Pæjusaga.

10.8.2007 | 18:22

Sniff, snörl....ég er tárvot eftir lestur athugasemdanna. Þið söknuðuð mín í alvörunni ! Stórkostlegt.

Annars var ég bara að bulla þegar ég sagðist vera búin að tjalda.

Var í sumarbústað og gerði ekki mjög margt af mér...... og þó ?

Einn daginn smellti stelpan sér á Selfoss, fyrst á snyrtistofu þar sem augnumgjörð skyldi puntuð. Aðeins einu sinni áður hef ég látið lita á mér augabrúnirnar og er afar spör á plokkun. Vil vera natural upp að vissu marki.... þangað til fuglarnir sjá sér hag í hreiðurgerð á líkama mínum.

Þá segi ég eins og Búkolla forðum, en geri þó setningu hennar að minni.... "Taktu hár úr augabrún minni - en taktu helv. lítið samt".

Jæja.. ég sit og veit ekkert hvað er að gerast meðan stúlkan litar og plokkar. Klukkustund síðar fæ ég svo spegil og AAAAAAAAARG Gúlp.

Ég er skelfileg ! Kræst, svona fer ég ekki út á götu. Set í skyndi fram nýjar skipanir..... plokka þarna og þarna. Svo rennur tíminn út því ég átti tíma á hárgreiðslustofunni næst. Úff...... ég er með KOLSVARTAR miklar augabrýr og lít út fyrir að vera öskureið.

Á hárgreiðslustofunni ákveð ég að fyrst ég sé orðin eins og hrafnsungi í framan, sé eins gott að klára málið og bið um brún-svartan lit í hárið. Þrátt fyrir mótmæli klipparans, lét ég lita það í stíl við augabrúnirnar.

Hjúkket..... ég hef skánað smá. Kannski ef ég ber höfuðið aðeins hærra, gæti fólk jafnvel haldið að ég sé pæja. Kolsvört pæja sko.

Ég ímynda mér að ég sé langtöffuðust á svæðinu og fer inn í Bónus.

Gott ef ekki sumir kallarnir horfa á eftir mér. Sjálfstraustið vex.

Eitt af því sem skrifað hafði verið á innkaupalistann var fiskur.

Ég stend við frystinn og lít yfir úrvalið. Ummmm.....þarna er girnilegur saltfiskur. Ég vel alltaf fallegasta pakkann og eftir smá íhugun sá ég að hann var hinu megin í borðinu. Ég teygi mig,, er alveg að ná í hann,, aðeins lengra .....úúúúps....

Pæjan steyptist á hausinn ofan í frystinn og var föst þar í 20 sekúndur, með rassinn út í loftið.

Ekki minnsti virðuleiki yfir því. NÚLL.

Ég er ekki að fara á Selfoss alveg á næstunni sko.

Flokkur: Spil og leikir | Facebook

Athugasemdir

Velkomin Anna, ég saknaði þín lika

Marta B Helgadóttir, 10.8.2007 kl. 18:46

Sellfoss.. Mekka íslenskarar menningar..... 18 hárgreiðslustöðvar þrjár líkamsræktarstövðar en ekki ein einasta bóka búð .... Þarf að segja meira til að lýsa þessum staði ? .... ég get svo sem gert það SÓLBRÚNAR STERAGÓRULUR Í AÐÞRENGDNUM HVÍTUM BOL... MEÐ GRÆJUNAR Á BOTNI Í SPORTBÍL.... það er selfoss fyir mér..

Brynjar Jóhannsson, 10.8.2007 kl. 18:48

Velkomin aftur heim Anna mín, og ég sem hélt að þú værir lífsreynd kona, litaðar augabrúnir eru alltaf of dökkar fyrsta daginn.....það er sko til þess að þær verði passlega dökkar þann næsta og þarnæsta og lengi lengi. Gott að enginn tók þig í misgripum fyrir mat úr frystiborðinu og eins gott að nýja lúkkið fraus ekki fast við dönsku smábrauðin. Þekki bara tvo Selfyssinga og þeir eru báðir bráðvelgefnir, ætli Kaupfélagið hafi ekki séð fólki fyrir bókum fyrr á tímum....ertu annars nokkuð úr Hveragerði Brynjar?

Gíslína Erlendsdóttir, 10.8.2007 kl. 18:54

Takk takk.

Nei Gillí... ég er algjör lúði í snyrtistofum og málningardóti. Ætlaði t.d. að gera mig brúna fyrir kosningavöku einu sinni. Makaði brúnkuklút á andlitið en ekkert gerðist. Endurtók athöfnina en alveg sama. Alveg steinhissa las ég svo leiðbeiningarnar: "virkar eftir 4 tíma" ! Ég mætti á kosningavökuna skjannahvít en varð svo brúnni og brúnni þegar leið á kvöldið. Ekki veit ég hvað fólkið hugsaði.

Annað dæmi: Var að prófa málningardót móður minnar þegar ég var yngri. Notaði bóluhyljara sem varalit og varð ekkert smá undrandi þegar ég leit í spegilinn og sá að ég var varalaus með öllu.

Það eru til meiri pæjur en ég og það er bara fínt.

Anna Einarsdóttir, 10.8.2007 kl. 19:08

hehehe gaman að finna annan svona málningaraula, ég get ekkert ráðið við svona flókið dót eins og að mála mig....Ég saknaði þín í alvörunni.

Ragnheiður , 10.8.2007 kl. 19:40

Velkomin heim Anna Brjésnef. Þetta er alltí lagi þú ferð bara í Nóatún, enda ekkert nema Pólverjar sem versla í Bónus.

Þú átt bara að kaupa þér lit í Farmaciinu og gera þetta sjálf. Augnablik á og þrífa það af, þá berða brúnirnar akkurat eins og þær voru þegur þú varst 18.

En ég bendi þér hinsvegar á að það er ágæt sundlaug á Selfossi til að stinga sér í.

Ingibjörg Friðriksdóttir, 10.8.2007 kl. 23:38

velkominn litli geðsjúklingur

Jóna Á. Gísladóttir, 11.8.2007 kl. 21:15

"Litli geðsjúklingur"......

Þetta hljómar eins og þýðasta tónlist, þegar þú segir það svona Jóna.

Anna Einarsdóttir, 11.8.2007 kl. 21:20

Arg! Láttu mig vita hvar þú ætlar að pæjast næst... ég ætla sko ekki að missa af því!!

Heiða B. Heiðars, 12.8.2007 kl. 13:22

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Sparisjóður grínista og nágrennis.

Anna Einarsdóttir

Af gefnu tilefni skal það tekið fram, að allt sem ég skrái á þessa síðu er vel meint, þótt það á köflum geti hljómað eins og illa meint,, þá er það alls ekki þannig meint.