Gísli, Eiríkur og Helgi.

 

Fyrst ég er á annað borð farin að játa eldgamlar syndir mínar, ætla ég að bæta aðeins við. 

.

.

Ég er satt að segja orðin svo háöldruð, að það var sveitasími heima hjá mér þegar ég var krakki.  Tvær langar og ein stutt.  Það segir sig því sjálft að á tímum lítillar tækni og svart-hvíts sjónvarps með nánast engu barnaefni, utan Stundarinnar okkar, þurftum við krakkarnir að finna okkur eitthvað til dundurs.  Við vorum orðin býsna góð í því held ég. 

.

Einn fallegan sumardag þegar við vorum um 14-15 ára gamlar, ákváðum við vinkona mín að gera eitthvað verulega skemmtilegt.  Við klæddum okkur í föðurland og ullarbol og ekkert utanyfir það, settum á okkur ljótustu húfur sem við fundum og hringdum svo í stelpu á nágrannabæ sem var allnokkuð eldri en við og boðuðum hana á okkar fund - á traktor.

.

Hún mætti nokkru síðar og við tjáðum henni fyrirætlan okkar.  Hún átti að keyra um sveitir Miklaholtshrepps.... og þá sérstaklega oft framhjá Vegamótum..... en við ætluðum að sitja báðar ofan á húddi dráttarvélarinnar, snúandi baki hvor í aðra, í þessum ósmekklega klæðnaði og þykjast vera Gísli, Eiríkur og Helgi. 

.

Þetta gerðum við, vöktum mikla athygli allra sem til sáu og skemmtum okkur alveg hreint konunglega.   Það fór lítið fyrir skvísustælum hjá okkur vinkonunum. 

 

Athugasemdir

[Marta B Helgadóttir, 12.8.2007 kl. 19:37]

Frábær færsla hjá þér Anna. Það er einmitt leiðin til að virkja frumkvæði og ímyndunarafl barna, það er að láta þau sjálf finna uppá einhverju að gera, ekki alltaf að hafa ofan af fyrir þeim (með tölvuleikjum og dvd og nefndu það...)

[Heiða B. Heiðars, 12.8.2007 kl. 19:42]

...Enda hefðir þú ábyggilega bara dottið á hausinn ef þú hefðir verið pæja á traktornum

[Bjarndís Helena Mitchell, 12.8.2007 kl. 19:44]

LOL, frábær saga. Þetta hefur verið gaman.

[Marta B Helgadóttir, 12.8.2007 kl. 19:50]

sorry, þið voruð orðnar 14-15 hmmm   (las nokkuð hratt nuna...)

[Edda Agnarsdóttir, 12.8.2007 kl. 19:54]

Þetta er nú ekki eins slæmt fyrir Hólmarana og sú fyrri! Góð saga.

[Björg F (IP-tala skráð) 12.8.2007 kl. 19:59]

Er verið að rifja upp æskuminningarnar  fyrir brottför.. skrifa ævisöguna ef ske kynni að þetta skildi vera þitt síðasta..?  Glæsileg saga.. þú ert í miklu stuði þessa dagana

[Anna Einarsdóttir, 12.8.2007 kl. 20:06]

Jamm.....   Kannski dett ég á hausinn og kem heim snobbuð..... þessvegna þarf að koma þessu frá sér núna.  Ég er búin að pakka Björg..... öllu dótinu í einn bakpoka + svefnpoka.  Hlakka til að sjá þig í fyrramálið.   

Takk stelpur.... þið megið velja hvort ég var Gísli eða Eiríkur eða Helgi.

[Björg F (IP-tala skráð) 12.8.2007 kl. 20:16]

mundu að taka handklæði og sundbol

[Anna Einarsdóttir, 12.8.2007 kl. 20:19]

Of course Björg...er búin að lesa listann átján sinnum og það er allt komið. 

[Björg F (IP-tala skráð) 12.8.2007 kl. 20:21]

nýju turbosmokkana?

[Anna Einarsdóttir, 12.8.2007 kl. 20:22]

Það stóð ekki á miðanum. 

[Björg F (IP-tala skráð) 12.8.2007 kl. 20:24]

hmmm andsk.. það var á miðanum sem ég skrifaði til Halldórs.. æ ubbs.. sorry..

[Björg F (IP-tala skráð) 12.8.2007 kl. 20:41]

Ægir; Hefuru áhuga á að koma með?

[Björg F (IP-tala skráð) 12.8.2007 kl. 20:57]

Bara taka sér miðvikudaginn frí.. væla í bossanum.. ef þú ákv. þig NÚNA.. þá gæti ég kannski reddað plássi fyrir þig

[Anna Einarsdóttir, 12.8.2007 kl. 21:02]

Nei !  Er að fæðast HETJA ?  Ægir.     Auðvitað kemurðu þá !

[Brattur, 12.8.2007 kl. 21:04]

... Gísli var alltaf í uppáhaldi hjá mér... held þú hafir leikið hann

[Brattur, 12.8.2007 kl. 21:19]

... Ægir... Litli Jón var mikil hetja og barðist með hjartanu eins og við, vinur... annars var Zorro flottur líka... en ég held ég vilji samt helst vera Tarzan... af því ég er svo góður sundmaður... held að þú getir verið mjög flottur Trigger... hann var köflóttur....

[Anna Einarsdóttir, 12.8.2007 kl. 21:22]

Nei heyrðu mig nú Ægir !  Ég var að koma af síðunni hans Bratts og þar segir þú að þú farir í klippingu 31. ágúst.  Hérna segir þú að þú eigir klippingu 14. ágúst. 

Heilir 17 dagar á milli.  ERTU PEMPÍA ?    Þetta er augljóslega afsökun fyrir að koma ekki í siglingu.

[Anna Einarsdóttir, 12.8.2007 kl. 21:26]

Þið getið farið í ævintýraferð í huganum strákar.  Við stelpurnar förum í alvörunni.    Og þú ert í slæmum málum Ægir ef þú verður ekki vel klipptur þegar ég sé þig.

[Brattur, 12.8.2007 kl. 21:29]

... Jóhanna af Örk..... hún var mikil hetja...

[Brattur, 12.8.2007 kl. 21:35]

... ég er að fara í ævintýri í vikunni... sting mér í djúpa hylji ískaldra bergvatnsáa... og skutla silunga... snæði þá hráa á árbakkanum... og sef undir berum himni... læt tófuna vekja mig með kurteisu gaggi sínu og borða hundasúrur í morgunverð... er þetta ekki ævintýri...

[Anna Einarsdóttir, 12.8.2007 kl. 21:49]

En Ægir,, ætlar þú í ævintýraferð til klipparans ? 

[Brynjar Jóhannsson, 12.8.2007 kl. 22:06]

HAHAHAH þú verður að afsaka anna ... en mér DETTUR alltaf í hug skemmtistaðuinn VEGAMÓT í 101 þegar þú byrjar á þessum sögustundum og svo þegar þessi dráttavél (sex macine) kemur til skjalanna þá hrinur sögusviðið gjörsamlega undan fótum mínum.....   

[Halldór Egill Guðnason, 12.8.2007 kl. 22:10]

Anna mín.: Ertu að opna þig alveg upp á gátt með allt sem á daga þína hefur drifið, ef ske kynni að Björg næði ekki að grípa í þig á leiðinni niður fljótið ógurlega? Ný mynd! 1000% skýrari og betri en sú fyrri Hvernig pakkar maður annars í svefnpoka? Góð færsla hjá þér og ykkur öllum, eins og alltaf. Vandræði hérna megin með tenginguna. 1-2 mb og ekkert þar á milli. Ekki orðið eitt einasta hár eftir í vöngunum, en einhverslags hreiður efst Verð að hemja ofsann og hætta að hárreita mig. Fyrst bilaði músin og nú er það tengingin....arrrrrrrrg Ma    ma ma  maður er bara ekki með!

[Brattur, 12.8.2007 kl. 22:13]

Halldór... ég er byrjaður að hugsa um "þitt" innlegg.... kemur áður en þú ferð út... annars er maður að verða skíthræddur um bloggvini sína, þeir eru í þvílíkum svaðilförum í hverri viku og maður nagar bara neglurnar og bíður eftir því hvort heyrist frá þeim aftur... eða ekki...

[Anna Einarsdóttir, 12.8.2007 kl. 22:14]

Já Halldór..... ég er eins og opin bók.    Iss, þetta er svo löngu skeð að ég verð tæplega rassskellt fyrir þetta núna.  Eða er það ? 

[Halldór Egill Guðnason, 12.8.2007 kl. 22:25]

Brattur.: Þætti vænt um að fá "mitt" innlegg áður en ég fer.Mín ferð suður eftir er ekki síður áhættusöm en stelpnanna niður fljótið ógurlega Allt "peppup" hjálpar og ef einhver er rétti maðurinn í verkið, ert það þú Brattur minn. Bíð ofurspenntur en einnig í algerri auðmýktHef aldrei getað samið neitt af viti sjálfur og finnst ég hafi heiminn höndum tekið að hitta mann eins og þig, þó ég hafi aldrei hitt þig.

Anna.: Maður á alltaf að ljúka hverjum degi sáttur og sæll við allt og alla. Hvet þig eindregið til að halda áfram að rifja upp og klára málið, áður en þú og Björg steitið á skerjum og stórgrýti niður Jökulsá Held þú rifjir upp fyrir fleiri en bara þig. T.d. Sinalcoið, sem var alveg toppurinn

[Anna Einarsdóttir, 12.8.2007 kl. 22:29]

Hugmyndin er góð Halldór en ég hafna henni samt.  Ef ég segi ykkur ALLT þá eruð þið ekki eins spennt að fá mig aftur, því þá hef ég hvort eð er ekkert að segja.  Svo ég geymi eitthvað smá.   

Veit samt ekki í augnablikinu hvað það er sem ég geymi ? 

[Ingibjörg Friðriksdóttir, 12.8.2007 kl. 22:35]

Hvar er það?

Ægir, hvaða Svavar klippir þig? 

[Ingibjörg Friðriksdóttir, 12.8.2007 kl. 22:50]

Ég sem ætlaði að fara biðja þig fyrir kveðju, ég er hans fyrrverandi

[Anna Einarsdóttir, 12.8.2007 kl. 23:10]

Imba la Dauche bullukolla. 

[Brynjar Jóhannsson, 12.8.2007 kl. 23:14]

BULLUKOLLA ?..... HÓST ...  PIFF PIFF PIFF PIFF PIFF 

[Ingibjörg Friðriksdóttir, 12.8.2007 kl. 23:19]

Anna mín það er ooooooooooooooooo  Douche

[Anna Einarsdóttir, 12.8.2007 kl. 23:23]

 æi Imba..... ég er ekkert svo góð í frönsku.

[Ragnheiður , 12.8.2007 kl. 23:39]

verðurðu ekki að fara að sofa ? það gengur ekki að hafa þig hrjótandi niður flúðir og fossa á morgun ! Ji hvað ég myndi ekki þora þessu

[Anna Einarsdóttir, 12.8.2007 kl. 23:44]

Ég sef þegar ég verð eldgömul.