setja upp skákmót hérna !  Tattoo í fyrstu verðlaun. 

[Gíslína Erlendsdóttir, 13.7.2007 kl. 10:00]

Eins gott að ná yfir 160, annars ertu hola

[Anna Einarsdóttir, 13.7.2007 kl. 10:10]

  HOLA !

Göngum örlítið lengra..... þeir sem eru 1,50 eru þá gjótur.

[Arnfinnur Bragason, 13.7.2007 kl. 15:03]

Sorry Anna! Missi mig stundum, en bara stundum annars mjöööög dannaður

Ennnn hef ekki tattoo þannig að ég ætla að leggja mig fram um að vinna þetta skákmót og fá tattoo í verðlaun..... fyrsti leikur hvíts e2-e4

[Anna Einarsdóttir, 13.7.2007 kl. 15:21]

E7-E5 leik ég......... þegar mótið byrjar !

Það þarf að taka við skráningum og þátttökugjöldum fyrst.

[Arnfinnur Bragason, 13.7.2007 kl. 15:31]

OK ég er bara svo óþolinmóður........

Þú tekur við þátttökugjöldum og ég við áheitum. Díll?

[Anna Einarsdóttir, 13.7.2007 kl. 16:33]

Áheitum ?  Þú talar eins og þú sért kirkja ! 

[Arnfinnur Bragason, 13.7.2007 kl. 20:25]

Nei ég var meira að hugsa um að hafa eitthvað útúr þessu.

Svo veistu ekki nema ég láti aurinn renna til góðgerðamála.

[Anna Einarsdóttir, 13.7.2007 kl. 23:25]

Það eru a.m.k. 6 bloggvinir mínir sem kunna að tefla.  Spáum í alvöru/gamni skákmót í vetur.  Skráningagjald 1500-2000 og sigurvegarinn fær tattoo.

Þið getið æft ykkur þangað til.

Og verið svo viðbúnir að tapa fyrir stelpum,, því við Kristjana ætlum að vinn´etta.

[Brattur, 13.7.2007 kl. 23:27]

... ég hef aldrei tapað fyrir stelpu... en hvort ég er til í skákmót... hver sér annars um tattoo-ið????

[Brattur, 13.7.2007 kl. 23:29]

... Ægir hvað er frönsk vörn???... það er leiðinlegt að verjast... maður sækir allan tímann og fellur með sæmd... þá sjaldan sem það gerist...

[Anna Einarsdóttir, 13.7.2007 kl. 23:42]

Verðlaunapeningarnir greiða fyrir tattoo á stofu.

Þegar ég var á Bifröst, var ég í taflliði skólans.  Við fórum á mót í Reykholti og þegar ég gekk þar inn, hlógu strákarnir í hinum liðunum framan í mig, bentu á mig og spurðu félaga mína hvað þeir væru eiginlega að gera við stelpu í liðinu.  Ég er síður en svo að ýkja núna, þeir voru verulega dónalegir.  Ég tefldi á öðru borði, ef ég man rétt, og vann allar mínar skákir.  Það eru ljúfustu skáksigrar mínir til þessa. 

Annars hef ég ekki teflt að neinu ráði síðan, svo þið eigið góðan séns.

[Anna Einarsdóttir, 13.7.2007 kl. 23:48]

Þetta er skemmtilegt !  Við erum hvert öðru montnara og svo er ég handviss um að Kristjana sigrar.

[Brattur, 13.7.2007 kl. 23:57]

... ég er nú ekkert montinn... en get svo sum sagt frá því að ég varð skákmeistari Bifrastar árið 1975... með 100% vinninga... ekkert til að tala um... en ég verð að viðurkenna það... þótt ég sé mikill jafnréttissinni... þá er ég skíthræddur við það að tapa fyrir konu í skák... og nú verður maður að fara að rifja upp skákkunnáttuna... hrókurinn var hann ekki alltaf á kantinum hmm.... Anna ertu svona svakaleg góð... mér er bara ekki sama....

[Anna Einarsdóttir, 14.7.2007 kl. 00:02]

Nei.     Ég var efnileg..... í mörgu....... en góð í fæstu.

[Brattur, 14.7.2007 kl. 00:07]

...svona svona... þú ert bara fín eins og þú ert... maður þarf ekkert að vera bestur til að vera góður... og er sá besti endilega góður hmm....

[Anna Einarsdóttir, 14.7.2007 kl. 00:26]

  Skoh, vinkona mín með keppnisskap !  Ég er hálfsmeyk um að þeir sofi ekki í nótt.

[Brattur, 14.7.2007 kl. 00:36]

úpps stelpurnar í ham... veit ekki hvort að drottningarbragðið dugi...  ég er mikið að spá í 4-4-2 eins og Man. United... vera allan tímann á þeirra helmingi og láta riddarann rugla þær í ríminu... hvað segir þú Ægir um það hmm?

[Anna Einarsdóttir, 14.7.2007 kl. 00:39]

Mér finnst jarðarberjabragð oftast best.

[Anna Einarsdóttir, 14.7.2007 kl. 00:45]

Riddararnir ykkar verða teknir og tamdir í hvelli.  Þeir eru mitt uppáhald.

[Anna Einarsdóttir, 14.7.2007 kl. 00:46]

Og svo held ég að þið strákarnir kunnið ekkert með drottningar að fara.

[Brattur, 14.7.2007 kl. 00:46]

... já jarðarberja með súkkulaðisósu... megum bara ekki útbía taflmennina....

... hér var að berast frétt :

Anna Einarsdóttir Snæfellingur hefur verið kjörinn formaður skákfélags Bloggarar og mun standa fyrir fyrsta skákmóti bloggvina í haust... nánar verður tilkynnt um staðsetningu og tíma í lok berjatímans...

[Brattur, 14.7.2007 kl. 00:49]

... víst kunnum við að fara með drottningar... að fórna drottningu fyrir peð mynd mér t.d.aldrei detta í  hug, jafnvel þó ég ynni skákina með því lúsarbragði....

[Anna Einarsdóttir, 14.7.2007 kl. 00:56]

Okitók, tek að mér formennskuna og skorast ekki undan.

Sendið póst á [e-mail] ef þið viljið fá tilkynningu um skáksamsætið þegar þar að kemur.  Október er líklegur keppnistími.  Fram þarf að koma email... hahahahaha.....

[Brattur, 14.7.2007 kl. 01:00]

... þú ert náttúrulega algör hetja og Drottning, Anna... ég bíð mig fram sem dómara.... nokkur á móti???

[Brattur, 14.7.2007 kl. 01:07]

...  ég myndi fá mér urriða á vinstra herðablaðið...

[Anna Einarsdóttir, 14.7.2007 kl. 01:08]

Hávær hróp og andmæli hérna !  Þú ert EKKI dómari Brattur. 

[Brattur, 14.7.2007 kl. 01:17]

.. núhh.. maður með reynslu... af hverju ekki dómari... ég yrði eins og gömul sál sem að svifi yfir ungviðinu og deildi af reynslu minni og þekkingu og hefði sanngirni og góðvild að leiðarljósi...

efast þú um eitthvað annað, kæra Anna....

[Halldór Egill Guðnason, 14.7.2007 kl. 01:20]

Kann að tefla. Get að sjálfsögðu ekki neitt, enda alltof bráður og þver, en alltaf gaman að taka þátt mótum. Hvar á að mæta.....eða á að blogga skákirnar? Ef ég vinn, gef ég vinninginn. Er með tvö tattoo og finnst þau bæði forljót. Er kannski hægt að setja tattoo yfir það gamla?

[Brattur, 14.7.2007 kl. 01:23]

... Halldór... ég verð að skoða tattoo-in á þér fyrst til þess að athuga hvort þú ert löglegur... því ég er sko Dómarinn....

[Anna Einarsdóttir, 14.7.2007 kl. 01:25]

Efast ekki eitt andartak....... en býst á sama tíma við prakkarastriki frá þér.  Ok ok, þú mátt þá vera dómari þaddna !

[Anna Einarsdóttir, 14.7.2007 kl. 01:34]

Brattur..... ertu strax farinn að misnota vald þitt sem dómari ?  Einu skilyrðin fyrir þátttöku eru að kunna mannganginn og að vera bloggvinur.

Halldór, ef þú nennir að fletta upp í þessu athugasemdakerfi sem nú er farið að líkjast MSN-I...... þá sérðu hvernig skráning fer fram.

[Brattur, 14.7.2007 kl. 01:36]

... ég þakka það traust sem mótstjóri hefur sýnt mér... mun ég reyna að standa undir því trausti og hafa prakkarastrikin í lágmarki.... en þó lauma einu og einu inn ef lognmolla færist yfir mótssvæði... einnig mun ég velja mér keppanda til að halda með... til þess að vera svolítið umdeildur... að öðru leiti verð ég klæddur í hefðbundinn dómarabúning, svartar stuttbuxur og bol, en líklega í hvítum sokkum... og verð með nr. 1 á bakinu svo allir þekki mig...

[Halldór Egill Guðnason, 14.7.2007 kl. 01:37]

Þú ert brattur, Brattur. Eitt á hvorum upphandlegg, annað hauskúpa  með hjálm og snákur og hitt hnífur.(Æskubrek frá 1978 í Þyskalandi)

[Halldór Egill Guðnason, 14.7.2007 kl. 01:40]

Takk fyrir það Anna. Kominn með lonníetturnar á nefið og farinn að rýna. (Þetta fer að verða á annan meter hérna í "kommentunum"hjá þér)

[Anna Einarsdóttir, 14.7.2007 kl. 01:41]

Hahahahahaha...... mér er skítsama þótt ég tapi öllum skákunum, bara ef ég fæ að sjá dómarann í þessari múderingu.   Nú stendur þú við þetta Brattur og ekkert bull !

[Anna Einarsdóttir, 14.7.2007 kl. 01:45]

Það þarf ekkert að mæla sérstaklega með honum Ægir.  Hann er sjálfkjörinn - kaus sig sjálfur sko.

[Brattur, 14.7.2007 kl. 01:45]

... auðvita stend ég við það sem ég segi... er þetta ekki alvöru mót sem við erum að tala um... og Dómarinn einn af keppendunum... ég myndi veðja á hann ef það ætti að veðja...

[Brattur, 14.7.2007 kl. 01:47]

Ægir... ég er eiginlega að hugsa um að halda með þér... vinur...

[Halldór Egill Guðnason, 14.7.2007 kl. 01:49]

Það verður greinilega á Brattan að sækja í þessu móti. Skrái mig "med engang" þó það kosti skoðun. Ekki gleyma flautunni Brattur.

[Anna Einarsdóttir, 14.7.2007 kl. 01:49]

Jú, alvöru mót með alvöru fólki með alvöru tattoo. 

Á nú að fara að veðsetja sig líka ?

Þú verður með Halldór, ert ráðinn sem eftirlitsdómari. 

[Brattur, 14.7.2007 kl. 01:51]

... ég var nú eignlega að hugsa um að hafa engann eftirlistdómara... en Halldór má nú samt alveg vera með....

[Anna Einarsdóttir, 14.7.2007 kl. 01:53]

 æi jú, mér fannst það svo fyndið og svo gott á þig !

[Halldór Egill Guðnason, 14.7.2007 kl. 01:56]

OK. Ég skal halda á flautunni Brattur. Díll? Þá er einungis eftir velja stað og stund.

[Anna Einarsdóttir, 14.7.2007 kl. 01:56]

Ok, ég var að ákveða mig ! 

Föstudaginn 21. september 2007 klukkan 8.30  hefst viðureign okkar.

[Anna Einarsdóttir, 14.7.2007 kl. 01:57]

Staðsetning ákveðin síðar.  Verðum að eiga eitthvað skemmtilegt eftir.

[Brattur, 14.7.2007 kl. 01:59]

ÞÁ ER ÞAÐ ÁKVEÐIÐ...  en 8.30... ???

[Anna Einarsdóttir, 14.7.2007 kl. 02:02]

20.30..... fyrst þú ert svona morgunfúll Brattur. 

[Brattur, 14.7.2007 kl. 02:09]

... mótið verur að öllum líkindum haldið í Miklaholthreppi, og ef þú veist ekki hvað hann er, Ægir, þá get ég vísað þér til vegar... taktu með þér svefnpoka og tannbursta og þá ertu seif....

[Anna Einarsdóttir, 14.7.2007 kl. 02:11]

Ég veit um einn eða tvo í viðbót sem eru líklegir þátttakendur.  Höfum þá fyrir leynigesti.  

En talandi um gistingu..... geisp  

[Anna Einarsdóttir, 14.7.2007 kl. 02:12]

Mótið verður haldið á höfuðborgarsvæðinu herra dómari.

[Brattur, 14.7.2007 kl. 02:14]

jamm...... teygi mig eftir náttserknum... farin að dreyma peð og drottningar...

[Brattur, 14.7.2007 kl. 02:14]

noh... ég ætlaði bara að slá um mig í landafræðinni...

[Anna Einarsdóttir, 14.7.2007 kl. 02:15]

MÁT !

[Halldór Egill Guðnason, 14.7.2007 kl. 02:19]

Halló halló....er þetta margra daga mót? Hvar ætlar þú að tjalda Ægir, 21. september? En það er ljóst að........: 

Brattur í stuttbuxum mætir

bloggvini Önnu hann kætir.

Í skákinni öll okkur tætir

og tattooliðið grætir.

Er ekki annars öruggt þú mætir....

Brattur - gætir?

Aumari leirburður er vandfundinn. Skrollkúlan á músinni að lippast í sundur. Einn lengsti kommentahali sögunnar um daginn og veginn og vingjarnlegt spjall orðið staðreynd. Þið eruð öll frábær, en nú er það koddinn. Þar verður teflt á tæpasta vað og manngangurinn krufinnr til mergjar.