Stelpupör.

 

Það er vandi að vera stelpukjáni og kostar fórnir.

 

Ég geri eitt og annað til að viðhalda stelpuímyndinni, sem er auðvitað minn stíll og hefur verið síðan ég var stelpa.   

Fólk eyðir áratugum í að leita að sjálfu sér og finna sér sinn eigin stíl.  Sjálf gafst ég upp á að leita eftir fertugt,, ákvað þá með stæl að vera bara áfram stelpa.  Þessvegna kemur ekki til nokkurra mála að gera eitthvað sem breytir mér í kjéddlingu. 

 

Eitt er það sem veldur ama - aðallega öðrum - því ég er langoftast hæstánægð.

Ég sé ekki rassgat útfyrir 10 metra radíus.     Það heitir að vera nærsýn. 

 

 

Þetta orsakar það, að í 20 ár hef ég ekki heilsað fólki sem ég mæti í bílum nema ég þekki bílinn.  Í sama árafjölda hef ég heldur ekki heilsað fólki sem er svo óprúttið að ganga hinumegin við götuna.

 

Ég á sko gleraugu !  En þau henta hræðilega mínum stelpustíl því ég breytist í kennslukonu ef ég set þau á andlitið á mér.  Á mjög áhrifamikinn hátt.

 

Er n  nokkuð að lesa þetta ?   Einu sinni prófaði ég að setja upp gleraugun þegar ég var að keyra og þá brá mér heldur betur !  Ótrúlega var mikil umferð.  Ég tók þau strax niður aftur, því ég varð hreinlega dauðskelkuð að sjá alla þessa bíla.   Miklu öruggara að sjá minna.

 

Á íþróttaleikjum vandast málið.  Enginn fókus !  Verð að viðurkenna að tvisvar eða þrisvar hef ég laumað glyrnunum á nefið á mér, sem áhorfandi á verulega spennandi körfuboltaleikjum.  En við erum þá að tala um fjögurra liða úrslit og allt í laumi.  Megi himnarnir hrynja á gleraugun mín ef ég næst á sjónvarpsmynd með þau.   

 

Nú man ég !  Stalst líka einu sinni til að lauma rúðunum á nefið í leikhúsi.  Hafði heyrt að leikarinn yrði gersamlega berrassaður í lokaatriðinu.  Svoleiðis löguðu vill nú enginn, með virka hormónastarfsemi, missa af.   Nektaratriðið stóð yfir í hálfa sekúndu.  Svindl ! 

 

Linsur er ég sko búin að reyna að prófa.  Augnhárin mín breytast í útkastara.  Kasta linsunni út - áður en hún kemst inn.   Þar gafst ég upp þegar fjórar linsur voru ónýtar.

 

Annars veit ég ekki af hverju ég er að pikka þetta !  Þetta er sko ekkert mál fyrir Önnu sál. 

 

Sé´ðig !

 

Athugasemdir

[Eva Þorsteinsdóttir, 16.7.2007 kl. 09:18]

Ég á nú ekki við þetta vandamál að stríða en allar 3 systur mínar eiga það hinsvegar....... hí á þær ;)

[Brattur, 16.7.2007 kl. 09:29]

... æðisleg gleraugu... vinir mínir segja að ég sjái vel frá mér, en aldrei að mér... en nú er ég rokinn!

Ég stóð við mitt með óvissuljóðin... góða skemmtun!

[Anna Einarsdóttir, 16.7.2007 kl. 09:32]

Takk Brattur og Góða skemmtun líka !!

Sammála Eva,  Hí á þær, sjá ekki neitt maður.  Ótrúlegt að gera ekki eitthvað í málinu.

[Eva Þorsteinsdóttir, 16.7.2007 kl. 09:33]

Þær eu með gleraugu asninn þinn.... hehe

[Gíslína Erlendsdóttir, 16.7.2007 kl. 09:57]

Allar alvöru konur yfir fertugt þurfa að nota gleraugu.....sem er fínt...á meðan þær lita á sér hárið.

[Anna Einarsdóttir, 16.7.2007 kl. 10:03]

Má ég þá heldur vera platkona. 

Annars þykist ég vita að maður verður fjarsýnn með aldrinum.  Ég bíð bara róleg.

[Hugarfluga, 16.7.2007 kl. 10:21]

Minn stærsta martröð er að einhver ræni mér, bindi fyrir augun á mér og keyri mig eitthvert út í Fjarskistan og skilji mig eftir þar. Ég myndi spyrja ljósastaura til vegar, setjast á hunda til að hvíla lúnar fætur og labba inn á pósthús og panta mér eina 9" með pepperoni og lauk. Hræðilegt alveg hreint.

[Anna Einarsdóttir, 16.7.2007 kl. 11:29]

Sínum augum lítur hver silfrið.... og gleraugun. 

Þú ERT líka kennslukona þaddna.

[Anna Einarsdóttir, 16.7.2007 kl. 11:53]

Hahahahaha.....    

Er ég að missa af einhverju ? 

Nú eyði ég færslu númer 11 sem fór í hönk út af Ægi.

[Aðalheiður Ámundadóttir, 16.7.2007 kl. 12:00]

snillingur

[Jóna Á. Gísladóttir, 16.7.2007 kl. 22:46]

 Hefur löggan haft samband ? Ég hef alltaf haft fullkomna sjón (það eina sem er fullkomið við mig) en nú er eitthvað að gerast. Ellifjarsýni. Hjálp. Á pantaðan tíma hjá augnlækni í fyrramálið.

[Anna Einarsdóttir, 16.7.2007 kl. 22:50]

Nei Jóna.  Ég er netlöggan svo..... égerígóðummálum tralla lala laaaa.